Allu Arjun
ప్రతిష్టాత్మక సౌత్ ఇండియన్ ఇంటర్నేషనల్ మూవీ అవార్డ్స్ (SIIMA) 2025 వేడుకలు దుబాయ్‌లోని ఎగ్జిబిషన్ సెంటర్, ఎక్స్‌పో సిటీలో అత్యంత వైభవంగా జరిగాయి. ఈ కార్యక్రమంలో తొలి రోజు తెలుగు చిత్ర పరిశ్రమకు చెందిన ప్రతిభావంతులకు అవార్డులు అందజేయగా, కొన్ని సినిమాలు, నటులు ఈ అవార్డుల వేదికపై తమ సత్తా చాటారు. ముఖ్యంగా, ‘పుష్ప 2: ది రూల్’ చిత్రం పలు విభాగాల్లో అత్యధిక పురస్కారాలు సాధించింది. ఈ చిత్రానికి గాను ఐకాన్ స్టార్ అల్లు అర్జున్ ఉత్తమ నటుడిగా అవార్డు అందుకొని, తన స్టార్‌డమ్‌ను మరోసారి ప్రపంచానికి చాటిచెప్పారు.
వరుసగా మూడోసారి సైమా అవార్డు..అల్లు అర్జున్(Allu Arjun)కు సైమా అవార్డు రావడం ఇది మొదటిసారి కాదు. గతంలో ‘పుష్ప: ది రైజ్’ చిత్రానికి ఉత్తమ నటుడిగా, ఆ తర్వాత ‘పుష్ప 2’ చిత్రానికి ఉత్తమ నటుడిగా అవార్డు అందుకున్నారు. ఇప్పుడు, ‘పుష్ప 2: ది రూల్’కు గాను ఈ పురస్కారం లభించడంతో, ఆయన వరుసగా మూడోసారి సైమా వేదికపై బెస్ట్ యాక్టర్ అవార్డును సొంతం చేసుకున్నారు. ‘పుష్ప 2: ది రూల్’ సినిమా దుబాయ్ సైమా వేదికపై ఏకంగా ఐదు విభాగాల్లో పురస్కారాలు గెలుచుకుంది. అల్లు అర్జున్ ఉత్తమ నటుడిగా, సుకుమార్ ఉత్తమ దర్శకుడిగా అవార్డులు అందుకున్నారు.
అవార్డు అందుకున్న తర్వాత అల్లు అర్జున్ (Allu Arjun )తన ఆనందాన్ని పంచుకున్నారు. ఈ విజయం కేవలం తన ఒక్కడిదే కాదని, దీని వెనుక ఉన్న క్రెడిట్ మొత్తం దర్శకుడు సుకుమార్, అలాగే ‘పుష్ప 2’ చిత్ర బృందానికి చెందుతుందని తెలిపారు. సుకుమార్ విజనరీ డైరెక్షన్, చిత్ర బృందం చేసిన అపారమైన కృషి లేకుండా ఈ విజయం సాధ్యమయ్యేది కాదని ఆయన అన్నారు. అదనంగా, తన ఎదుగుదలకు, విజయాలకు కారణమైన అభిమానుల ప్రేమకు కృతజ్ఞతలు తెలుపుతూ, ఈ అవార్డును వారికి అంకితం చేస్తున్నానని ఆయన ప్రకటించారు.
సైమా 2025 విజేతలు (తెలుగు)
- ఉత్తమ చిత్రం: కల్కి
- ఉత్తమ దర్శకుడు: సుకుమార్ (‘పుష్ప 2’)
- ఉత్తమ నటుడు: అల్లు అర్జున్(Allu Arjun) (‘పుష్ప 2’)
- ఉత్తమ నటి: రష్మిక మందన్నా
- ఉత్తమ సహాయ నటుడు: అమితాబ్ బచ్చన్
- ఉత్తమ సహాయ నటి: అన్నే బెన్
- ఉత్తమ సంగీత దర్శకుడు: దేవి శ్రీ ప్రసాద్ (డీఎస్పీ)
- ఉత్తమ గీత రచయిత: రామ్ జోగయ్య శాస్త్రి
- ఉత్తమ గాయకుడు: శంకర్ బాబు కందుకూరి
- ఉత్తమ గాయని: శిల్పా రావు
- ఉత్తమ ప్రతినాయకుడు: కమల్ హాసన్
- ఉత్తమ హాస్యనటుడు: సత్య
- ఉత్తమ సినిమాటోగ్రాఫర్: రత్నవేలు
- ఉత్తమ నటుడు (క్రిటిక్స్): తేజ సజ్జా
- ఉత్తమ దర్శకుడు (క్రిటిక్స్): ప్రశాంత్ వర్మ
- ఉత్తమ నటి (క్రిటిక్స్): మీనాక్షి చౌదరి
- ఉత్తమ కొత్త నిర్మాత: నిహారిక కొణిదెల
- ఉత్తమ పరిచయ నటుడు: సందీప్ సరోజ్
- ఉత్తమ పరిచయ నటి: పంకూరి, భాగ్యశ్రీ బోర్స్
- ఉత్తమ పరిచయ దర్శకుడు: నంద కిషోర్ యేమని
