Emmanuel Twist: బిగ్ బాస్ తెలుగు 9.. ఎమోషన్, ఎలిమినేషన్, అండ్ ఇమ్మాన్యుయేల్ ట్విస్ట్!

Emmanuel Twist

కింగ్ నాగార్జున హోస్ట్ చేసిన బిగ్ బాస్ తెలుగు 9 సండే ఎపిసోడ్ ఈ సీజన్‌లోనే అత్యంత నాటకీయమైన ఎపిసోడ్‌లలో ఒకటిగా నిలిచింది. ఈ వారం ఎలిమినేషన్ డే కావడంతో, వాతావరణం ఉద్రిక్తంగా ఉంది. అయితే, చివరి నిమిషంలో పవర్ అస్త్ర ద్వారా వచ్చిన మలుపు(Emmanuel Twist), హౌస్‌మేట్స్ తో పాటు ప్రేక్షకులకు కూడా ఊపిరి పీల్చుకునేలా చేసింది.

ఎలిమినేషన్‌కు ముందు హౌస్‌మేట్స్‌కు మద్దతుగా కొందరు ప్రముఖులు, కుటుంబ సభ్యులు డయాస్ పైకి రావడం ఈ ఎపిసోడ్‌కు హైలైట్.

రీతూ చౌదరిపై ప్రశంసలు.. మాజీ కంటెస్టెంట్ అఖిల్ సార్థక్, రీతూ సోదరుడితో కలిసి వచ్చి రీతూకి గొప్ప సపోర్ట్ ఇచ్చారు. హౌస్‌లోకి అడుగుపెట్టినప్పుడు రీతూలో ఉన్న నెగిటివ్ ఇమేజ్ పూర్తిగా మారిపోయి, ఆమె ఇప్పుడు పాజిటివ్ వైఖరితో ఆడుతోందని అఖిల్ ప్రత్యేకంగా మెచ్చుకున్నాడు. అంతేకాదు, రీతూ, తనూజ, కళ్యాణ్, ఇమ్మాన్యుయేల్, డిమాన్ పవన్‌లు టాప్ 5 కంటెస్టెంట్లుగా నిలుస్తారని తన అభిప్రాయాన్ని చెప్పుకొచ్చాడు.

పవన్ భావోద్వేగం..పవన్ తండ్రి, స్నేహితుడు వచ్చి అతడితో పంచుకున్న క్షణాలు హృదయాన్ని తాకేలా ఉన్నాయి.

తనూజ – హరిత రియూనియన్.. బుల్లితెర నటి హరిత, తనూజకు మద్దతుగా రావడం, పాత సీరియల్ జ్ఞాపకాలు గుర్తుచేసి, తనూజ కన్నీళ్లు పెట్టుకోవడం ఎమోషనల్ టచ్ ఇచ్చింది.

ఎలిమినేషన్ ప్రక్రియ – ట్విస్ట్ అండ్ సస్పెన్స్..ఫ్యామిలీ సపోర్ట్ తరువాత, ఎలిమినేషన్ డ్రామా ప్రారంభమైంది. నామినేషన్స్‌లో మిగిలిన కళ్యాణ్, సంజన, భరణి, దివ్యలలో, కళ్యాణ్ , భరణి సేవ్ అయ్యారు. చివరికి దివ్య, సంజనలు ఎలిమినేషన్ ప్రమాదంలో ఉండి, నాగార్జున ఆదేశాల మేరకు గార్డెన్ ఏరియాలోకి వెళ్లారు.

అసలు మలుపు ఇక్కడే మొదలైంది. నాగార్జున, ఇమ్మాన్యుయేల్‌ను పవర్ అస్త్ర గురించి ప్రశ్నించారు. ఈ సమయంలో దాన్ని ఉపయోగిస్తే, ఈ వారం ఎలిమినేషన్‌ను రద్దు చేసే అధికారం దానికి ఉంటుందని నాగార్జున వివరించారు. ఈ అద్భుతమైన అవకాశంపై ఒకటికి రెండుసార్లు క్లారిటీ తీసుకున్న ఇమ్మాన్యుయేల్, చివరకు పవర్ అస్త్రాను ఉపయోగించే సాహసోపేతమైన నిర్ణయం తీసుకున్నాడు.

ఇమ్మాన్యుయేల్ నిర్ణయంతో ఈ వారం ఎలిమినేషన్ రద్దయినట్లు నాగార్జున ప్రకటించారు. దీంతో దివ్య, సంజన ఇద్దరూ సేఫ్ అయ్యారు. ఆడియన్స్ ఓటింగ్ ప్రకారం దివ్య ఎలిమినేట్ కావాల్సి ఉన్నా, ఇమ్మాన్యుయేల్ తీసుకున్న వ్యూహాత్మక నిర్ణయం ఆమెకు సెకండ్ ఛాన్స్ ఇచ్చింది. ఈ పవర్ అస్త్ర ఉపయోగం ఇమ్మాన్యుయేల్ గేమ్‌లో ఒక కీలక మైలురాయిగా నిలిచింది.

మరిన్ని బిగ్ బాస్ వార్తల కోసం ఇక్కడ క్లిక్ చేయండి