IMDb list : టాప్‌‌లో ప్రభాస్ ..దూసుకువచ్చిన పవన్ .. IMDb జాబితాలో టాలీవుడ్ హవా

IMDb list

భారతీయ చలనచిత్ర పరిశ్రమలో ప్రస్తుతం తెలుగు సినీ తారల హవా నడుస్తోందని మరోసారి ప్రూవ్ అయింది. తాజాగా విడుదలైన IMDb జూలై నెల అత్యంత ప్రజాదరణ పొందిన స్టార్లు జాబితా మళ్లీ దీనిని నిరూపించింది. ఈ జాబితాలో డార్లింగ్ ప్రభాస్ తిరుగులేని ఆధిక్యతను కొనసాగిస్తుండగా, వపర్ స్టార్ పవన్ కళ్యాణ్ అనూహ్యంగా దూసుకువచ్చి సెన్సేషన్ క్రియేట్ చేశారు.

ఈ (IMDb list) జాబితాలో మొదటి స్థానంలో .. వరుసగా కొన్ని నెలలుగా అగ్రస్థానంలో తన పట్టును నిలుపుకుంటున్న డార్లింగ్ ప్రభాస్ (Prabhas)మరోసారి ఆ స్థానాన్ని కైవసం చేసుకున్నారు. పాన్-ఇండియా స్థాయిలో ఆయనకు ఉన్న అపారమైన క్రేజ్, అభిమానుల ఫాలోయింగ్‌కు ఈ స్థానం నిదర్శనంగా నిలిచింది. ఆయన రేంజ్ ఏంటో ఈ జాబితా మరోసారి ప్రపంచానికి చాటిచెప్పింది.

ఈ (IMDb list) జాబితాలో అత్యంత ఆసక్తికరమైన అంశం ఏమిటంటే, పవర్ స్టార్ పవన్ కళ్యాణ్(Pawan Kalyan) పదవ స్థానంలోకి అనూహ్యంగా దూసుకు రావడం. అంతకుముందు నెలలో ఈ స్థానం నానికి ఉండగా, పవన్ తన క్రేజ్‌తో టాప్ 10లోకి ప్రవేశించి అందరినీ ఆశ్చర్యపరిచారు. ఆయన నటిస్తున్న పాన్-ఇండియా చిత్రం “హరి హర వీరమల్లు”పై దేశవ్యాప్తంగా ఉన్న అంచనాలే దీనికి ప్రధాన కారణమని సినీ వర్గాలు చెబుతున్నాయి.

మరిన్ని ఎంటర్‌టైన్‌మెంట్ వార్తల కోసం ఇక్కడ క్లిక్ చేయండి

అలాగే IMDb లిస్టులో ఈ అగ్రతారల పక్కన, రెండవ స్థానంలో తమిళనాడుకు చెందిన అగ్ర కథానాయకుడు విజయ్ నిలవగా, మూడవ స్థానంలో బాలీవుడ్ కింగ్ షారుఖ్ ఖాన్ నిలిచారు. ఆ తర్వాత, నాలుగో స్థానాన్ని ఐకాన్ స్టార్ అల్లు అర్జున్ కైవసం చేసుకున్నారు. మహేష్ బాబు ఆరవ స్థానంలో, జూనియర్ ఎన్టీఆర్ ఏడవ స్థానంలో, రామ్ చరణ్ ఎనిమిదవ స్థానంలో నిలిచి, తెలుగు చిత్ర పరిశ్రమ స్టార్ పవర్‌ను నిరూపించారు.