Ustad Bhagat Singh
‘ఓజీ’ (OG) వంటి భారీ విజయంతో ఊపుమీదున్న పవర్ స్టార్ పవన్ కళ్యాణ్ (Pawan Kalyan) నుంచి అభిమానులు అత్యంత ఉత్కంఠగా ఎదురుచూస్తున్న చిత్రం ‘ఉస్తాద్ భగత్ సింగ్’ (Ustaad Bhagat Singh). ‘గబ్బర్ సింగ్’ (Gabbar Singh) వంటి ఐకానిక్ బ్లాక్‌బస్టర్‌ను అందించిన డైనమిక్ డైరెక్టర్ హరీష్ శంకర్ (Harish Shankar) ఈ సినిమాను తెరకెక్కిస్తుండటంతో, ఈ కాంబినేషన్ నుంచి వచ్చే అద్భుతాన్ని ఊహించడం కష్టమేమీ కాదు.
పక్కా మాస్ , కమర్షియల్ ఎంటర్‌టైనర్‌గా రూపొందుతున్న ఈ సినిమాలో శ్రీలీల, రాశీ ఖన్నా వంటి అగ్ర కథానాయికలు నటిస్తున్నారు. ఈ భారీ ప్రాజెక్ట్ షూటింగ్ పూర్తి చేసుకొని, ఇప్పుడు విడుదలకు ముస్తాబవుతోంది.
అయితే, ఈ సినిమా తమిళంలో విజయ్ నటించిన ‘తేరి’ చిత్రానికి రీమేక్ అనే పుకార్లు చాలా కాలంగా అభిమానులను కొంత గందరగోళానికి గురిచేశాయి. ఈ సమయంలో, చిత్ర నిర్మాత రవి తాజాగా ఈ అంశంపై పూర్తి స్పష్టత ఇచ్చారు.
ఆంధ్ర కింగ్ తాలూకా సినిమా ప్రమోషన్స్ సందర్భంగా ఆయన మాట్లాడుతూ, “ఉస్తాద్ భగత్ సింగ్(Ustad Bhagat Singh)లో ఉన్నది కేవలం ఒక రీమేక్ ఛాయలు కాదు, అది అచ్చమైన, సాలిడ్ కంటెంట్. పవన్ కళ్యాణ్ అసాధారణ ఇమేజ్‌కి పర్ఫెక్ట్‌గా సెట్ అయ్యే కథను దర్శకుడు హరీష్ శంకర్ అద్భుతంగా తీర్చిదిద్దారు. ఈ సినిమా చూస్తున్నప్పుడు ప్రేక్షకులకు రీమేక్ అని ఎక్కడా అనిపించే ప్రసక్తే లేదు,” అని ప్రకటించారు.
అంతేకాదు సినిమా ఫుల్ మాస్, ఫుల్ పవర్‌తో ఉంటుంది. పవర్ స్టార్ అభిమానులకు ఇది నిజమైన ‘ఫుల్ మీల్స్’ లాంటి విందు భోజనం. సాలిడ్ యాక్షన్, కమర్షియల్ అంశాలతో ఈ చిత్రం బాక్సాఫీస్ వద్ద సంచలనం సృష్టిస్తుంది,” అని రవి హామీ ఇచ్చారు.
నిర్మాత ఇచ్చిన ఈ క్లారిటీతో పవన్ కళ్యాణ్ అభిమానుల ఆనందం రెట్టింపు అయ్యింది. ఈ ఉత్కంఠభరితమైన యాక్షన్ ఎంటర్‌టైనర్ 2026 ఏప్రిల్లో ప్రేక్షకుల ముందుకు రానుంది.
మరిన్ని ఎంటర్‌టైన్‌మెంట్ వార్తల కోసం ఇక్కడ క్లిక్ చేయండి
-
-
-
-
