Third Eye :త్రినేత్రంతో మనిషి నిజంగానే చూడొచ్చా? దీనిని ఎలా యాక్టివేట్ చేయొచ్చు?

Third Eye

భారతీయ ఆధ్యాత్మికత , యోగా సంస్కృతిలో నుదుటి మధ్యలో ఉండే తృతీయ నేత్రం (Third Eye) లేదా ఆజ్ఞా చక్రం అనేది కేవలం ఒక ప్రతీక కాదు. ఇది భౌతికంగా మెదడులోని పీనియల్ గ్రంథి (Pineal Gland) తో ముడిపడి ఉన్న ఒక శక్తి కేంద్రం. ఈ గ్రంథి మన కంటికి కనిపించకపోయినా, మెదడులో ఇది ఒక ముఖ్యమైన పాత్ర పోషిస్తుంది.

పీనియల్ గ్రంథి ప్రధానంగా మెలటోనిన్ (Melatonin) హార్మోన్‌ను ఉత్పత్తి చేస్తుంది. ఈ మెలటోనిన్ మన నిద్ర-మేల్కొలుపు చక్రాన్ని (Circadian Rhythm) నియంత్రిస్తుంది, అందుకే దీనిని ‘శరీరపు జీవ గడియారం’ (Biological Clock) అని కూడా అంటారు.

ఆధ్యాత్మిక స్థాయిలో, ఆజ్ఞా చక్రాన్ని మేల్కొలపడం అనేది అంతర్ దృష్టి (Intuition) ని, ఉన్నత చైతన్యాన్ని (Higher Consciousness) , లోతైన ఆధ్యాత్మిక అనుభూతులను కలిగిస్తుందని నమ్ముతారు. ఈ చక్రం సక్రియమైనప్పుడు, మనిషి తన చుట్టూ ఉన్న ప్రపంచాన్ని కేవలం కళ్లతో మాత్రమే కాకుండా, అంతర్ జ్ఞానంతో చూడగలుగుతాడు.

ధ్యానం (Meditation), ప్రాణాయామం , నిర్దిష్టమైన యోగా అభ్యాసాల ద్వారా పీనియల్ గ్రంథిని ఉత్తేజితం చేయవచ్చని పురాతన గ్రంథాలు చెబుతున్నాయి. తృతీయ నేత్రాన్ని జాగృతం చేయడం అంటే అతీంద్రియ శక్తులు పొందడం కాదు, జీవితంలోని ప్రతి అంశంలోనూ స్పష్టతతో, అచంచలమైన ఏకాగ్రతతో వ్యవహరించడం. ఈ చక్రం శక్తివంతంగా ఉన్నప్పుడు, జ్ఞాపకశక్తి , మానసిక స్పష్టత పెరుగుతాయి.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి