Procrastination
మనలో చాలా మందికి ముఖ్యమైన పనులను వాయిదా వేసే అలవాటు (Putting Off Tasks) ఉంటుంది. దీనినే ‘ప్రొక్రాస్టినేషన్’ (Procrastination) అంటారు. ఇది కేవలం సోమరితనం (Laziness) కాదు, ఇది ఒక మానసిక సమస్య. ప్రొక్రాస్టినేషన్ అనేది భవిష్యత్తులో మనం అనుభవించే ప్రతికూల భావోద్వేగాల (Negative Emotions) ..ఉదాహరణకు ఒత్తిడి, ఆందోళన నుంచి తక్షణమే ఉపశమనం పొందడానికి మెదడు ఉపయోగించే ఒక రక్షణ యంత్రాంగం (Defense Mechanism). ఈ అలవాటు మన వృత్తిపరమైన విజయాన్ని, వ్యక్తిగత సంబంధాలను మానసిక ఆరోగ్యాన్ని తీవ్రంగా దెబ్బతీస్తుంది.
ప్రొక్రాస్టినేషన్(Procrastination)ను శాశ్వతంగా ఆపడానికి, ముందుగా దాని వెనుక ఉన్న సైకలాజికల్ కారణాలను అర్థం చేసుకోవాలి. చాలా మంది ప్రజలు ఆ పని కష్టంగా లేదా బోరింగ్‌గా ఉందని భావించడం వల్ల వాయిదా వేయరు. దానికి బదులుగా, ఆ పనిని పూర్తి చేయలేకపోతే వచ్చే వైఫల్యం భయం (Fear of Failure) లేదా పరిపూర్ణతావాదం (Perfectionism) వంటి భావాల వల్ల వాయిదా వేస్తారు. ఈ సమస్యను ఎదుర్కోవడానికి, సైకాలజీలో ప్రసిద్ధి చెందిన ఒక విధానం..’మైండ్‌సెట్‌ను మార్చడం’.
ప్రొక్రాస్టినేషన్(Procrastination)ను ఆపడానికి కొన్ని సమర్థవంతమైన చిట్కాలున్నాయని నిపుణులు చెబుతున్నారు. అవి:
5 నిమిషాల నియమం (5-Minute Rule).. ఏదైనా పనిని కేవలం 5 నిమిషాలు చేయడానికి ప్రయత్నించండి. ఆ పని పూర్తయిన తర్వాత, మీరు దానిని కొనసాగించే అవకాశం 80% ఉంటుంది.
చిన్న భాగాలుగా విభజించడం (Breaking Down Tasks).. పెద్ద పనులు, కష్టంగా అనిపించే పనిని చిన్న చిన్న, నిర్వహించదగిన ఉప-పనులుగా (Sub-tasks) విభజించండి.
ప్రారంభించడంపై దృష్టి పెట్టడం.. రిజల్ట్ లేదా క్వాలిటీ గురించి ఆలోచించకుండా, కేవలం పనిని ప్రారంభించడంపై మాత్రమేనే మొదట దృష్టి పెట్టండి.
మీ భావోద్వేగాలను అంగీకరించడం.. పని మొదలుపెట్టడానికి ముందు మీరు అనుభవిస్తున్న అసౌకర్యం లేదా భయాన్ని అంగీకరించండి. ఆ భావోద్వేగాల గురించి ఆలోచించకుండా, కేవలం చర్యపై దృష్టి పెట్టండి.
వాయిదా వేయడం అనేది ఒక అలవాటు. దీనిని మార్చుకోవడానికి సమయం, సహనం , నిరంతర ప్రయత్నం అవసరం. ఈ సైకలాజికల్ చిట్కాలను అమలు చేయడం ద్వారా, మనం ప్రొక్రాస్టినేషన్‌ను అధిగమించి, ఉత్పాదకతను (Productivity) పెంచుకోవచ్చు.
