Bhogapuram Airport
ఉత్తరాంధ్ర అభివృద్ధికి, ప్రపంచానికి కొత్త దారి చూపనున్న భోగాపురం అంతర్జాతీయ గ్రీన్‌ఫీల్డ్ విమానాశ్రయం (BIA) తొలి ప్రయోగాత్మక ప్రయాణానికి రెడీ అయింది. ఈ ప్రాంత ప్రజలు దశాబ్దాలుగా చూస్తున్న కలను నిజం చేసే ఘట్టం ఇది. ఈ గొప్ప ప్రాజెక్టును మొదట 2015-16 ప్రాంతంలో అనుకున్నారు.
పదేళ్లుగా అనేక ఆటంకాలు, భూముల సేకరణ గొడవలు, కోర్టు కేసులను దాటుకుని, 2023లో దీని నిర్మాణం స్పీడ్ అందుకుంది. విశాఖపట్నంలోని పాత ఎయిర్పోర్ట్ పౌర అవసరాలకు, రక్షణకు సరిపోవడం లేదు, రద్దీ ఎక్కువైంది. అందుకే, భోగాపురాన్ని సరికొత్త, లేటెస్ట్ ఇంటర్నేషనల్ ఎయిర్ పోర్టుగా మార్చాలని టార్గెట్ పెట్టుకున్నారు.
ఈ కొత్త గ్రీన్‌ఫీల్డ్ విమానాశ్రయం (Bhogapuram Airport)అంచనా ఖర్చు సుమారు రూ. 4,592 కోట్ల రూపాయలు. ఇది ఎయిర్పోర్ట్ కట్టడం వరకే కాదు, దానికి కావాల్సిన రోడ్లు, ఇతర సౌకర్యాలు, భవిష్యత్తులో సరుకు రవాణా కేంద్రంగా పెంచడం కూడా కలిపి ఉంది.
ఎయిర్పోర్ట్ (Bhogapuram Airport)కట్టడంలో ముఖ్యంగా రాష్ట్ర ప్రభుత్వానికి చెందిన సంస్థ (GMR విశాఖపట్నం అంతర్జాతీయ విమానాశ్రయం లిమిటెడ్ – GVIAL) చూసుకుంటున్నా, కేంద్రంలోని విమానయాన విభాగం పనుల అంచనా, పర్యావరణ అనుమతులు, టెక్నికల్ సపోర్ట్ ఇవ్వడంలో ముఖ్య పాత్ర పోషించింది. దేశంలో చిన్న పట్టణాలకూ విమాన సేవలు అందించే కేంద్ర ప్రభుత్వం పథకంలో ఈ ప్రాజెక్టు చాలా ముఖ్యమైనదిగా ఉంది.
ప్రస్తుతానికి, భోగాపురం ఎయిర్పోర్ట్ (Bhogapuram Airport)కట్టే పనులు 92 శాతం అయ్యాయి. మిగిలిన 8 శాతం పనులను కూడా జూన్ నెలకల్లా పూర్తి చేసి, ఆ నెలాఖరు నుంచే తాత్కాలికంగా విమానాలు రాకపోకలు మొదలు పెట్టాలని అధికారులు అనుకుంటున్నారు.
ప్రాజెక్టులోని ముఖ్య భాగాలు..రన్‌వే, ప్రయాణికుల భవనం (మొదటి దశ), ఎయిర్ ట్రాఫిక్ కంట్రోల్ (ATC) టవర్ కట్టడాలు..అన్నీ చివరి దశకు చేరుకున్నాయి. ప్రయోగాత్మక ప్రయాణం పూర్తవగానే, ఈ విమానాశ్రయం వాణిజ్యంగా విమానాలను నడపడానికి సిద్ధమవుతుంది. ఈ తొలి ప్రయాణం డిసెంబర్ చివరి వారంలో లేదా జనవరి మొదటి వారంలో ఉంటుందని విమానయాన విభాగం చెప్పింది.
కేంద్ర పౌర విమానయాన శాఖ మంత్రి కింజరపు రామ్మోహన్‌నాయుడు ఈ ప్రాజెక్టుపై వ్యక్తిగతంగా ప్రత్యేక శ్రద్ధ తీసుకున్నారు. ఈ ఎయిర్పోర్ట్ ఎంత ముఖ్యమో గుర్తించి, ఆయన ప్రతి 15 రోజులకు ఒకసారి పనులు ఎంత వరకు వచ్చాయో చూసుకున్నారు. ఆఫీసర్లతో మాట్లాడి, అడ్డంకులు ఉంటే వెంటనే తొలగించారు.
మంత్రి చూపిన ఈ శ్రద్ధ వల్లే, పనులు చాలా వేగంగా పూర్తి అయ్యి, ప్రయోగాత్మక ప్రయాణానికి రెడీ అయ్యాయి. ఉత్తరాంధ్ర ప్రాంతం మనిషిగా, ఈ విమానాశ్రయం ఈ ప్రాంతానికి ఎంత మేలు చేస్తుందో, ఎంత మందికి ఉద్యోగాలు ఇస్తుందో ఆయనకు బాగా తెలుసు. అందుకే, ఆయన చొరవతో భోగాపురం కేవలం ఎయిర్‌పోర్ట్‌గా కాకుండా, ఈ ప్రాంత అభివృద్ధికి కొత్త శక్తిని ఇవ్వబోతోంది.
మరిన్ని నేషనల్ న్యూస్అప్ డేట్ కోసం ఇక్కడ క్లిక్ చేయండి
-
-
-
-
