Life Certificate
నవంబర్ నెల ముగిసిపోతుంది అంటే కొంతమంది అలర్ట్ అవ్వాల్సిన సమయం వచ్చేసిందన్న మాటే. ఎందుకంటే నవంబర్ నెలాఖరు 30, 2025 అనేక ముఖ్యమైన ఆర్థిక పనులతో పాటు ప్రభుత్వ పథకాలకు సంబంధించిన గడువు తేదీగా నిర్ణయించబడింది. పంజాబ్ నేషనల్ బ్యాంక్ (PNB) కస్టమర్లు మొదలుకుని, కేంద్ర ప్రభుత్వ ఉద్యోగులు, పెన్షనర్లు వరకు ఈ తేదీని సీరియస్‌గా తీసుకోవలసిన అవసరం ఉంది. ఈ గడువు దాటితే, ఆర్థిక లావాదేవీలపై పరిమితులు విధించబడటం లేదా పెన్షన్ నిలిచిపోవడం వంటి తీవ్ర పరిణామాలు ఎదురుకావచ్చు.
ఈ డెడ్‌లైన్ లోగా మూడు ముఖ్యమైన పనులు చేసుకోవాలి
1. PNB KYC అప్‌డేట్: లావాదేవీల రక్షణకు అత్యవసరం
పంజాబ్ నేషనల్ బ్యాంక్ (PNB) తన కస్టమర్లందరికీ నో యువర్ కస్టమర్ (KYC) వివరాలను నవంబర్ 30, 2025 లోపు అప్‌డేట్ చేయాలని స్పష్టం చేసింది. సెప్టెంబర్ 2025 నాటికి రెన్యూవల్ గడువు ఉన్న అకౌంట్లన్నింటికీ ఈ పొడిగింపు వర్తిస్తుంది. KYCని సకాలంలో పూర్తి చేయకపోతే, మీ బ్యాంక్ ఖాతా లావాదేవీలు నిలిచిపోయే (Freezing Transactions) లేదా వాటిపై పరిమితులు విధించబడే ప్రమాదం ఉంది.
KYC అప్‌డేట్‌కు అందుబాటులో ఉన్న మార్గాలు.. PNB ONE మొబైల్ అప్లికేషన్, ఇంటర్నెట్ బ్యాంకింగ్ (Net Banking). బ్యాంక్‌లో నమోదైన ఈమెయిల్ (Registered Email), పోస్ట్ ద్వారా, లేదా ఏదైనా PNB శాఖను (Branch) సందర్శించడం ద్వారా ఈ ప్రక్రియను పూర్తి చేయవచ్చు. WhatsApp లేదా SMS సేవలను ఉపయోగించి కూడా KYC స్టేటస్‌ను తనిఖీ చేసి, అప్‌డేట్ చేయవచ్చు.
మీ ఐడెంటిటీని రక్షించుకోవడానికి, అకౌంట్ దుర్వినియోగం కాకుండా నిరోధించడానికి , సురక్షితమైన లావాదేవీలను నిర్వహించడానికి KYC ధృవీకరణ చాలా ముఖ్యం.
2. NPS నుంచి UPSకి మారడం- ఉద్యోగులకు చివరి అవకాశం..
కేంద్ర ప్రభుత్వ ఉద్యోగులకు న్యూ పెన్షన్ సిస్టమ్ (NPS) నుంచి యూనిఫైడ్ పెన్షన్ స్కీమ్ (UPS)కి మారడానికి నవంబర్ 30, 2025 చివరి గడువు. ఉద్యోగుల విజ్ఞప్తితో కేంద్ర ప్రభుత్వం ఈ గడువును ఇప్పటికే రెండుసార్లు (జూన్ 30, సెప్టెంబర్ 30) పొడిగించింది.
యూపీఎస్‌లో ఇటీవల చేసిన మార్పుల వల్ల ఉద్యోగులకు గణనీయమైన పన్ను ప్రయోజనాలు (Tax Benefits) లభిస్తున్నాయి. ఇది వారికి లభించే చివరి అవకాశం కావచ్చు. అందువల్ల, యూపీఎస్‌లో చేరడానికి ఆసక్తి ఉన్న ఉద్యోగులు ఆలస్యం చేయకుండా వెంటనే తమ అప్లికేషన్‌లను సబ్మిట్ చేయాలి. ఈ అవకాశాన్ని కోల్పోతే, వారు భవిష్యత్తులో లభించే మెరుగైన ప్రయోజనాలను పొందలేకపోవచ్చు.
3. పెన్షనర్ల లైఫ్ సర్టిఫికేట్ సబ్మిషన్..
ప్రభుత్వం నుంచి పెన్షన్ పొందుతున్న ప్రతి పెన్షనర్ తమ జీవిత ధ్రువీకరణ పత్రం (Life Certificate/Jeevan Pramaan) సమర్పించడానికి నవంబర్ 30 డెడ్‌లైన్. ప్రతి సంవత్సరం ఈ సర్టిఫికేట్‌ను సమర్పించడం తప్పనిసరి. ఇది పెన్షనర్ జీవించి ఉన్నారని ,పెన్షన్ పొందేందుకు అర్హులని ధృవీకరిస్తుంది.
లైఫ్ సర్టిఫికేట్(Life Certificate) సమర్పించేందుకు అందుబాటులో ఉన్న సులభ మార్గాలు..జీవన్ ప్రమాణ్ (Jeevan Pramaan) అప్లికేషన్ లేదా ప్రభుత్వ డిజిటల్ ప్లాట్‌ఫారమ్‌లను ఉపయోగించుకోవాలి. అలాగే డోర్ స్టెప్ బ్యాంకింగ్ (Doorstep Banking) సేవలను వినియోగించుకోవడం. వేలిముద్రలు (Biometrics) లేదా ముఖ గుర్తింపు (Face Recognition) పద్ధతుల ద్వారా సబ్మిట్ చేయవచ్చు.
సకాలంలో లైఫ్ సర్టిఫికేట్ (Life Certificate)సమర్పించడంలో విఫలమైతే, వారి నెలవారీ పెన్షన్ గా నిలిచిపోతుంది. అయితే, ధ్రువీకరణ పత్రం సమర్పించిన తర్వాత నిలిచిపోయిన పెన్షన్ మొత్తాన్ని కలిపి తిరిగి చెల్లిస్తారు.
మరిన్ని నేషనల్ న్యూస్అప్ డేట్ కోసం ఇక్కడ క్లిక్ చేయండి
-
-
-
-
