Ashes 2025-26: బూడిద కోసం క్రికెట్ యుద్ధం.. యాషెస్ సిరీస్ ప్రత్యేకతలు తెలుసా?

Ashes 2025-26

ప్రపంచ క్రికెట్ లో యాషెస్ సిరీస్(Ashes 2025-26) కు ప్రత్యేక స్థానముంది. ఆస్ట్రేలియా, ఇంగ్లాండ్ మధ్య జరిగే ఈ టెస్ట్ సిరీస్ మహాసంగ్రామానికి ఉండే క్రేజే వేరు. 143 సంవత్సరాలుగా ఈ ప్రతిష్టాత్మక సిరీస్ అభిమానులను అలరిస్తూనే ఉంది. అయితే ఈ సిరీస్ కు యాషెస్(Ashes 2025-26) పేరు రావడం వెనుక పెద్ద స్టోరీ ఉంది. 1982లో ఓవల్ వేదికగా ఇంగ్లాండ్ ఆస్ట్రేలియా టెస్ట్ మ్యాచ్ గెలిచింది. ఈ ఓటమిని హైలెట్ చేస్తూ ఇంగ్లాండ్ మీడియా తీవ్రమైన కథనాలు ప్రచురించింది.

క్రికెట్ పుట్టినిల్లు ఇంగ్లాండ్ ఈ పరాజయంతో చచ్చిపోయిందంటూ స్పోర్టింగ్ టైమ్స్ రాసిన కథనం తీవ్ర సంచలనమైంది. ఆ బూడిదనే ఆస్ట్రేలియా తీసుకెళ్ళిందంటూ రాసిన కథనంపై అప్పటి ఇంగ్లాండ్ కెప్టెన్ ఇవో బిగ్ ఛాలెంజ్ గా తీసుకున్నాడు. మళ్లీ ఆ బూడిదను ఇంగ్లాండ్ కు తీసుకొస్తానంటూ శపథం చేశాడు. దీంతో ఈ సిరీస్ యాషెస్ అని పేరు పెట్టారు. యాషెస్(Ashes 2025-26) అంటే బూడిద.. అప్పటి నుంచీ ఈ బూడిద కోసం పోరాటం సాగుతూనే ఉంది.

ప్రతీ రెండేళ్ళకోసారి జరిగే యాషెస్ సిరీస్ (Ashes 2025-26)అంటే ఆస్ట్రేలియా, ఇంగ్లాండ్ జట్లు ప్రాణం పెడతాయి. సిరీస్ ఆరంభానికి ముందే మాజీల మాటల యుద్ధం, మైదానంలో స్లెడ్జింగ్.. ఇలా అన్ని మ్యాచ్ లూ కూడా రసవత్తరంగా సాగుతూ అభిమానులను అలరిస్తుంటాయి. ఈ మ్యాచ్ లను ప్రత్యక్షంగా వీక్షించేందుకు అభిమానుల వేలాదిగా తరలివస్తుంటారు. దీంతో స్టేడియాలన్ని హౌస్ ఫుల్ అయిపోతుంటాయి. ఒక్క మాటలో చెప్పాలంటే యాషెస్ సిరీస్(Ashes 2025-26) వస్తుందంటే ఆ రెండు దేశాల క్రికెట్ ఫ్యాన్స్ కు పండగే పండగ.

ఇప్పుడు ఆస్ట్రేలియా వేదికగా ఐదు టెస్టుల సిరీస్ యాషెస్ సిరీస్ జరగబోతోంది. శుక్రవారం పెర్త్ వేదికగా జరిగే తొలి టెస్ట్ కోసం ఇప్పటికే రెండు జట్లు ప్రాక్టీస్ లో బిజీగా ఉన్నాయి. రెండురోజుల ముందే తుది జట్లను కూడా ప్రకటించేశారు. ఇదిలా ఉంటే ఆధిపత్యం విషయంలోనూ ఈ సిరీస్ ఎప్పుడూ హోరాహోరీనే. ఇరు జట్ల మధ్య సిరీస్ గెలుపోటముల రికార్డ్ అలానే ఉంటుంది.

ఇప్పటి వరకూ 73 యాషెస్ సిరీస్ లు జరిగితే ఆస్ట్రేలియా 34 సార్లు గెలిచింది. ఇంగ్లాండ్ 32 సార్లు విజేతగా నిలిచింది. కంగారూలు ఆరుసార్లు సిరీస్ ను డ్రాగా ముగించి టైటిల్ ను నిలబెట్టుకుంటే… ఇంగ్లాండ్ ఒకసారి మాత్రమే నిలుపుకోగలిగింది. ఇక యాషెస్‌ హిస్టరీలో అత్యధిక పరుగుల రికార్డు డాన్‌ బ్రాడ్‌మన్‌ పేరిట ఉంది. బ్రాడ్ మన్ ఈ సిరీస్ లో 5028 పరుగులు చేశారు. యాషెస్‌ సిరీస్‌లో ఇంగ్లండ్‌ స్పిన్నర్‌ జిమ్‌ లేకర్‌ సృష్టించిన రికార్డు ఆ సిరీస్‌ చరిత్రలో ఎప్పటికీ నిలిచిపోతుంది.

1956 సిరీస్‌లోని ఓ మ్యాచ్‌ ఒకే ఇన్నింగ్స్‌లో లేకర్‌ పది వికెట్లు తీశాడు. ఇదిలా ఉంటే నిజానికి యాషెస్ సిరీస్‌ గెలిచిన వారికి ఇచ్చే అర్న్‌ ట్రోఫీ 1998-99 సిరీస్‌లోనే పరిచయం చేశారు. వాటర్‌ఫోర్డ్‌ క్రిస్టల్‌తో చేసిన అర్న్‌ ఆకారంలో ఉన్న ట్రోఫీని ఆ సిరీస్‌ నుంచే ఇస్తున్నారు. కాగా ఇప్పటి వరకూ యాషెస్‌లో ఇంగ్లండ్‌ ఎప్పుడూ ఆస్ట్రేలియాను వైట్‌వాష్‌ చేయలేదు.

మరిన్ని స్పోర్ట్స్ న్యూస్ కోసం ఇక్కడ క్లిక్ చేయండి