Ind vs Sa: ఆరంభం వాళ్లది.. ముగింపు మనది..  ఆసక్తికరంగా మొదలైన రెండో టెస్ట్

Ind vs Sa

భారత్, దక్షిణాఫ్రికా(Ind vs Sa) రెండో టెస్ట్ ఆసక్తికరంగా మొదలైంది. తొలి రెండు సెషన్లలో సఫారీలు ఆధిపత్యం కనబరిస్తే.. చివరి సెషన్ లో భారత్ బౌలర్లు పుంజుకున్నారు. దీంతో తొలిరోజును ఇరు జట్లు సమాన ఆధిపత్యంతో సంతృప్తికరంగా ముగించాయి. టాస్ గెలిచిన సౌతాఫ్రికా బ్యాటింగ్ ఎంచుకుంది. ఊహించినట్టుగానే భారత తుది జట్టులో రెండు మార్పులు జరిగాయి. గిల్ స్థానంలో నితీశ్ రెడ్డి, అక్షర్ పటేల్ స్థానంలో సాయి సుదర్శన్ జట్టులోకి వచ్చారు. తొలి సెషన్లో భారత బౌలర్లు ఎవ్వరూ ప్రభావం చూపలేకపోయారు.

దీంతో సఫారీ ఓపెనర్లు మార్క్ రమ్, రికెల్టన్ కాన్పిడెంట్ గా బ్యాటింగ్ చేస్తూ తొలి వికెట్ కు 82 పరుగులు జోడించారు. టీ బ్రేకు ముందు మార్క్ రమ్ ను బుమ్రా బౌల్ట్ చేయడంతో తొలి వికెట్ దక్కింది. రెండో సెషన్ ఆరంభమైన కాసేపటికే రికెల్టన్ కూడా ఔటయ్యాడు. ఈ దశలో సౌతాఫ్రికాను(Ind vs Sa) బవుమా, స్టబ్స్ ఆదుకున్నారు. అప్పుడప్పుడూ సింగిల్స్ తీస్తూ అసలు సిసలు టెస్ట్ బ్యాటింగ్ ఆడారు.

దీంతో పరుగులు వేగంగా రాకున్నా వికెట్ కోల్పోలేదు. భారత బౌలర్లు ఎంత ప్రయత్నించినా వీరి పార్టనర్ షిప్ ను బ్రేక్ చేయలేకపోయారు. వీరిద్దరూ మూడో వికెట్ కు 84 పరుగులు జోడించారు. వీరిద్దరి భాగస్వామ్యాన్ని జడేజా విడదీశాడు.

బవుమా ఔటైన కాసేపటికే స్టబ్స్ కూడా వెనుదిరగడంతో భారత్ ఊపిరి పీల్చుకుంది. ముల్గర్ వికెట్ తో సఫారీ ఇన్నింగ్స్ త్వరగా ముగిసేలా కనిపించినా ముత్తుసామి, జోర్జీ కీలక భాగస్వామ్యం నెలకొల్పారు. ఆరో వికెట్ కు 45 పరుగులు జోడించారు. ఈ దశలో సిరాజ్ కొత్త బంతితో జోర్జీని ఔట్ చేయడంతో సౌతాఫ్రికా ఆరో వికెట్ కోల్పోయింది. అయితే వెలుతురు మందగించడంతో మరో 8.1 ఓవర్ల ముందుగానే మ్యాచ్ ను ఆపేశారు.

తొలిరోజు ఆట ముగిసే సమయానికి సౌతాఫ్రికా(Ind vs Sa) 6 వికెట్లకు 247 పరుగులు చేసింది. ముత్తుసామి 26, వెన్నే 1 పరుగుతో క్రీజులో ఉన్నారు. భారత బౌలర్లలో కుల్దీప్ యాదవ్ 3, బుమ్రా, సిరాజ్, జడేజా ఒక్కో వికెట్ పడగొట్టారు. రెండోరోజు ఎంత త్వరగా సౌతాఫ్రికాను ఆలౌట్ చేసి భారీస్కోరు సాధిస్తేనే ఈ మ్యాచ్ పై భారత్ పట్టుబిగించే అవకాశముంటుంది.

మరిన్ని స్పోర్ట్స్ న్యూస్ కోసం ఇక్కడ క్లిక్ చేయండి