Bandla Ganesh
ప్రముఖ నిర్మాత, యాక్టర్ బండ్ల గణేష్(Bandla Ganesh) చేసిన ప్రకటన టాలీవుడ్లో చర్చనీయాంశం అయింది. పవర్ స్టార్ పవన్ కళ్యాణ్కు బండ్ల గణేష్ ఎంత వీరాభిమానో, ఆయనను దేవుడిగా ఎలా కొలుస్తారో అందరికీ తెలిసిన విషయమే.
రెండు రోజుల క్రితం జరిగిన మెగాస్టార్ చిరంజీవి కొత్త మూవీ ప్రారంభోత్సవ వేడుకలో చాలా కాలం తర్వాత పవన్ కళ్యాణ్, బండ్ల గణేష్(Bandla Ganesh) ఒకే వేదికపైన కనిపించడం కూడా సెంటర్ ఆఫ్ అట్రాక్షన్గా నిలిచింది. ఈ సందర్భంగా వారిద్దరూ ఎంతో ఆత్మీయంగా కౌగిలించుకున్న దృశ్యాలు, ఫొటోలు సోషల్ మీడియాలో ఓ రేంజ్లో వైరల్ అయ్యాయి. ఈ కలయిక ఇచ్చిన ఉత్సాహంతో బండ్ల గణేష్ తన సోషల్ మీడియా అకౌంట్లో పెట్టిన ఎమోషనల్ పోస్ట్ అభిమానులను విశేషంగా ఆకట్టుకుంది.
కాగా బండ్ల గణేష్ తాజాగా ఒక ఇంటర్వ్యూలో ఏపీ డిప్యూటీ సీఎం పవన్ కళ్యాణ్తో తనకున్న ప్రత్యేక అనుబంధం గురించి వివరించారు. అలాగే తన సినీ భవిష్యత్తు ప్రణాళికలపై ఒక షాకింగ్ నిర్ణయాన్ని వెల్లడించారు.
గతంలో పవన్ కళ్యాణ్, బండ్ల గణేష్ కాంబినేషన్లో వచ్చిన గబ్బర్ సింగ్ మూవీ టాలీవుడ్ చరిత్రలోనే ఇండస్ట్రీ హిట్స్లో ఒకటిగా నిలిచి, అప్పట్లో సరికొత్త రికార్డులను క్రియేట్ చేసింది. ఆ సినిమా తర్వాత మళ్లీ తన దేవుడైన పవన్ కళ్యాణ్తో మరో మూవీ చేయడమే తన జీవితాశయమని బండ్ల గణేష్ ఈ ఇంటర్వ్యూలో మరోసారి చెప్పుకొచ్చారు.
అయితే దీంతో పాటే ఒక ఊహించని ప్రకటన చేసి, బండ్ల గణేష్ అందరినీ ఆశ్చర్యపరిచారు. త్వరలోనే పవన్ కళ్యాణ్తో తన సొంత నిర్మాణ సంస్థ అయిన పరమేశ్వర ఆర్ట్స్ బ్యానర్లో ఒక భారీ బడ్జెట్ మూవీని నిర్మిస్తానని చెప్పిన ఆయన..ఆ మూవీ పూర్తయిన తర్వాత తన బ్యానర్ను శాశ్వతంగా మూసేస్తానని చెప్పడం హాట్ టాపిక్ అయింది.
పవన్ కళ్యాణ్ సినిమాతోనే తాను ప్రొడ్యూసర్గా తన కెరీర్లో అత్యున్నత శిఖరాలను అందుకున్నానని గుర్తు చేసుకున్నారు. అందుకే మళ్లీ ఆయన సినిమాతోనే ఒక ట్రెండ్ సెట్టర్ విజయాన్ని మరోసారి అందుకొని, ప్రొడ్యూసర్గా తన ప్రయాణానికి ఘనమైన ముగింపు పలకాలని గట్టిగా నిర్ణయించుకున్నట్లు బండ్ల గణేష్ ఎమోషనల్ డెసిషన్ను బయటపెట్టారు.
దీంతో మెగా అభిమానులు ఈ కాంబినేషన్లో రాబోయే క్రేజీ ప్రాజెక్ట్ కోసం ఇప్పుడే చర్చించుకోవడం మొదలుపెట్టారు. కాగా పవన్ కళ్యాణ్తో చేయబోయే మూవీనే తన సినీ నిర్మాణ ప్రయాణంలో చివరిది అవుతుందంటూ బండ్ల గణేష్ చేసిన ఈ కామెంట్లు ప్రస్తుతం చిత్ర పరిశ్రమతో పాటు సోషల్ మీడియా వ్యాప్తంగా బాగా వైరల్ అవుతున్నాయి.
-
-
-
-
