Mahaavatar
కొన్ని సినిమాలు పెద్దగా ప్రచారం లేకుండానే బాక్సాఫీస్ వద్ద అద్భుతాలు సృష్టిస్తాయి. ఇప్పుడు మహావతార్ నరసింహ కూడా అదే చేసింది. ఈ చిత్రం తన కంటెంట్ బలం, సాంకేతిక విలువలతో ప్రేక్షకులను ఆకట్టుకుని, దేశవ్యాప్తంగా ఒక సరికొత్త రికార్డును నెలకొల్పింది. దీని విజయం కేవలం డబ్బుకే పరిమితం కాదు, ఇది భారతీయ సినిమాకు ఒక కొత్త దిశను చూపుతోంది.
సాధారణంగా ఒక సినిమా విడుదలైనప్పుడు, దాని విజయాన్ని ప్రకటనల హోరుతో కొలుస్తారు. కానీ, మహావతార్ నరసింహ సినిమా అందుకు భిన్నం. నెమ్మదిగా మొదలైన ఈ సినిమా, ఆ తరువాత మాటల ప్రచారంతో ఊపందుకుంది. ప్రేక్షకులు తమ అనుభవాలను పంచుకోవడం, సోషల్ మీడియాలో విశ్లేషకులు ఈ సినిమాను ప్రశంసించడంతో సినిమాకు భారీగా వసూళ్లు వచ్చాయి. ఇప్పుడు ఈ చిత్రం రూ.300 కోట్ల మార్కును దాటి, రూ.400 కోట్ల క్లబ్‌లోకి పరుగులు తీస్తోంది. ఈ విజయం భవిష్యత్తులో రాబోయే సినిమాలపై ఒక బలమైన ప్రభావం చూపనుంది.
మహావతార్ నరసింహ(Mahaavatar Narasimha) సినిమా విజయం కేవలం దాని వసూళ్లలో మాత్రమే లేదు. ఇది ఒక యానిమేషన్ చిత్రం, మన భారతీయ పురాణాలలోని ఒక గొప్ప కథను ఆధారం చేసుకుని రూపొందించబడింది. ఈ సినిమాలో ఉపయోగించిన గ్రాఫిక్స్, దృశ్య నాణ్యత అత్యున్నత స్థాయిలో ఉన్నాయి. అందుకే విమర్శకుల చేత కూడా ప్రశంసలు అందుకుంటోంది. ఈ తరహా గ్రాఫిక్స్ తో గనుక మన పురాణాలను, ఇతిహాసాలను తెరపైకి తీసుకురాగలిగితే, ప్రస్తుత తరానికి మన సంస్కృతిని మరింత ఆసక్తికరంగా, ఆకర్షణీయంగా పరిచయం చేయవచ్చని విశ్లేషకులు భావిస్తున్నారు.
అంతేకాదు మహావతార్ నరసింహ(Mahaavatar Narasimha) విజయం ఒక గొప్ప ప్రణాళికకు నాంది పలకడమే హాట్ టాపిక్ అయింది. చిత్ర నిర్మాతలు ఒక సినిమాటిక్ యూనివర్స్‌ను ప్రకటించి అందరినీ ఆశ్చర్యపరిచారు. రానున్న సంవత్సరాల్లో ఈ విశ్వం నుంచి మరిన్ని యానిమేషన్ చిత్రాలు రానున్నాయి. 2027లో పరశురామ్, 2029లో రఘునందన్, 2031లో ద్వారకాదీష్, 2033లో గోకులానంద, 2035లో కల్కి పార్ట్ 1, 2037లో కల్కి పార్ట్ 2కు ప్లాన్ చేస్తున్నారు.ఈ సినిమాలన్నీ యానిమేషన్లోనే వస్తాయని ప్రకటించారు. ఇది భారతీయ సినిమాకు ఒక కొత్త దిశను చూపుతుంది. ఈ సుదీర్ఘ ప్రణాళిక, నిర్మాతల కాన్ఫిడెంట్‌ను తెలియజేస్తోంది.
మరిన్ని ఎంటర్‌టైన్‌మెంట్ వార్తల కోసం ఇక్కడ క్లిక్ చేయండి
మహావతార్ నరసింహ(Mahavatar Narasimha) విజయం కేవలం ఒక సినిమాకు మాత్రమే పరిమితం కాదు, ఇది భారతీయ సినిమాకు ఒక కొత్త మార్గాన్ని చూపించింది. కథలో బలం, సాంకేతికతలో నాణ్యత ఉంటే ప్రేక్షకులు అద్భుతమైన ఆదరణ ఇస్తారని ఈ సినిమా నిరూపించింది. ఈ విజయం రాబోయే రోజుల్లో భారతీయ సినిమాను కొత్త పుంతలు తొక్కిస్తుందని చెప్పడంలో ఎలాంటి సందేహం లేదంటున్నారు క్రిటిక్స్.
Also read: Bollywood :హీరోయిన్స్‌కు ఎర్రతివాచి..హీరోలకు మాత్రం నో ఛాన్స్..బాలీవుడ్‌లో ఎందుకిలా?
