Rashmika
నేషనల్ క్రష్ రష్మిక(Rashmika) మందన్నా కెరీర్లో బ్యాక్ టు బ్యాక్ సూపర్ హిట్ సినిమాలతో మోస్ట్ వాంటెడ్ హీరోయిన్గా మారిపోయారు. ప్రస్తుతం ఆమె స్టార్ హీరోల సినిమాల్లో నటిస్తూనే, లేడీ ఓరియంటెడ్ మూవీస్తోనూ ప్రేక్షకులను మెప్పిస్తున్నారు. ఆ కోవలో వచ్చిన ఆమె లేటెస్ట్ సినిమా ‘ది గర్ల్ ఫ్రెండ్’. ‘అందాల రాక్షసి’ సినిమాతో హీరోగా మెప్పించి, ‘చిలసౌ’ సినిమాతో జాతీయ అవార్డు అందుకున్న టాలెంటెడ్ డైరెక్టర్ రాహుల్ రవీంద్రన్ ఈ లేడీ ఓరియంటెడ్ చిత్రాన్ని తెరకెక్కించడం విశేషం.
ఈ సినిమాలో ‘దసరా’ ఫేమ్ దీక్షిత్ శెట్టి రష్మిక(Rashmika)కు జోడీగా మరో కీలక పాత్ర పోషించారు. నవంబర్ 07న థియేటర్లలో విడుదలైన ‘ది గర్ల్ ఫ్రెండ్’ సినిమా సూపర్ హిట్ టాక్ను సొంతం చేసుకుంది. అంచనాలకు మించి కలెక్షన్లు రాబట్టింది. పరిమిత బడ్జెట్తో తెరకెక్కిన ఈ లవ్ ఎంటర్టైనర్, రూ. 28 కోట్లకు పైగానే కలెక్షన్లు సాధించింది.
టాక్సిక్ బాయ్ ఫ్రెండ్స్ వల్ల ఇబ్బంది పడుతున్న అమ్మాయిలు పర్సనల్గా, ప్రొఫెషనల్గా ఎలాంటి సమస్యలు ఎదుర్కొంటున్నారన్న అంశాన్ని డైరెక్టర్ రాహుల్ రవీంద్రన్ ఈ సినిమాలో చాలా చక్కగా చూపించారు. ఈ రియలిస్టిక్ పాయింట్ కారణంగా, చాలా మంది అమ్మాయిలు ఈ సినిమా కథను తమ సొంత కథగా భావించి ఓన్ చేసుకున్నారు.
థియేటర్లలో విజయవంతంగా రన్ అయిన ‘ది గర్ల్ ఫ్రెండ్’ సినిమా ఇప్పుడు డిజిటల్ ప్రీమియర్కు సిద్ధమవుతోంది. ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ అయిన నెట్ఫ్లిక్స్ సొంతం చేసుకుంది. దీనిపై రష్మిక(Rashmika) సినిమా ఓటీటీ స్ట్రీమింగ్ డేట్ అధికారిక ప్రకటన కూడా వెలువడింది.
డిసెంబర్ 5 నుంచి ‘ది గర్ల్ ఫ్రెండ్’ సినిమాను ఓటీటీ స్ట్రీమింగ్కు తీసుకువస్తున్నట్లు నెట్ఫ్లిక్స్ తమ సోషల్ మీడియా వేదికగా అధికారికంగా ప్రకటించింది. ఈ సినిమా తెలుగుతో పాటు తమిళం, హిందీ, కన్నడ, మలయాళ భాషల్లోనూ స్ట్రీమింగ్ కానుంది. థియేట్రికల్ రిలీజ్ అయిన నెలరోజులు కూడా కాకముందే ఈ సినిమా ఓటీటీలోకి వస్తుండడం ఫ్యాన్స్కు పండుగలాంటి వార్తే.
