Indonesia floods:442 మందిని బలిగొన్న ఇండొనేషియా వరదలు..ఆపత్కర పరిస్థితుల్లో శ్రీలంక

Indonesia floods

ఇండొనేషియాలో సంభవించిన భయంకరమైన వరదల(Indonesia floods) వల్ల మృతి చెందిన వారి సంఖ్య 442కి పెరిగింది. సెన్‌యార్ తుపాను ప్రభావంతో ఇండొనేషియాలోని సుమత్రా దీవిలో సంభవించిన వరదలు(Indonesia floods) కొండచరియలు విరిగి పడడం వంటి విపత్తుల వల్ల జనజీవనం పూర్తిగా అస్తవ్యస్తమైంది. ఈ వరదల ధాటికి అనేక ఇళ్లు కొట్టుకుపోయాయి, వేలాది భవనాలు మునిగిపోయాయి.

ఇండొనేషియాలో వరదల (Indonesia floods) వల్ల ప్రధాన రహదారులు మూసుకుపోవడంతో రవాణా పూర్తిగా స్తంభించింది. ఇంటర్నెట్, విద్యుత్ సరఫరా కూడా కొంతవరకు మాత్రమే పనిచేస్తున్నాయి. “ప్రవాహం చాలా వేగంగా వచ్చింది, కొన్ని సెకన్లలోనే వరద ఇళ్లలోకి చేరింది” అని ఇండొనేషియా ఆచె ప్రావిన్స్‌కు చెందిన అధికారులు తెలిపారు.

తమ ఇంట్లోని అన్ని వస్తువులనూ కోల్పోయామని వరద బాధితులు ఆవేదన వ్యక్తం చేశారు. లక్షలాది మంది ప్రజలను సురక్షిత ప్రాంతాలకు తరలించినా కూడా, వందలాది మంది ఇంకా వరదల్లోనే ఇరుక్కుపోయారని ఇండొనేషియా విపత్తు నిర్వహణ సంస్థ తెలిపింది. అత్యంత ప్రభావిత ప్రాంతమైన టపనులిలో ఆహారం కోసం ప్రజలు దుకాణాలను దోచుకున్నట్టు కూడా తెలుస్తోంది.

ఇక పొరుగు దేశాలైన శ్రీలంక, మలేషియా, థాయిలాండ్‌లలో కూడా భారీ వర్షాలు, వరదల(Indonesia floods) ధాటికి వందల మంది మరణించారు. చాలా మంది అదృశ్యమయ్యారు, లక్షలాది మంది ప్రజలు ఇతర ప్రాంతాలకు తరలివెళ్లారు. థాయిలాండ్‌లో అధికారికంగా మరణాల సంఖ్య 170గా నమోదైంది, ఇది దశాబ్దంలో వచ్చిన అత్యంత తీవ్ర వరదలలో ఒకటి. థాయిలాండ్ దక్షిణ సాంగ్‌క్లా ప్రావిన్స్‌లో 145 మంది మరణించారు.

ముంపునకు గురైన 10 ప్రావిన్స్‌ల్లో 3.8 మిలియన్ మందికి పైగా ప్రభావితమయ్యారని ఆ దేశ ప్రభుత్వం తెలిపింది. ముఖ్యంగా హాట్ యై నగరంలో ఒక్కరోజులో 335 మి.మీ వర్షపాతం నమోదైంది, ఇది 300 సంవత్సరాల్లో నమోదైన అత్యధిక వర్షపాతం. మలేషియాలో మరణాల సంఖ్య తక్కువగా (ఉత్తర పెర్లిస్ రాష్ట్రంలో ఇద్దరు మృతి) ఉన్నా కూడా.. జరిగిన నష్టం మాత్రం తీవ్రంగా ఉంది.

పెర్లిస్ రాష్ట్రంలోని అనేక ప్రాంతాలు నీటిలో మునిగిపోయాయి, వేలాది మందిని షెల్టర్లకు తరలించారు. శ్రీలంకలో కూడా దాదాపు 190 మంది మృతి చెందగా, ప్రభుత్వం అత్యవసర పరిస్థితిని ప్రకటించింది. 15,000 ఇళ్లకు పైగా ధ్వంసమయ్యాయి, 78,000 మంది తాత్కాలిక శిబిరాలకు వెళ్లారు. ఆ దేశంలో మూడో వంతు ప్రాంతానికి విద్యుత్, తాగునీరు అందడం లేదు. ఈ విధంగా ఆగ్నేయాసియాలోని పలు దేశాలు సెన్‌యార్ తుపాను కారణంగా తీవ్రంగా నష్టపోయాయి.

మరిన్ని ఇంటర్నేషనల్ వార్తల కోసం ఇక్కడ క్లిక్ చేయండి