40 plus women: 40 ప్లస్ మహిళలలో ఈ లక్షణాలున్నాయా? అయితే లైట్ తీసుకోకండి..

40 plus women

తరచుగా చిరాకు, కోపం లేదా మూడ్ స్వింగ్స్ 40 ప్లస్ మహిళల(40 plus women)లో వెరీ కామన్. ఎందుకంటే 40 ఏళ్లు దాటిన మహిళలు తమ జీవితంలో ఒక సంక్లిష్టమైన , ముఖ్యమైన దశలోకి అడుగుపెడతారు. ఇది కేవలం శారీరక మార్పుల సమయం మాత్రమే కాదు, లోతైన మానసిక , సామాజిక సర్దుబాట్ల కాలం కూడా. ఈ దశలో వారిపై పడే మానసిక ప్రభావాలను అర్థం చేసుకోవడం, వారికి అవసరమైన మద్దతును అందించడం చాలా కీలకం.

40 ప్లస్ వయస్సు(40 plus women)లో మహిళల్లో మొదట కనిపించే కొన్ని లక్షణాలు ఇతరులకు తేలికపాటి లేదా వ్యక్తిగత సమస్యలుగా అనిపించవచ్చు. అయితే, వీటి వెనుక బలమైన శారీరక, మానసిక కారణాలు ఉంటాయి.

తరచుగా చిరాకు, కోపం లేదా మూడ్ స్వింగ్స్ లక్షణాలు కనిపించినపుడు.. ఈ మధ్య అమ్మ చాలా కోపంగా ఉంటోంది,” “లేదంటే అనవసరంగా అరుస్తోంది,” లేకపోతే “చిన్న విషయానికే అంతలా రియాక్ట్ అవుతోంది.” అని ఇంట్లో వారు అనుకోవచ్చు. ఈ ప్రవర్తనను వ్యక్తిగత అసంతృప్తిగా, లేదా కంట్రోల్ చేసే ప్రయత్నంగా భావిస్తారు.

40 ఏళ్లు దాటిన తర్వాత(40 plus women), మెనోపాజ్ దశకు ముందు ఉండే ‘పెరిమెనోపాజ్’ (Perimenopause) ప్రారంభమవుతుంది. ఈ సమయంలో ఈస్ట్రోజెన్ ప్రొజెస్టెరాన్ హార్మోన్ల (హార్మోన్ల మార్పులు) స్థాయిలలో విపరీతమైన హెచ్చుతగ్గులు ఉంటాయి. ప్రొజెస్టెరాన్ అనేది సహజంగా మానసిక ప్రశాంతతకు తోడ్పడుతుంది. దీని స్థాయి తగ్గడం వల్ల నిద్రలేమి, తీవ్రమైన చిరాకు మరియు హఠాత్తుగా వచ్చే భావోద్వేగ అస్థిరత (Emotional Volatility) కలుగుతాయి. ఈ మార్పు పూర్తిగా హార్మోన్ల ప్రభావం, వ్యక్తిగత ఎంపిక కాదు.

నిద్ర పట్టకపోవడం లేదా రాత్రి నిద్ర మధ్యలో మేల్కొనడం వంటి లక్షణాలు కూడా ఉంటాయి. “అమ్మ/భార్య రాత్రి సరిగ్గా నిద్రపోవడం లేదు, టీవీ చూస్తోంది లేదా అనవసరంగా ఆలోచిస్తోంది.” అని అనుకుంటారు.

దీనికి (40 plus women)కారణం ఈస్ట్రోజెన్ స్థాయిలు తగ్గడం వల్ల నిద్ర నాణ్యత దెబ్బతింటుంది. అంతేకాక, రాత్రి సమయంలో వచ్చే వేడి ఆవిరులు (హాట్ ఫ్లాషెస్) కారణంగా చెమట పట్టి, శరీరం వేడెక్కి మేల్కుంటారు. నిద్రలేమి కారణంగా పగటిపూట అలసట, జ్ఞాపకశక్తి మందగించడం, ఏకాగ్రత లోపించడం (ఏకాగ్రత లోపం) వంటి లక్షణాలు పెరుగుతాయి.

అలాగే అకస్మాత్తుగా భవిష్యత్తు గురించి భయం లేదా ఆందోళన (Anxiety) పెరగడం వంటి లక్షణాలు కనిపిస్తాయి. అయితే “తనకు ఏ సమస్యా లేదు, కానీ అనవసరంగా అన్ని విషయాల గురించి టెన్షన్ పడుతోంది, డబ్బు లేదా ఆరోగ్యం గురించి అతిగా ఆలోచిస్తోంది.” అని ఫ్యామిలీ అండ్ ఫ్రెండ్స్ అనకుంటూ ఉంటారు.

హార్మోన్ల మార్పులు మెదడులోని ‘సెరోటోనిన్’ (Serotonin) వంటి న్యూరోట్రాన్స్‌మిటర్ల (Neurotransmitters)పై ప్రభావం చూపుతాయి. సెరోటోనిన్ తగ్గడం వల్ల సహజంగానే ఆందోళన , నిరాశ భావనలు పెరుగుతాయి. దీనికి తోడు, పిల్లలు ఇల్లు వదిలి వెళ్లిపోవడం (‘ఎంప్టీ నెస్ట్ సిండ్రోమ్’) లేదా వృద్ధాప్య తల్లిదండ్రుల బాధ్యతలు (‘శాండ్‌విచ్ జనరేషన్’) వంటి సామాజిక ఒత్తిళ్లు ఈ ఆందోళనను మరింత పెంచుతాయి. ఇది కేవలం “అతిగా ఆలోచించడం” కాదు, అంతర్గత రసాయన మార్పుల వల్ల కలిగే తీవ్రమైన ఒత్తిడి.

అంతేకాదు సామాజిక కార్యక్రమాలకు దూరంగా ఉండటం, ఒంటరిగా గడపడం చేస్తుంటారు. తనకు ఇప్పుడు ఎవరితో మాట్లాడాలని లేదు, బయటికి వెళ్లడం లేదు, ఇంట్లోనే కూర్చుంటోంది. ఏదో అసంతృప్తిగా ఉంది.” అని అనుకుంటారు బయటివారు.

దీనికి ఒకటి కంటే ఎక్కువ కారణాలు ఉండవచ్చు. హార్మోన్ల హెచ్చుతగ్గులు తరచుగా ‘డిప్రెషన్’ (Depression)కు దారితీస్తాయి, దీని వల్ల సామాజిక ఆసక్తి తగ్గుతుంది. అంతేకాక, శారీరక మార్పుల వల్ల (బరువు పెరగడం, చర్మంపై మార్పులు) తమ ఆకర్షణ తగ్గిపోయిందనే భావన (ఆత్మగౌరవం తగ్గడం) కలుగుతుంది. దీనిని ‘మిడ్‌లైఫ్ క్రైసిస్’లో భాగంగా తమ గుర్తింపును కోల్పోయినట్లు భావించడం (ఐడెంటిటీ షిఫ్ట్)గా నిపుణులు వివరిస్తారు.

సైకాలజిస్టులు ఈ దశను ‘మిడ్‌లైఫ్ ట్రాన్సిషన్’ (Midlife Transition) అని వ్యవహరిస్తారు. ఇది ఒక వ్యక్తిగత పునర్మూల్యాంకన సమయం. మహిళలు తమ గుర్తింపును ప్రశ్నించుకుంటారు.ఇకపై కేవలం తల్లిగా, భార్యగా కాకుండా, ‘నేను ఎవరు?’ అనే అంతర్గత ప్రశ్న తలెత్తుతుంది. నిపుణుల ప్రకారం, ఈ దశలో వారికి అతి ముఖ్యంగా కావలసింది ధృవీకరణ (Validation) , అపరాధ భావన (Guilt) లేకుండా స్వీయ-ప్రాధాన్యతను (Self-Care) ప్రోత్సహించడం.

ఈ (40 plus women)సమయంలో కుటుంబం మరియు స్నేహితుల మద్దతు అత్యవసరం. శారీరక, మానసిక మార్పులను అర్థం చేసుకోవాలి. ఆమె చిరాకును వ్యక్తిగతంగా తీసుకోకుండా, అది హార్మోన్ల ప్రభావం అని గుర్తించాలి. వినడం (యాక్టివ్ లిజనింగ్) ద్వారా ఆమెకు భావోద్వేగ స్థైర్యాన్ని అందించాలి. ఆమె కొత్త అభిరుచులను, లక్ష్యాలను ప్రోత్సహించాలి.

స్నేహితులు నమ్మకమైన, నిస్సందేహమైన వాతావరణాన్ని అందించాలి. ఇక్కడ ఆమె తన భయాలను, ఆందోళనలను స్వేచ్ఛగా వ్యక్తం చేయొచ్చు. సామాజిక కార్యక్రమాలలో పాల్గొనమని ప్రోత్సహించడం, కొత్త ప్రయాణాలకు లేదా క్లబ్‌లలో చేరడానికి ప్రేరేపించడం చాలా సహాయపడుతుంది.

మానసిక ఆరోగ్యం (Mental health) మెరుగుపడటానికి వ్యక్తిగత స్థాయిలో అనేక చర్యలు తీసుకోవచ్చు. కోల్పోయిన లేదా వదిలేసిన హాబీలను (సంగీతం, పెయింటింగ్, పఠనం) మళ్లీ మొదలు పెట్టడం. కొత్త కోర్సులు నేర్చుకోవడం ద్వారా తమ ‘ఐడెంటిటీ షిఫ్ట్’ను సానుకూలంగా మార్చుకోవచ్చు.

క్రమం తప్పకుండా వ్యాయామం, ముఖ్యంగా యోగా మరియు ధ్యానం (మెడిటేషన్) చేయడం ద్వారా హార్మోన్ల మార్పుల ప్రభావాలను తగ్గించుకోవచ్చు. మంచి ఆహారం తీసుకోవడం, కెఫీన్, ఆల్కహాల్ తగ్గించడం వల్ల నిద్ర నాణ్యత పెరుగుతుంది.ఈ దశ తమ జీవితంలో ముగింపు కాదు, ఇది రెండవ, శక్తివంతమైన ఇన్నింగ్స్‌కు ప్రారంభం అని ప్రతీ మహిళ అనుకోవాలి.

లక్షణాలు ఆరు నెలలకు మించి తీవ్రంగా ఉంటే, లేదా డిప్రెషన్ స్థాయి ఎక్కువగా ఉంటే, కౌన్సిలింగ్ లేదా సైకోథెరపీ సహాయం తీసుకోవడానికి వెనుకాడకూడదు. సైకాలజిస్టులు వ్యక్తి యొక్క ఆలోచనా విధానాలను సరిచేయడంలో సహాయపడతారు, ఇది దీర్ఘకాలిక ప్రయోజనాలను ఇస్తుంది.

మరిన్ని హెల్త్ అప్‌డేట్స్ కోసం ఇక్కడ క్లిక్ చేయండి