Fruits
చాలా మందికి ఆరోగ్యంగా తిన్నా కూడా, తిన్న కొద్దిసేపటికే కడుపు ఉబ్బరం (Bloating), గ్యాస్ , కడుపు నొప్పి వంటి సమస్యలు వస్తుంటాయి. వేడినీరు, అల్లం టీ వంటివి ప్రయత్నించినా తగ్గని ఈ అసౌకర్యాన్ని, కొన్ని పండ్లలోని శక్తివంతమైన జీర్ణ ఎంజైములు, పోషకాలు ఈజీగా దూరం చేస్తాయి. తిన్న తర్వాత ఉబ్బరం రాకుండా అడ్డుకునే పండ్లు(Fruits) కొన్ని ఉన్నాయని ఆరోగ్య నిపుణులు చెబుతున్నారు.
బొప్పాయి పండు (Papaya).. బొప్పాయి చర్మానికి కాంతిని ఇవ్వడమే కాకుండా, ఉబ్బరాన్ని కూడా తగ్గిస్తుంది. బొప్పాయిలో పపైన్ (Papain) అనే శక్తివంతమైన ఎంజైమ్ పుష్కలంగా ఉంటుంది. ఈ ఎంజైమ్ మనం తినే ప్రోటీన్‌ను విచ్ఛిన్నం చేస్తుంది మరియు జీర్ణం కావడాన్ని సులభతరం చేస్తుంది. దీని వలన కడుపులో గ్యాస్ ఉత్పత్తి తగ్గి, ఉబ్బరాన్ని నివారిస్తుంది. అదనంగా, పపైన్ పేగుల్లో మంటను (Inflammation) నివారించడంలో కూడా సహాయపడుతుంది.
పైనాపిల్ (Pineapple).. పైనాపిల్‌లో సహజంగా జీర్ణక్రియను ప్రేరేపించే బ్రోమెలైన్ (Bromelain) అనే ఎంజైమ్ ఉంటుంది. తిన్న తర్వాత దాదాపు 15 నిమిషాల తర్వాత పైనాపిల్ తినడం చాలా మంచిది. ఇలా తినడం వల్ల కడుపులో గ్యాస్ ఉత్పత్తిని నివారించి, ఉబ్బరం రాకుండా చేస్తుంది. ముఖ్యంగా అధిక ప్రోటీన్ కలిగిన ఆహారాలు తిన్న తర్వాత దీనిని తీసుకుంటే ఉబ్బరం రాకుండా ఉంటుంది.
అరటిపండు (Banana).. భోజనం తర్వాత లేదా రాత్రి పడుకునే ముందు అరటిపండు తినడం మన సంస్కృతిలో ఉంది. దీనికి ప్రధాన కారణం ఇది మలబద్ధకాన్ని (Constipation) నివారిస్తుంది. జీర్ణక్రియ సరిగా పనిచేసి, అధిక గ్యాస్ ఉత్పత్తి లేనప్పుడు మలబద్ధకం వచ్చే అవకాశం తక్కువగా ఉంటుంది. అరటిపండులో పొటాషియం చాలా ఎక్కువగా ఉంటుంది. ఇది శరీరంలోని అదనపు సోడియంను సమతుల్యం చేస్తుంది. ఇది కడుపులో నీరు నిలుపుదల (Water Retention) , ఉబ్బరం కనిపించడాన్ని తగ్గించి, కడుపును చదునుగా ఉంచడంలో సహాయపడుతుంది.
కివి (Kiwi).. రోగనిరోధక శక్తిని పెంచడం నుంచి ఎర్ర రక్త కణాల ఉత్పత్తి వరకు కివి చాలా ప్రయోజనకరమైనది. దీనిలో ఎసిటినైడిన్ (Actinidin) అనే ముఖ్యమైన ఎంజైమ్ పుష్కలంగా ఉంటుంది. ఈ ఎంజైమ్ ముఖ్యంగా ప్రోటీన్ ఆహారాలను విచ్ఛిన్నం చేయడంలో, జీర్ణక్రియను మెరుగుపరచడంలో సహాయపడుతుంది. అందువల్ల, మీరు భోజనం చేసిన అరగంటలోపు కివి పండు తింటే, గ్యాస్ ఉత్పత్తి నివారించబడి, ఉబ్బరం మరియు అసౌకర్యం తగ్గుతుంది.
బెర్రీలు (Berries).. స్ట్రాబెర్రీలు, బ్లూబెర్రీలు, రాస్ప్బెర్రీస్ వంటి బెర్రీలు తినడం జీర్ణ ఆరోగ్యానికి చాలా మంచిది. వీటిలో ఇతర పండ్ల(Fruits) కంటే ఎక్కువ యాంటీఆక్సిడెంట్లు ఉంటాయి. ఈ పండ్లు(Fruits) శరీరానికి హైడ్రేషన్ అందిస్తాయి. బెర్రీలలోని అధిక ఫైబర్ మరియు యాంటీఆక్సిడెంట్లు జీర్ణక్రియను సులభతరం చేసి, ప్రేగులలో మంటను (Inflammation) సహజంగా నివారిస్తాయి. వీటిని తింటే కడుపు ఉబ్బరాన్ని తగ్గించడంలో సహాయపడుతుంది.
మరిన్ని హెల్త్ అప్‌డేట్స్ కోసం ఇక్కడ క్లిక్ చేయండి
-
-
-
-
