Scientists
ప్రపంచం అంతా కొత్త కొత్త ఆవిష్కరణలతో వేగంగా దూసుకుపోతోంది. ఇదంతా శాస్త్రవేత్తల(Scientists )శ్రమ ఫలితమే. అలాంటి ఎంతో మంది భారతీయ మేధావులు తమ జ్ఞానంతో ప్రపంచానికి దిక్సూచిగా మారారు.
ఆర్యభట్ట ..ఈయన గణిత, ఖగోళ శాస్త్రవేత్తల(Scientists)లో అగ్రగణ్యుడు. ప్రపంచానికి సున్నా (0) ను అందించిన గొప్పవాడు. భూమి గోళాకారంలో ఉంటుందని, తన చుట్టూ తాను తిరుగుతుందని చెప్పాడు. ఆయన రాసిన గ్రంథాల ఆధారంగానే మన దేశంలో పంచాంగాలకు ఆధారమంగా మారాయి. అందుకే భారత్ ప్రయోగించిన తొలి ఉపగ్రహానికి ‘ఆర్యభట్ట’ అని నామకరణం చేసి గౌరవించారు.
జగదీష్ చంద్రబోస్.. వృక్షాల పెరుగుదలను కొలిచే క్రెస్కోగ్రాఫ్ పరికరాన్ని రూపొందించారు. సూర్యుడి కాంతి నుంచి విద్యుదయస్కాంత తరంగాలు వెలువడతాయని ప్రతిపాదించారు.
సీవీ రామన్.. కాంతి వికిరణంపై ప్రయోగాలు చేసి 1928 రామన్ ఎఫెక్ట్ను కనుక్కున్నారు. ఈయన చేసిన పరిశోధనలకుగాను 1930లో నోబెల్ బహుమతి లభించింది. ఈయన పుట్టిన రోజును భారత ప్రభుత్వం సైన్స్ డే నిర్వహిస్తోంది.
మోక్షగుండం విశ్వేశ్వరయ్య.. దేశంలోనే గొప్ప సివిల్ ఇంజినీర్. కర్ణాటకలోని కృష్ణరాజ సాగర డ్యాం నిర్మాణానికి ముఖ్య ఆర్కిటెక్ట్‌గా పని చేశారు. ఆయన పుట్టిన రోజు సెప్టెంబర్ 15ను ఇంజినీర్స్ డేగా జరుపుతున్నారు.
శ్రీనివాస రామానుజన్.. 20వ శతాబ్దంలో ప్రపంచ ప్రఖ్యాతి గాంచిన గొప్ప గణిత మేధావి. శుద్ధ గణితంలో శాస్త్రీయమైన శిక్షణ లేకపోయినా గణిత విశ్లేషణ, సంఖ్యా శాస్త్రం, అనంత శ్రేణులు వంటి గణిత విభాగాలలో విశేషమైన కృషి చేశాడు.
ప్రఫుల్ల చంద్ర రాయ్.. మన దేశంలో మొదటి ఫార్మాస్యూటికల్ కంపెనీగా పేరుగాంచిన బెంగాల్ కెమికల్స్ అండ్ ఫార్మాస్యూటికల్స్ను స్థాపించింది ఈయనే. ఈయనను భారత రసాయన పితామహుడిగా కూడా పేర్కొంటారు.
ఎం.ఎస్. స్వామినాథన్.. హరిత విప్లవం ద్వారా భారత వ్యవసాయ అభివృద్ధికి కృషి చేశారు. కరవు పరిస్థితులను అధిగమించేందుకు హైబ్రిడ్ వంగడాలను అభివృద్ధి చేశారు. ఈ అవార్డు పొందిన మొదటి వ్యక్తి ఈయనే.
అబ్దుల్ కలాం.. అంతరిక్షం, రక్షణ రంగాల్లో అనేక పరిశోధనలు చేశారు. ఈయనను మిస్సైల్ మ్యాన్ అని పిలుస్తారు. 1998లో పోఖ్రాన్‌లో నిర్వహించిన అణుపరీక్ష విజయవంతం కావడంలో ఈయన పాత్ర కీలకం.
