Minister: ఒకరికే మంత్రి పదవి.. మీరే తేల్చుకోండి

Minister

తెలంగాణలో కేబినెట్ విస్తరణపై వార్తలు మొదలవడంతో పదవులు ఆశిస్తున్న వారంతా పైరవీలు మొదలుపెట్టారు. మిగిలిన వారి సంగతి ఎలా ఉన్నా ఈ సారి కోమటిరెడ్డి బ్రదర్స్ హాట్ టాపిక్ మారారు. కోమటిరెడ్డి వెంకట్‌రెడ్డి, కోమటిరెడ్డి రాజగోపాల్‌రెడ్డి గత ఎన్నికల్లో ఇద్దరూ గెలిచారు.

రాజగోపాల్‌రెడ్డి కాంగ్రెస్‌ నుంచి బీజేపీలో చేరి.. మళ్లీ యూటర్న్ తీసుకుని సొంతగూటికి వచ్చేశారు. పార్టీలో చేరే సమయంలో మంత్రి (Minister)ఇస్తామని కాంగ్రెస్‌ హామీ ఇచ్చినట్లు రాజగోపాల్‌రెడ్డి చెబుతున్న మాట. అదే హామీతోనే హస్తం పార్టీలో చేరానని…రెండేళ్లయినా మంత్రి పదవి ఇవ్వడం లేదని వాపోతున్నారు.

పలు మార్లు ప్రభుత్వానికి, కాంగ్రెస్‌ పార్టీకి వ్యతిరేకంగా తీవ్ర వ్యాఖ్యలు కూడా చేశారు. ప్రస్తుతం క్యాబినెట్‌లో బెర్తులు ఖాళీగా ఉండటంతో రేవంత్ రెడ్డి వాటి భర్తీపై ఫోకస్ పెట్టారు. ఇప్పటికే పలుమార్లు హైకమాండ్ ను కూడా కలిసారు. ఈ రేసులో కోమటిరెడ్డి రాజగోపాల్‌రెడ్డి, విజయశాంతి ముందున్నట్టు తెలుస్తోంది. రాజగోపాల్‌రెడ్డిని క్యాబినెట్‌లోకి తీసుకోవడం పెద్ద సవాల్. ఇద్దరినీ క్యాబినెట్‌ లో కొనసాగించడం కుదరదు.

కోమటిరెడ్డి వెంకట్‌రెడ్డి ప్రస్తుతం రోడ్లు భవనాల శాఖ మంత్రిగా ఉన్నారు. ఇప్పుడు రాజగోపాల్‌రెడ్డికి ఇవ్వాలంటే కోమటిరెడ్డి వెంకట్‌రెడ్డిని మంత్రి పదవి నుంచి తప్పించి ఆయన్ని క్యాబినెట్‌లోకి తీసుకునే అవకాశం ఉంది. ఇదే విషయాన్ని కోమటిరెడ్డి బ్రదర్స్‌కు…ఇప్పటికే అధిష్ఠానం క్లారిటీ ఇచ్చేసింది.

తమ్ముడికి మంత్రి పదవి(Minister) కావాలంటే అన్నయ్య తప్పుకోవాల్సిందేనని, దీనిపై వారిద్దరే డిసైడ్‌ చేసుకోవాలని స్పష్టం చేసినట్టు వార్తలు వస్తున్నాయి. హైకమాండ్‌ ప్రతిపాదనతో అన్నదమ్ముల మధ్య కొత్త చిచ్చు మొదలైంది. మంత్రి పదవికి రాజీనామా చేయమంటే కోమటిరెడ్డిని అవమానించినట్లు అవుతుంది. రాజగోపాల్‌రెడ్డికి మంత్రి పదవి(Minister) ఇవ్వకపోతే చిన్నచూపు చూసినట్లు అవుతుంది.

అందుకే అన్నదమ్ములు ఇద్దరే మంత్రి పదవి(Minister) విషయంలో తేల్చుకోవాలని కాంగ్రెస్‌ సూచించింది. దీంతో కోమటిరెడ్డి బ్రదర్స్‌ ఎటూ తేల్చుకోలేకపోతున్నారు. ఇద్దరికీ ఇవ్వాలంటే సామాజిక సమీకరణాలు తలనొప్పిగా మారాయి. నల్గొండలో ఇప్పటికే కోమటిరెడ్డి వెంకటరెడ్డి, ఉత్తమ్ కుమార్‌ రెడ్డి ఇద్దరు మంత్రులుగా ఉన్నారు. వీరిద్దరు రెడ్డి సామాజిక వర్గానికి చెందిన వారే. రెవెన్యూ మంత్రిగా పొంగులేటి శ్రీనివాస్‌రెడ్డి ఉన్నారు. సీఎంతో కలిపి మొత్తంగా నలుగురు కీలక పదవుల్లో ఉన్నారు.

వెంకట్‌రెడ్డితో పాటు రాజగోపాల్‌రెడ్డికి ఇస్తే అనేక విమర్శలు వచ్చే అవకాశం ఉంది. ఒక కుటుంబానికి ఒకటే పోస్టు అన్న ఫార్ములాను కాంగ్రెస్‌ అనుసరిస్తోంది. దీంతో కోమటిరెడ్డి వెంకట్‌రెడ్డి రాజీనామా చేస్తే…రాజగోపాల్‌రెడ్డిని క్యాబినెట్‌లోకి తీసుకునే అవకాశం ఉంది. తమ్ముడికి మంత్రి పదవి దక్కాలంటే…అన్నయ్య త్యాగం చేయాల్సిందే. మరి వెంకటరెడ్డి ఏం చేస్తారో వేచి చూడాలి.

మరిన్ని పొలిటికల్ వార్తల కోసం ఇక్కడ క్లిక్ చేయండి