Rohit Sharma: చివరికి రోకో దిక్కయ్యారుగా.. దిగ్గజాలపైనే భారం

Rohit Sharma

టెస్ట్ క్రికెట్ లో భారత జట్టు ఎన్నడూ లేనంతగా గడ్డుకాలాన్ని ఎదుర్కొంటోంది. విదేశాల్లో పరాజయాలు ఎప్పుడూ పెద్దగా బాధ కలిగించవుగానీ స్వదేశంలో వరుస వైట్ వాష్ లు ఇప్పుడు అభిమానులు జీర్ణించుకోలేకపోతున్నారు. గత ఏడాది న్యూజిలాండ్.. ఇప్పుడు సౌతాఫ్రికా.. నెక్స్ట్ ఎవరో.. ఇదీ ప్రస్తుతం భారత క్రికెట్ ఫ్యాన్స్ చర్చించుకుంటున్న మాట..నిజానికి ఏ జట్టుకైనా ఒక్కో టైమ్ లో క్లిష్ట పరిస్థితులు తప్పవు.. అప్పటి వరకూ ఉన్న సీనియర్లు రిటైర్మెంట్ తో తప్పుకున్నప్పుడు ఇలాంటి పరిస్థితులే ఎదురవుతుంటాయి.

అయితే దిగ్గజ ఆటగాళ్ళ ప్లేస్ ను భర్తీ చేయడం ఏ జట్టుకూ అంత ఈజీ కాదు. దీనికి భారత్ కూడా మినహాయింపు కాదు. కానీ సీనియర్లు రోహిత్ శర్మ, విరాట్ కోహ్లీకి ఇంకా టెస్టుల్లో ఆడే సత్తా ఉన్నా రిటైర్మెంట్ ఇచ్చేశారు. దీనికి కోచ్ గౌతమ్ గంభీరే కారణమన్నది చాలా మంది నమ్ముతుంటారు. ప్రస్తుతం కోహ్లీ, రోహిత్(Rohit Sharma) కేవలం వన్డేల్లో మాత్రమే కొనసాగుతున్నారు. 2027 వన్డే ప్రపంచకప్ ఆడడమే వీరిద్దరి లక్ష్యం. ఈ లోపు ఉన్న ప్రతీ వన్డే సిరీస్ లో ఆడుతూ, ఫామ్ కొనసాగిస్తూ ఫిట్ నెస్ నిరూపించుకుంటేనే ప్రపంచకప్ ప్లాన్స్ లో ఉంటారు.

ప్రస్తుతం కోహ్లీ, రోహిత్ (Rohit Sharma)ప్రతీ సిరీస్ లో రాణించడం ఎంత ముఖ్యమో.. అటు టీమిండియాకు కూడా వీరిద్దరి అవసరం మరింత ముఖ్యమనే చెప్పాలి. ఎందుకంటే గాయాలతో కెప్టెన్, వైస్ కెప్టెన్లు ఇబ్బంది పడుతుండడమే దీనికి కారణం. గిల్ మెడనొప్పితో సౌతాఫ్రికాతో సిరీస్ కు దూరమయ్యాడు. అటు శ్రేయాస్ అయ్యర్ కూడా మరో మూడు నెలల వరకూ గ్రౌండ్ లో అడుగుపెట్టలేని పరిస్థితి. దీంతో గంభీర్ కు ఇప్పుడు రోహిత్ , కోహ్లీనే దిక్కయ్యారు. జట్టులో అనుభవం ఉన్న ఆటగాళ్ల అవసరం ఎప్పుడూ ఉంటుంది.

మరీ ముఖ్యంగా వరుస పరాజయాలు పలకరించినప్పుడు సీనియర్ల అనుభవమే కాపాడుతుంటుంది. ఇప్పుడు ఈ అనుభవమే సౌతాఫ్రికా సిరీస్ లో కీలకం కానుంది. ఎందుకంటే సఫారీ జట్టు ఫుల్ జోష్ లో ఉంది. 25 ఏళ్ల తర్వాత భారత గడ్డపై సిరీస్ గెలుపుతో వారి ఉత్సాహం రెట్టింపయింది. అదే జోరులో వన్డేల్లోనూ భారత్ ను నిలువరించాలని ఎదురుచూస్తోంది. అటు టెస్ట్ సిరీస్ వైట్ వాష్ పరాభవానికి ప్రతీకారం తీర్చుకోవాలనుకుంటున్న భారత్ కు గిల్, శ్రేయాస్ లేకపోవడం పెద్ద ఎదురుదెబ్బ.

దీంతో రోహిత్(Rohit Sharma) , కోహ్లీనే కీలకం కాబోతున్నారు. మొన్నటి వరకూ రోకో జోడీ విషయంలో ఫిట్ నెస్, ఫామ్ అంటూ హడావుడి చేసిన చీఫ్ సెలక్టర్ ప్రస్తుతం ఏం మాట్లాడకుండా సైలెంట్ అయ్యాడు. దీంతో చీఫ్ సెలక్టర్ నుంచి రోహిత్ , కోహ్లీలకు ఇబ్బంది తప్పినట్టేనని భావిస్తున్నారు, స్వేఛ్ఛగా ఆడుకుంటూ ఫిట్ నెస్ కాపాడుకుంటే చాలు 2027 ప్రపంచకప్ జట్టులో రోకో ద్వయం పేరు ఖచ్చితంగా ఉంటుంది.

మరిన్ని స్పోర్ట్స్ న్యూస్ కోసం ఇక్కడ క్లిక్ చేయండి