Jio Frames
కేవలం ఫోన్ కాల్స్, డేటాకే పరిమితమైన జియో, ఇప్పుడు మన ఊహకు కూడా అందని టెక్నాలజీలను పరిచయం చేసింది. భారత టెలికాం రంగంలో విప్లవం సృష్టించిన రిలయన్స్ జియో, ఇప్పుడు కేవలం ఒక నెట్‌వర్క్ ప్రొవైడర్ కాదు. రిలయన్స్ ఇండస్ట్రీస్ ఏజీఎం అంటే వార్షిక సర్వసభ్య సమావేశంలో ఆవిష్కరించిన కొత్త ఉత్పత్తులు జియోను ఒక సమగ్ర టెక్నాలజీ దిగ్గజంగా మార్చబోతున్నాయి.
జియో(Jio Frames) ఇన్ఫోకామ్ లిమిటెడ్ చైర్మన్ ఆకాశ్ అంబానీ మాట్లాడుతూ, నా ప్రొఫెషనల్ జర్నీ జియో నుంచే మొదలైందని చెప్పారు. ఇది ఒక స్వతంత్ర కంపెనీగా ఎదగడం నాకు ఉత్సాహాన్నిస్తోంది అని అన్నారు. ప్రస్తుతం జియో 500 మిలియన్ల మంది కస్టమర్లకు సేవలు అందిస్తోందని, ఇది అమెరికా, యూకే, ఫ్రాన్స్ దేశాల జనాభా కంటే ఎక్కువని ఆయన తెలిపారు.
రిలయన్స్ ఏజీఎంలో అనేక సరికొత్త టెక్నాలజీ ఉత్పత్తులు ఆవిష్కరించారు. జియో(Jio Frames) ఫ్రేమ్స్ అనే పేరుతో మేడ్ ఫర్ ఇండియా ట్యాగ్‌లైన్‌తో ఒక ఏఐ ఆధారిత వేరబుల్ ప్లాట్‌ఫామ్‌ను పరిచయం చేశారు. ఈ డివైస్ ముఖ్యంగా భారతీయ భాషలకు సపోర్ట్ చేస్తుంది. ఇందులో ఉండే మల్టీలింగ్వల్ ఏఐ వాయిస్ అసిస్టెంట్ సహాయంతో, వినియోగదారులు చేతులు లేకుండానే వాయిస్ కమాండ్స్‌తో పనులు చేసుకోవచ్చు. హెచ్‌డీ ఫోటోలు, వీడియోలు తీయడం, లైవ్ స్ట్రీమింగ్ చేయడం, వాటిని వెంటనే జియో ఏఐ క్లౌడ్‌లో సేవ్ చేసుకోవడం వంటివి ఈ డివైస్‌తో సాధ్యమవుతాయి. ఇది భారతీయ జీవన విధానానికి సరిపడేలా రూపొందించారు.
అలాగే, జియో(Jio Frames) పీసీని కూడా ప్రకటించారు. ఈ వినూత్న పరికరం మీ టీవీని లేదా స్క్రీన్‌ను పూర్తి స్థాయి ఏఐ-రెడీ కంప్యూటర్‌గా మార్చేస్తుంది. జియో సెట్-టాప్ బాక్స్‌కు కీబోర్డ్ కనెక్ట్ చేస్తే చాలు, జియో క్లౌడ్ ఆధారిత వర్చువల్ కంప్యూటర్‌ను ఉపయోగించుకోవచ్చు. దీని ప్రత్యేకత ఏమిటంటే, ఇది ఎల్లప్పుడూ అప్‌డేట్‌గా ఉంటుంది, పూర్తి భద్రతతో కూడి ఉంటుంది, అవసరాన్ని బట్టి మెమరీ, స్టోరేజ్, కంప్యూటింగ్ పవర్‌ను రిమోట్‌గా పెంచుకునే అవకాశం కూడా ఉంటుంది.
ఎంటర్‌టైన్‌మెంట్, సమాచారంలో నయా ట్రెండ్..కొత్తగా లాంచ్ చేసిన రియా అనే వాయిస్ అసిస్టెంట్, జియోస్టార్ ప్లాట్‌ఫామ్‌లో కంటెంట్ సెర్చ్‌ను మరింత సులభతరం చేస్తుంది. ఎన్నో గంటల కంటెంట్‌ను స్క్రోల్ చేయాల్సిన పని లేకుండా, వాయిస్ కమాండ్స్‌తో షోలు, సినిమాలు, సీజన్‌లు, ఎపిసోడ్‌లను కనుగొనవచ్చు. ఇది స్క్రోలింగ్ లేదు, సెర్చింగ్ లేదు, నోటితో అడగండి చాలు అనే కొత్త విధానాన్ని పరిచయం చేసింది.
ఇంకా, రిలయన్స్ వాయిస్ ప్రింట్ అనే విప్లవాత్మక టెక్నాలజీని కూడా ఆవిష్కరించారు. ఇది ఏఐ వాయిస్ క్లోనింగ్, లిప్-సింక్ టెక్నాలజీతో పనిచేస్తుంది. ఈ టెక్నాలజీతో మనం చూసే క్రికెట్ మ్యాచ్‌లు లేదా హాలీవుడ్ సినిమాలు, మన అభిమాన తారలు మనకు ఇష్టమైన భారతీయ భాషలో, వారి స్వంత స్వరంతో, పర్ఫెక్ట్ లిప్-సింక్‌తో మాట్లాడటం మనం చూడవచ్చు. ఇది స్టోరీ టెల్లింగ్‌లో ఒక కొత్త శకానికి నాంది పలికింది.
మొత్తంగా, రిలయన్స్ ఈ కొత్త ఉత్పత్తుల ద్వారా కేవలం కనెక్టివిటీ ప్రొవైడర్‌గానే కాకుండా, అత్యాధునిక ఏఐ టెక్నాలజీ ఆధారిత టెక్ ఎకోసిస్టమ్‌ను నిర్మించాలని లక్ష్యంగా పెట్టుకుంది. ఈ ఆవిష్కరణలన్నీ ఇటీవల ప్రారంభించిన “రిలయన్స్ ఇంటెలిజెన్స్” ప్రాజెక్ట్‌కు ఒక ప్రత్యక్ష నిదర్శనం. భవిష్యత్తులో ఈ టెక్నాలజీలు భారతీయ మార్కెట్‌ను పూర్తిగా మార్చేస్తాయని భావిస్తున్నారు.
