Saudi Arabia
సౌదీ అరేబియా(Saudi Arabia)లో భారతీయ ఉమ్రా యాత్రికులతో జరిగిన రోడ్డు ప్రమాదం యావత్ దేశాన్ని, ముఖ్యంగా తెలంగాణ రాష్ట్రాన్ని విషాదంలో ముంచెత్తింది. మక్కాలో ఉమ్రా కార్యక్రమాలను పూర్తి చేసుకుని మదీనా వైపు వెళ్తున్న బస్సు, డీజిల్ ట్యాంకర్‌ను బలంగా ఢీకొనడంతో భారీ అగ్నిప్రమాదం జరిగింది.
తాజా సమాచారం ప్రకారం, ఈ ఘోర ప్రమాదంలో బస్సులో ప్రయాణిస్తున్న 46 మంది యాత్రికులలో 45 మంది సజీవదహనం అయ్యారు. హైదరాబాద్ పోలీసు కమిషనర్ వి.సి.సజ్జనార్ కూడా ఈ మృతుల సంఖ్యను ధృవీకరించారు.
ఈ ప్రమాదంలో మరణించిన వారంతా భారతీయ పౌరులే కాగా, వీరిలో అత్యధిక శాతం మంది తెలంగాణ రాష్ట్ర రాజధాని హైదరాబాద్‌కు చెందినవారే. ప్రమాద వివరాలు: భారత కాలమానం ప్రకారం సోమవారం తెల్లవారుజామున 1:30 గంటల ప్రాంతంలో బదర్-మదీనా మధ్య ముఫరహత్ ప్రాంతంలో ఈ దుర్ఘటన జరిగింది.
డీజిల్ ట్యాంకర్‌ను ఢీకొట్టిన వెంటనే మంటలు చెలరేగి, బస్సు మొత్తం క్షణాల్లోనే వ్యాపించాయి.మృతులలో ఎవరు?: ఈ ప్రమాదంలో మరణించినవారిలో దాదాపు 20 మంది మహిళలు, 11 మంది చిన్నారులు ఉన్నట్లు ప్రాథమిక నివేదికలు చెబుతున్నాయి . మృతుల్లో హైదరాబాద్‌లోని మల్లేపల్లి బజార్‌ఘాట్ ప్రాంతం నుంచే సుమారు 16 మంది ఉన్నట్లు అధికారులు గుర్తించారు. వీరితో పాటు ఆసిఫ్‌నగర్, ఫలక్‌నుమా, ముషీరాబాద్ వంటి పలు ప్రాంతాలకు చెందినవారు కూడా ఉన్నారు.
మహ్మద్ అబ్దుల్ షోయబ్46 మంది ప్రయాణికుల్లో ఒకే ఒక్క వ్యక్తి ప్రాణాలతో బయటపడ్డాడు. అతని పేరు మహ్మద్ అబ్దుల్ షోయబ్ (24), ఇతను కూడా హైదరాబాద్‌కు చెందిన యువకుడే. ప్రమాదం జరిగిన సమయంలో షోయబ్ డ్రైవర్ సమీపంలో కూర్చుని ఉండటం వల్ల ప్రమాదం నుంచి బయటపడగలిగాడు. చికిత్స కోసం అతన్ని ఆసుపత్రికి తరలించారు. ఈ దుర్ఘటనలో షోయబ్ తన కుటుంబ సభ్యులలో చాలా మందిని కోల్పోయినట్లు తెలుస్తోంది.
ఈ విషాద ఘటన(Saudi Arabia)పై కేంద్ర, రాష్ట్ర ప్రభుత్వాలు తక్షణమే స్పందించాయి.తెలంగాణ ముఖ్యమంత్రి ఆదేశాలు: తెలంగాణ ముఖ్యమంత్రి ఎ. రేవంత్ రెడ్డి ఈ ప్రమాదంపై తీవ్ర దిగ్భ్రాంతి వ్యక్తం చేశారు. తక్షణమే పూర్తి వివరాలు తెలుసుకోవాలని, తెలంగాణకు చెందినవారు ఎంత మంది ఉన్నారో ఆరా తీయాలని ప్రభుత్వ ప్రధాన కార్యదర్శి (CS) మరియు డీజీపీని ఆదేశించారు.
సీఎం ఆదేశాల మేరకు అధికారులు కేంద్ర విదేశాంగ శాఖ మరియు సౌదీ అరేబియా(Saudi Arabia) ఎంబసీ అధికారులతో మాట్లాడి సహాయక చర్యలను సమన్వయం చేస్తున్నారు.ప్రధానమంత్రి సంతాపం: ప్రధానమంత్రి నరేంద్ర మోదీ కూడా ఈ ఘటనపై తీవ్ర విచారం వ్యక్తం చేస్తూ, మృతుల కుటుంబాలకు ప్రగాఢ సానుభూతి తెలిపారు. రియాద్‌లోని భారత రాయబార కార్యాలయం మరియు జెడ్డాలోని కాన్సులేట్ పూర్తి సహాయ సహకారాలు అందిస్తున్నాయని తెలిపారు.
హెల్ప్‌లైన్ నెంబర్లు ఏర్పాటుబాధితుల కుటుంబ సభ్యులకు సమాచారం అందించడానికి మరియు సహాయ సహకారాలు అందించడానికి ప్రత్యేకంగా కంట్రోల్ రూమ్‌లను ఏర్పాటు చేశారు.
తెలంగాణ సెక్రటేరియట్ కంట్రోల్ రూమ్+91 79979 59754, +91 99129 19545
కాన్సులేట్ జనరల్ ఆఫ్ ఇండియా, జెడ్డా (24×7)8002440003 (ట్రాల్ ఫ్రీ)
యాత్రికులందరూ మక్కా యాత్ర ముగించుకుని తిరిగి వస్తున్న సమయంలో నిద్రలోనే సజీవదహనం కావడం ఈ ప్రమాదాన్ని మరింత విషాదభరితం చేసింది. ప్రస్తుతం అధికారులు మృతదేహాల గుర్తింపు ప్రక్రియ (DNA పరీక్షల ద్వారా) మరియు వాటిని స్వదేశానికి తరలించే ఏర్పాట్లపై దృష్టి సారించారు.
మరిన్ని తాజా వార్తల కోసం ఇక్కడ క్లిక్ చేయండి
-
-
-
-
