Mahalaxmi
పురాణాల ప్రకారం, కొల్హాపూర్ మహాలక్ష్మి ఆలయం భారతదేశంలోని అపారమైన ఆధ్యాత్మిక కేంద్రాలలో ఒకటి. ఇది శక్తిపీఠాలలో ఒకటైన పుణ్యక్షేత్రం. ఇక్కడ సతీదేవి శరీరంలోని ముఖ భాగం పడినట్లు చెబుతారు. అందుకే ఈ పీఠాన్ని శక్తి ,సంపదలకు మూలంగా భావిస్తారు. ఈ ఆలయాన్ని శ్రీ దక్షిణా మూర్తి త్రయీయలోని ఒకటిగా పరిగణిస్తారు.
కొల్హాపూర్ మహాలక్ష్మిని ( Mahalaxmi) కేవలం సంపదల దేవతగా మాత్రమే కాకుండా, శాంతి, సద్భావన మరియు సమృద్ధిని ప్రసాదించే తల్లిగా పూజిస్తారు. కులం, జాతి భేదాలు లేకుండా అందరికీ సమానంగా ఆశీర్వచనం ఇస్తుందని భక్తులు బలంగా నమ్ముతారు. ఈ ఆలయంలో ప్రతిరోజూ వేలాది మంది భక్తులు పూజలు నిర్వహిస్తారు. నవరాత్రి ,దీపావళి పండుగలలో ప్రత్యేక హోమాలు, పూజలు జరుగుతాయి. ఆ సమయంలో ఆలయ వాతావరణం ఆధ్యాత్మిక శక్తితో నిండి ఉంటుంది.
మహాలక్ష్మిని పూజిస్తే గృహ సుఖాలు, సంతానం, సంపదలు లభిస్తాయని, నష్టాలు, వ్యాధులు తొలగిపోతాయని భక్తుల విశ్వాసం. కొల్హాపూర్ మహాలక్ష్మి ఆలయాన్ని దర్శించడానికి ఏప్రిల్ నుంచి జూన్ మధ్య కాలంలో పర్యాటకుల రద్దీ ఎక్కువగా ఉంటుంది. ఈ పుణ్యక్షేత్రం మానసిక ప్రశాంతతను, ఆత్మవిశ్వాసాన్ని కోరుకునే వారికి ఒక గొప్ప ఆశ్రయం.
