Toll-free numbers
హైదరాబాద్ నగరంలో ప్రజలు ఎదుర్కొనే సమస్యల పరిష్కారం కోసం, ముఖ్యంగా ఆక్రమణలు, అత్యవసర సేవల కోసం ప్రత్యేక టోల్-ఫ్రీ నెంబర్ల(Toll-free numbers)ను ప్రభుత్వం ఏర్పాటు చేసింది. ఈ సౌకర్యాలను ప్రజలు వినియోగించుకోవడం ద్వారా సిటీలో మెరుగైన పౌర సేవలను పొందొచ్చని హైడ్రా అధికారులు చెబుతున్నారు.
ఆక్రమణలు, కబ్జాలపై ఫిర్యాదులు..నగరంలోని చెరువులు, నాలాలు, పార్కులు, ప్రభుత్వ భూములు లేదా ప్రజల అవసరాల కోసం ఉద్దేశించిన స్థలాలు అక్రమ కబ్జాకు గురైనప్పుడు, దానిపై వెంటనే ఫిర్యాదు చేయడానికి 1800-425-8838 అనే టోల్-ఫ్రీ నెంబర్ (Toll-free numbers)అందుబాటులో ఉంది. ఈ నెంబరుకు కాల్ చేసి సమాచారం అందించడం ద్వారా సంబంధిత అధికారులు వెంటనే చర్యలు తీసుకుంటారు.
అదేవిధంగా, ఔటర్ రింగ్ రోడ్ (ORR) పరిధిలో ప్రభుత్వ ఆస్తుల పరిరక్షణకు సంబంధించిన సమాచారం ఇవ్వడానికి 8712406899 అనే నెంబరును కూడా ఉపయోగించవచ్చు. ఈ నెంబరుకు వాట్సాప్ ద్వారా కూడా ఫిర్యాదుకు సంబంధించిన ఫోటోలు లేదా వీడియోలను పంపించే సౌకర్యం ఉంది. ఇది ఆక్రమణదారుల వివరాలను అధికారులకు సులభంగా అందించేందుకు సహాయపడుతుంది.
అత్యవసర సేవలు, విపత్తు నిర్వహణ..వర్షాకాలంలో కానీ, ఇతర ప్రకృతి వైపరీత్యాల సమయంలో కానీ ప్రజలు ఎదుర్కొనే సమస్యల పరిష్కారానికి కూడా ప్రత్యేక నెంబర్లు అందుబాటులో ఉన్నాయి. భారీ వర్షాలు పడినప్పుడు కాలనీలు లేదా రహదారులు నీట మునిగినా, అగ్నిప్రమాదాలు సంభవించినా, తక్షణ సహాయం కోసం 8712406901 మరియు 9000113667 అనే రెండు నెంబర్ల(Toll-free numbers)కు ఫోన్ చేయొచ్చు. ఈ నెంబర్లకు వచ్చే కాల్స్‌ను విపత్తు నిర్వహణ బృందాలు స్వీకరించి, సత్వర చర్యలు తీసుకుంటాయి.
ఈ టోల్-ఫ్రీ నెంబర్ల ద్వారా ఫిర్యాదులను స్వీకరించి, వాటిని పరిష్కరించడానికి హైదరాబాద్ మెట్రోపాలిటన్ డెవలప్‌మెంట్ అథారిటీ (HMDA) మరియు గ్రేటర్ హైదరాబాద్ మున్సిపల్ కార్పొరేషన్ (GHMC) అధికారులు సమన్వయంతో పనిచేస్తారు. ఈ నెంబర్ల ద్వారా పౌరసేవలను మరింత పారదర్శకంగా, జవాబుదారీగా అందించడానికి ప్రభుత్వం ప్రయత్నిస్తోంది. ఈ సమాచారం ప్రజలకు ఎంతగానో ఉపయోగపడుతుంది.
