IND vs SL
క్రికెట్ ఫ్యాన్స్ అంతా ఆగస్ట్ 15న మొదలయ్యే ఇండియా వర్సెస్ శ్రీలంక మ్యాచ్ కోసం ఎదురుచూస్తున్నారు. గాలే వేదికగా జరగబోతున్న ఫస్ట్ టెస్ట్ మ్యాచ్తో ఈ సిరీస్ క్లాష్ స్టార్ట్ కావాల్సి ఉండగా.. టాస్ పడకముందే లంక టీమ్కి మైండ్ బ్లాంక్ అయ్యే బ్యాడ్ న్యూస్ వినిపించింది.
లంక జట్టు బ్యాటింగ్ ఆర్డర్కి అసలైన పిల్లర్ వంటి ఇద్దరు మెయిన్ హిట్టర్లు కూడా ఒకేసారి గాయాల పాలై టోర్నీకి దూరం కావడంతో లంక మేనేజ్మెంట్లో టెన్షన్ మొదలైంది. దీంతో అత్యవసరంగా రంగంలోకి దిగిన శ్రీలంక క్రికెట్ బోర్డ్.. ధనంజయ డిసిల్వా సారథ్యంలో 16 మందితో కూడిన కొత్త టీమ్ని అనౌన్స్ చేసింది.
జూలై నెల 19న కొలంబోలో జరిగిన ఎల్పీఎల్ మ్యాచ్లో కుశాల్ మెండిస్ తొడ కండరాలు పట్టేయడంతో నేషనల్ హై-పర్ఫార్మెన్స్ సెంటర్లో ట్రీట్మెంట్ తీసుకుంటున్నాడు. మరోవైపు పతుమ్ నిస్సంక జూలైలో లండన్లో తన మణికట్టుకు సర్జరీ చేయించుకున్నాడు. ఇంకా పాతుమ్ నిస్సంక పూర్తిగా రికవరీ కాకపోవడంతో.. ఈ ఇద్దరినీ పక్కనపెట్టక తప్పలేదు.
కాకపోతే వీరిద్దరి ప్లేస్లో సెలెక్టర్లు సీనియర్లకు పెద్ద పీట వేశారు. భారత్తో జరిగిన ప్రాక్టీస్ మ్యాచ్లో ఆడిన కుర్రాడు అంజలా బండారను కాదని, 54 టెస్టులు ఆడిన స్టార్ వికెట్ కీపర్ బ్యాటర్ నిరోషన్ డిక్వెల్లాను 2023 తర్వాత మళ్లీ టీమ్లోకి తీసుకొచ్చారు.
మరోవైపు ప్రాక్టీస్ మ్యాచ్లలో సత్తా చాటిన వాళ్లకు కూడా బోర్డు బంపర్ ఆఫర్లు ఇచ్చింది. అదే ప్రాక్టీస్ మ్యాచ్లో 3 వికెట్లతో మెరిసిన ఆఫ్ స్పిన్ ఆల్రౌండర్ కేశర నువంత ఫస్ట్ టైమ్ నేషనల్ టెస్టు జట్టులోకి పిలుపు అందుకున్నాడు.
అలాగే 66, 63 నాటౌట్ స్కోర్లతో దుమ్మురేపిన నిషాన్ మధుష్క కూడా తన బెర్త్ను కాపాడుకున్నాడు. కానీ పేసర్లు కసున్ రజిత, ఇసిత విజేసుందరకు మాత్రం బోర్డు గట్టి షాక్ ఇస్తూ జట్టు నుంచి తోసేసింది. ఇక టీమ్ కెప్టెన్గా ధనంజయ డిసిల్వా, వైస్ కెప్టెన్గా కమిందు మెండిస్ ఉండనున్నారు.
లంక బ్యాటింగ్ లైనప్ను ఒకసారి పరిశీలిస్తే దినేశ్ చండిమాల్, లహిరు ఉడార, పసిందు సూరియబండార, సోనాల్ డినుషాలతో టీమ్ స్ట్రాంగ్గానే కనిపిస్తోంది. స్పిన్ డిపార్ట్మెంట్ను స్టార్ బౌలర్ ప్రభాత్ జయసూర్య లీడ్ చేస్తుండగా, అతనికి రమేశ్ మెండిస్, కొత్తగా వచ్చిన నువంత తోడవ్వనున్నారు.
ఇక పేస్ అటాకింగ్ బాధ్యతలను అసిత ఫెర్నాండో ముందుండి నడపనుండగా.. లహిరు కుమార, విశ్వ ఫెర్నాండో, మిలన్ రత్నాయకే, దిల్షాన్ మధుశంక అతనికి అండగా నిలవబోతున్నారు.
కాగా, గాలే టెస్ట్ కంప్లీట్ అయ్యాక రెండో టెస్టు ఆగస్టు 23 నుంచి 27 వరకు కొలంబోలోని ఎస్ఎస్సీ మైదానంలో జరగబోతుంది . మొత్తానికి తొలి టెస్టుకే శ్రీలంక తమ 16 మంది డ్రీమ్ స్క్వాడ్ను రెడీ చేసినా, మెయిన్ ప్లేయర్లు లేకపోవడం వాళ్లకు ప్లస్ లేదా మైనస్ అవుతుందో అనేది చూడాలి.
-
-
-
-
