Team India
కొలంబోలో రెండు మ్యాచ్ల టెస్టు సిరీస్ను 2-0తో క్లీన్స్వీప్ చేసేసి డోపింగ్ విక్టరీ కొట్టాలనుకున్న టీమిండియాకు.. ఊహించని షాక్ తగిలింది. కొలంబో వేదికగా జరిగిన సెకెండ్ టెస్టులో శ్రీలంక మిడిల్ ఆర్డర్ బ్యాటర్ సోనల్ దినూష (133 నాటౌట్; 264 బాల్స్లో 8 ఫోర్లు, 2 సిక్సర్లు) తన వీరోచిత సెంచరీ పోరాటంతో హండ్రెడ్ పర్సెంట్ ఓడిపోవాల్సిన మ్యాచ్ను డ్రా వైపు నడిపించి టీమిండియాకు షాక్ ఇచ్చాడు. అయితే దీంతో ఈ మ్యాచ్ డ్రాగా ముగిసినా కూడా, తొలి టెస్టులో సాధించిన ఘనవిజయంతో భారత్ రెండు మ్యాచ్ల టెస్ట్ సిరీస్ను 1-0 తేడాతో తన అకౌంట్లో వేసుకుంది.
ఫోర్త్ డే ఆట ముగిసే సమయానికి శ్రీలంక రెండో ఇన్నింగ్స్లో.. 6 వికెట్లు పడగొట్టి పూర్తి ఆధిపత్యాన్ని చూపించిన భారత బౌలర్లు.. చివరి రోజు మాత్రం మిగిలిన 4 వికెట్లను చుట్టేయడంలో దారుణంగా తడబడ్డారు. ఐదో రోజు రోజంతా తీవ్రంగా శ్రమించినా కేవలం మూడు వికెట్లు మాత్రమే దక్కాయి. దీంతో ఈజీగా రెండో టెస్టులో విక్టరీ కొట్టొచ్చని ఫిక్స్ అయిపోయిన టీమిండియా చివరకు డ్రాతోనే సరిపెట్టుకోవాల్సి వచ్చింది.
చివరి రోజు 6 వికెట్ల నష్టానికి 229 పరుగుల ఓవర్నైట్ స్కోరుతో లంక టీమ్ తమ రెండో ఇన్నింగ్స్ను ప్రారంభించింది. క్రీజులో ఉన్న సోనల్ దినూష, కేశర నువాంత జోడీ మ్యాచ్ను డ్రా చేయడమే ఏకైక లక్ష్యంగా బరిలోకి దిగారు. వీరు తమ జిడ్డు బ్యాటింగ్తో భారత బౌలర్ల సహనానికి గట్టి పరీక్ష పెడుతూనే.. లూజ్ బాల్స్ దొరికినప్పుడల్లా బాండరీలకు పంపించారు. 7 రన్స్తో ఆట ప్రారంభించిన దినూష.. ఇంపార్టెంట్ అయిన సెంచరీతో లంకను ఆదుకోగా, 3 పరుగులతో బరిలోకి దిగిన నువాంత (46; 150 బంతుల్లో 4 ఫోర్లు) హాఫ్ సెంచరీకి దగ్గరగా వచ్చి ఔట్ అయ్యాడు.
నువాంత, దినూష జోడీ ఏడో వికెట్కు ఏకంగా 112 రన్స్ భారీ పార్ట్నర్షిప్ను నెలకొల్పి దాదాపు 40 ఓవర్ల పాటు వికెట్ పడకుండా కాపాడుకున్నారు. అయితే నువాంత ఔట్ అయిపోగానే ఇక మిగిలిన వికెట్లను చకచకా తీసేసి టీమిండియా చిన్న టార్గెట్ను ఈజీగా ఛేజ్ చేసేస్తుందని అంతా అనుకున్నారు. కానీ లోయర్ ఆర్డర్ బ్యాటర్లు ప్రభాత్ జయసూర్య (2; 28 బంతుల్లో), లహిరు కుమార (12; 90 బంతుల్లో 1 ఫోర్)లతో కలిసి దినూష అసలైన పోరాటం చూపించాడు.
ప్రభాత్ త్వరగానే పెవిలియన్ చేరినా.. లహిరు-దినూష జంట మాత్రం ఏకంగా 28 ఓవర్ల పాటు వికెట్ పడకుండా భారత బౌలర్లను ఓ రేంజ్లో సతాయించింది. లంక లీడ్ను 200 దాటించిన తర్వాత లహిరు ఔట్ కావడంతో, 9 వికెట్ల నష్టానికి 429 రన్స్ వద్ద శ్రీలంక తమ ఇన్నింగ్స్ను డిక్లేర్ చేసింది. అప్పటికి శ్రీలంక జట్టు 216 పరుగుల ఆధిక్యంలో ఉంది. ఆట ముగిసే టైమ్కు కేవలం 17 ఓవర్లు మాత్రమే మిగిలి ఉండటంతో.. రెండు జట్ల కెప్టెన్లు మ్యాచ్ను డ్రాగా ముగించడానికి ఒప్పుకున్నారు.
ఈ మ్యాచ్ ఓవరాల్ స్కోర్ల ల్యాండ్స్కేప్ కనుక ఒకసారి చూస్తే.. భారత్ తమ తొలి ఇన్నింగ్స్లో 503/9 కొట్టి కొండంత స్కోరుతో డిక్లేర్ చేయగా, శ్రీలంక తొలి ఇన్నింగ్స్లో 290 పరుగులకే చాపచుట్టేసింది. అలాగే ఇక సెకండ్ ఇన్నింగ్స్లో పట్టుదలతో ఆడిన లంక 429/9 స్కోరు వద్ద తెలివిగా డిక్లేర్ ఇచ్చి.. మ్యాచ్ను డ్రాగా ముగించగలిగింది.
Electric Auto : ఆటో డ్రైవర్లకు బంపర్ ఆఫర్..ఆటోవాలాలకు 2 సూపర్ ఆప్షన్లు ఇస్తూ జీవో జారీ
-
-
-
-
