Showman: ఆర్జీవీ షో మ్యాన్ మూవీ ..ఆన్-స్క్రీన్ కాదు ఆఫ్-స్క్రీన్ డ్రామానా?

Showman

సుమన్‌ను విలన్‌గా పెట్టి, తానూ ఒక పాత్రలో నటిస్తూ రామ్ గోపాల్ వర్మ సినిమా చేయబోతున్నాడనే వార్త హాట్ టాపిక్ ఆఫ్ తెలుగు ఇండస్ట్రీ అయిపోయింది. అయితే ఈ న్యూస్ ఫేక్ న్యూస్ అని రామ్ గోపాల్ వర్మ (R.G.V.) స్వయంగా ట్వీట్ చేయడంతో ఈ డ్రామాకు తెరపడింది.

నిజానికి, వర్మ ఎప్పుడూ తన నెక్స్ట్ ప్రాజెక్టుపై ఆసక్తి పెంచడానికి ఇలాంటి ట్రిక్స్ ప్లే చేస్తుంటారు. ఈసారి ఆయన ఆయుధంగా వాడుకున్నది ఆర్టిఫిషియల్ ఇంటెలిజెన్స్ (AI) అన్న టాక్ కూడా నడుస్తోంది.

సుమన్‌తో నేను నటిస్తున్నాననే వార్త పూర్తిగా నిరాధారం. ఎవరో టెక్నాలజీ (AI) సహాయంతో ఇలాంటి వార్తను, బహుశా మా కాంబినేషన్ పోస్టర్‌ను కూడా సృష్టించి ఉండొచ్చు. ఇది పూర్తిగా ఫేక్ న్యూస్ అంటూ వర్మ ట్వీట్ చేశారు.

అయితే, కొందరు సినీ విశ్లేషకులు, ఫ్యాన్స్ మాత్రం వర్మ ప్రకటనను నమ్మడం లేదు. ఎందుకంటే, వర్మ తన సినిమా ప్రకటనను నేరుగా ఇవ్వకుండా, ముందుగా మార్కెట్లో ఇలాంటి ‘హాట్ గాసిప్’ ను లీక్ చేసి, దాన్ని ఖండించడం ద్వారా ఫ్రీ పబ్లిసిటీ పొందడం ఆయనకు అలవాటు.

సుమన్ లాంటి సీనియర్ హీరోను విలన్‌గా చూపించాలనే ఆలోచన వర్మ లాంటి సంచలనం సృష్టించే దర్శకుడికి మాత్రమే వస్తుంది. కాబట్టి, వర్మ ఈ ప్రాజెక్ట్‌ను నిజంగానే ప్లాన్ చేసి, ఇప్పుడు కావాలనే ‘ఫేక్’ అని చెప్తున్నారని, సరైన సమయం చూసి మళ్లీ ‘ఇది నిజమే’ అని ప్రకటించే అవకాశం ఉందని చాలా మంది అభిప్రాయపడుతున్నారు.

ఎందుకంటే.. అదే రామ్ గోపాల్ వర్మ స్టైల్!..ప్రస్తుతం టాలీవుడ్‌లో ఒక సినిమా గురించి వేరే ప్రయత్నం లేకుండా లక్షల మంది మాట్లాడుకోవాలంటే, అది కేవలం వర్మతోనే సాధ్యం. కేవలం ఒక ఫేక్ న్యూస్‌ను ఖండించడం ద్వారా ఆయన తన రాబోయే ప్రాజెక్టుపై, లేదా సుమన్ లాంటి నటుడిపై అందరి దృష్టి పడేలా చేయగలిగారు. సుమన్‌ను విలన్‌(Showman)గా చూడాలనే ఆసక్తిని ప్రేక్షకులలో పెంచడంలో వర్మ పూర్తిగా సక్సెస్ అయ్యారు.

మొత్తంగా, ఈ మొత్తం ఎపిసోడ్ ఫేక్ న్యూస్ ద్వారా మొదలై, వర్మ ట్వీట్‌తో ముగిసినా, ఇది సినిమా రంగంలో ‘షో మ్యాన్(Showman)’ గా రామ్ గోపాల్ వర్మ బ్రాండింగ్‌ను మరోసారి నిరూపించింది. ఈ డ్రామా వెనుక నిజంగానే మూవీ ఉందా, లేదా అనేది తెలియాలంటే వర్మ నెక్స్ట్ ట్వీట్ వచ్చే వరకు వేచి చూడాల్సిందే.

Break for Akhanda: అఖండ 2కి చివరి నిమిషంలో బ్రేక్ ఎందుకు? రేపయినా సమస్య క్లియర్ అవుతుందా?