Ustad Bhagat Singh
ఈ రోజుల్లో ఏ సినిమాకు సంబంధించిన న్యూస్ అయినా ఆ సినిమా ఈవెంట్ వేదిక మీదే రివీల్ అవ్వాల్సిన అవసరం లేదు. యాక్టర్స్, టెక్నీషియన్స్, నిర్మాతలు… ఎవరైనా ఎప్పుడైనా సోషల్ మీడియా ద్వారా అప్‌డేట్‌లు ఇచ్చేస్తున్నారు. సరిగ్గా ఇదే పంథాలో పవర్‌స్టార్ పవన్ కళ్యాణ్ ఫ్యాన్స్‌కు వరుసగా అదిరిపోయే లీక్‌లు అందుతున్నాయి.
ఇటీవల, పవన్ నటించిన ‘ఓజీ’ (OG) సినిమా 50 రోజులు పూర్తి చేసుకున్న తర్వాత ఆ మేనియాకు ఫుల్‌స్టాప్ పడింది. దీంతో ఫ్యాన్స్ దృష్టి మొత్తం నెక్ట్స్ ప్రాజెక్ట్‌ అయిన ‘ఉస్తాద్ భగత్ సింగ్’ (Ustaad Bhagat Singh) పై పడింది. ఈ క్రమంలోనే, ఫ్యాన్స్ మనసు తెలిసిన దర్శకుడు హరీష్ శంకర్ కొద్ది రోజుల క్రితం ఒక కిరాక్ అప్‌డేట్‌ను ఇచ్చారు. ‘ఉస్తాద్ భగత్ సింగ్(Ustad Bhagat Singh)’ సాంగ్‌ను డిసెంబర్‌లో రిలీజ్ చేస్తామని చెప్పిన మాట నాన్‌స్టాప్‌గా వైరల్ అయింది.
హరీష్ శంకర్ అప్‌డేట్‌తో ఖుషీ అయిన ఫ్యాన్స్‌కు, ఇప్పుడు ఈ సినిమా నిర్మాత రవిశంకర్ మరింత సంచలనమైన లీక్‌ను ఇచ్చేశారు. ఈ భారీ చిత్రాన్ని 2026 ఏప్రిల్‌లో ప్రేక్షకుల ముందుకు తీసుకురావడానికి సన్నాహాలు చేస్తున్నామని ఆయన ప్రకటించారు. అంటే, ఫ్యాన్స్‌కు అదిరిపోయే సమ్మర్ ట్రీట్ కచ్చితంగా ఫిక్స్ అయినట్లే!
ఈ మాటల్లోనే, మేకర్స్ ఈ సినిమా సక్సెస్ మీద ఎంత కాన్ఫిడెంట్‌గా ఉన్నారన్నది అర్థమవుతోంది. హరీష్ శంకర్, పవన్ కళ్యాణ్ కాంబినేషన్ అంటేనే ఒక ప్రత్యేకమైన హైప్ ఉంటుంది, అలాంటిది ‘ఉస్తాద్ భగత్ సింగ్’ పై ఇంత ముందుగానే రిలీజ్ డేట్ ఇవ్వడం సినిమాపై ఉన్న నమ్మకాన్ని తెలియజేస్తుంది.
ఒకవైపు ‘ఓజీ’ మేనియాకు ఫుల్‌స్టాప్ పడగా, మరోవైపు 2026 సమ్మర్ నాటికి చేతిలో ఉన్న ‘ఉస్తాద్ భగత్ సింగ్(Ustad Bhagat Singh)’ కూడా కంప్లీట్ అయిపోతుంది. దీంతో పవర్‌స్టార్ ఫ్యాన్స్‌తో పాటు సాధారణ ప్రేక్షకుల్లోనూ పెద్ద ప్రశ్న మొదలైంది: ఆ తర్వాత పవర్‌స్టార్ ఏం చేస్తారు?
ఇంతలోపే కొత్త సినిమాను అనౌన్స్ చేస్తారా?లేక, ఆల్రెడీ ఉన్న కమిట్‌మెంట్స్‌ను మళ్లీ పట్టాలెక్కిస్తారా? రాజకీయాలతో పాటు సినిమాలకు ఎంత సమయం కేటాయించాలనే విషయంలో పవర్‌స్టార్ మనసులో ఏముంది? ఈ ప్రశ్నలకు సమాధానాలు దొరకనంత వరకు, ఆయన నెక్స్ట్ స్టెప్ ఏమిటనే క్యూరియాసిటీ జనాల్లో బలంగా కనిపిస్తోంది. పవన్ కళ్యాణ్ ఏ చిన్న అడుగు వేసినా అది ఇప్పుడు హాట్ టాపిక్‌గా మారుతుంది.
మరిన్ని ఎంటర్‌టైన్‌మెంట్ వార్తల కోసం ఇక్కడ క్లిక్ చేయండి
-
-
-
-
