Weight gain
మన శరీరంలో అంతర్గతంగా పనిచేసే 24 గంటల చక్రాన్ని జీవ గడియారం (Circadian Rhythm) అంటారు. ఇది నిద్ర-మేల్కొనే చక్రంతో పాటు, జీవక్రియలు (Metabolism), హార్మోన్ల విడుదల, శరీర ఉష్ణోగ్రతను కూడా నియంత్రిస్తుంది. ఈ జీవ గడియారం సక్రమంగా లేకపోతే, బరువు పెరగడం(Weight gain), జీర్ణ సమస్యలు , నిద్రలేమి (Insomnia) వంటి ఆరోగ్య సమస్యలు తలెత్తుతాయి.
జీవ గడియారం దెబ్బతినడానికి కారణాలు..
- క్రమరహిత నిద్ర.. ప్రతిరోజూ వేరు వేరు సమయాల్లో నిద్రపోవడం లేదా లేవడం.
- లేట్ నైట్ ఫుడ్.. నిద్రపోయే ముందు భారీగా ఆహారం తీసుకోవడం.
- బ్లూ లైట్.. రాత్రిపూట స్క్రీన్ల నుండి వచ్చే కాంతికి గురికావడం.
సరైన ట్రాక్‌లో ఉంచడానికి చిట్కాలు:
- నిద్ర స్థిరత్వం.. ప్రతిరోజూ ఒకే సమయానికి పడుకోవడానికి, నిద్ర లేవడానికి ప్రయత్నించాలి. వారాంతాల్లో కూడా ఈ సమయాన్ని అతిగా మార్చకూడదు.
- ఆహార సమయం.. భోజనాన్ని రోజులో ఒకే సమయానికి తీసుకోవాలి. ముఖ్యంగా నిద్రపోయే సమయానికి కనీసం 2-3 గంటల ముందు ఆహారం తీసుకోవడం పూర్తి చేయాలి. రాత్రిపూట భారీ భోజనం జీవ గడియారాన్ని దెబ్బతీస్తుంది.
- సూర్యరశ్మికి గురికావడం.. ఉదయం లేవగానే కొద్దిసేపు సూర్యరశ్మిని చూడటం వలన మెదడుకు ‘పగలు’ అనే సంకేతం అంది, గడియారం సరిగ్గా రీసెట్ అవుతుంది.
- జీవ గడియారాన్ని సరిగ్గా నిర్వహించడం వల్ల బరువు తగ్గడం, మానసిక ఆరోగ్యం మెరుగుపడటం , శక్తి స్థాయిలు స్థిరంగా ఉండటం వంటి ప్రయోజనాలు లభిస్తాయి.
