New Labor Codes: కొత్త లేబర్ కోడ్‌ల గందరగోళం.. జీతం తగ్గుతుందా,తగ్గదా?

New Labor Codes

కేంద్ర ప్రభుత్వం తీసుకురానున్న కొత్త లేబర్ కోడ్‌ల (New Labor Codes) అమలు వార్త బయటకు వచ్చినప్పటి నుంచి దేశంలోని వేతన జీవులందరిలో ఒకటే ప్రశ్న నెలకొంది. తమ టేక్-హోమ్ సాలరీ (Take-Home Salary) తగ్గుతుందా? ఈ మార్పులు పీఎఫ్ (PF) లెక్కలను, బేసిక్ పే (Basic Pay) నిర్మాణాన్ని ప్రభావితం చేస్తాయనే గందరగోళానికి కేంద్ర ప్రభుత్వం తాజాగా స్పష్టత ఇచ్చింది.

పీఎఫ్ సీలింగ్ యథాతథం- వేతన కోత ఉండదు.. ఉద్యోగులలో నెలకొన్న ప్రధాన ఆందోళన టేక్-హోమ్ జీతం తగ్గడం. దీనిపై కేంద్రం స్పష్టంగా ప్రకటించింది.

రూ. 15,000 సీలింగ్.. పీఎఫ్ లెక్కల కోసం ఇప్పటివరకు అమల్లో ఉన్న రూ. 15,000 శాట్యుటరీ వేజ్ సీలింగ్ (Statutory Wage Ceiling) పైనే కొనసాగుతుంది. కొత్త లేబర్ కోడ్స్ అమల్లోకి వచ్చినా ఈ నియమంలో మార్పు జరగలేదు.

పీఎఫ్ చెల్లింపు పరిమితి.. ఈ పరిమితి ప్రకారం, ఉద్యోగి,యజమాని ఇద్దరూ గరిష్టంగా 12 శాతం చొప్పున రూ. 1,800 మాత్రమే పీఎఫ్‌కు చెల్లించాలి.

కేంద్రం క్లారిటీ.. ఉద్యోగి స్వచ్ఛందంగా అధిక పీఎఫ్ డిడక్షన్ ఎంచుకోనంత వరకు, పీఎఫ్ లెక్కించే బేస్ అమౌంట్ రూ. 15,000 మార్చకపోవడంతో, నెలవారీ చేతికి వచ్చే జీతంలో ఎటువంటి కోత ఉండదు.

వేతన నిర్మాణం ఎందుకు మారింది?

కొత్త లేబర్ కోడ్‌లలో చేసిన ముఖ్యమైన మార్పులలో ఒకటి వేతన నిర్మాణాన్ని క్రమబద్ధీకరించడం. దీని ప్రధాన లక్ష్యం వేతనాలలో పారదర్శకత పెంచడం మరియు ఉద్యోగి భవిష్యత్తు భద్రతను మెరుగుపరచడం.

50% నియమం.. కొత్త కోడ్‌ల ప్రకారం, ఉద్యోగి యొక్క బేసిక్ పే (Basic Pay) , డీఏ (DA) కలిపి మొత్తం జీతంలో కనీసం 50 శాతం ఉండేలా వేతన నిర్మాణం రూపొందించబడాలి.

అలవెన్సుల నియంత్రణ.. చాలా సంస్థలు గతంలో అలవెన్సులు (HRA, Travel, Performance Bonus) అధికంగా చూపించి, బేసిక్ పేను తక్కువగా చూపించేవి. దీనివల్ల పీఎఫ్, గ్రాట్యుటీ (Gratuity) వంటి భవిష్యత్ ప్రయోజనాల లెక్కింపు తగ్గిపోయేది. ఈ విధానాన్ని అరికట్టడానికే కేంద్రం ఈ కొత్త నియమాన్ని తీసుకొచ్చింది.

ఉదాహరణకు ఒక ఉద్యోగి మొత్తం జీతం రూ. 60,000 అనుకుందాం. కొత్త కోడ్ ప్రకారం బేసిక్ పే + డీఏ కనీసం రూ. 30,000 ఉండాలి.

ఒకవేళ కంపెనీ బేసిక్ పే + డీఏ రూ. 20,000 మాత్రమే చూపి, అలవెన్సులు రూ. 40,000 చూపిస్తే, కొత్త నియమం ప్రకారం అదనంగా ఉన్న రూ. 10,000 (40,000 – 30,000) ను బేసిక్ పేలో కలపాల్సి ఉంటుంది. అప్పుడు పీఎఫ్ లెక్కల కోసం అర్హమైన వేతనం రూ. 30,000 అవుతుంది.

వేతన (New Labor Codes)నిర్మాణం మారినా, పీఎఫ్ మాత్రం రూ. 15,000 సీలింగ్‌పై మాత్రమే లెక్కిస్తారు కాబట్టి నెల జీతం తగ్గదు. అయితే, ఈ మార్పుల వల్ల బేసిక్ పే పెరుగుతుంది. బేసిక్ పే పెరగడం వల్ల ఉద్యోగి యొక్క గ్రాట్యుటీ (Gratuity), టెర్మినేషన్ బెనిఫిట్స్ (Termination Benefits), లీవ్ ఎన్‌క్యాష్‌మెంట్ (Leave Encashment) వంటి దీర్ఘకాలిక ప్రయోజనాలు పెరుగుతాయి.

మొత్తంగా, కొత్త లేబర్ కోడ్స్ ఉద్యోగుల (New Labor Codes)భవిష్యత్తు ఆర్థిక భద్రతను మెరుగుపరచడానికి రూపొందించబడ్డాయి. ఉద్యోగి స్వయంగా నిర్ణయించుకుంటే తప్ప, నెలవారీ టేక్-హోమ్ సాలరీ తగ్గకుండా, పీఎఫ్ సీలింగ్ రక్షణగా ఉంటుందని కేంద్రం స్పష్టత ఇచ్చింది.

మరిన్ని తాజా వార్తల కోసం ఇక్కడ క్లిక్ చేయండి