PAN card: మైనర్లకు పాన్ కార్డ్ ఎందుకు అవసరం? ఎలా అప్లై చేయాలి?

PAN card

సాధారణంగా పాన్ కార్డు (PAN card)అంటే పద్దవారికి, ఆర్థిక లావాదేవీలు నిర్వహించే వారికి మాత్రమే అవసరమనుకుంటారు. కానీ, ఇప్పుడు చిన్నారులకు కూడా పాన్ కార్డు తప్పనిసరి అవుతోంది. ఆదాయపు పన్ను శాఖ (Income Tax Department) కూడా మైనర్లకు పాన్ కార్డు తీసుకోవడం గురించి అవగాహన కల్పిస్తోంది. చిన్నతనంలోనే ఆర్థిక క్రమశిక్షణ, లావాదేవీలపై అవగాహన కల్పించడానికి, అలాగే వారి పేరు మీద పెట్టుబడులు పెట్టడానికి ఇది ఒక ముఖ్యమైన కార్డుగా పనిచేస్తుంది.

మైనర్లకు పాన్ కార్డు (PAN card)ఎందుకు అవసరం అంటే..పాన్ కార్డు కేవలం ఆదాయపు పన్ను రిటర్నులు దాఖలు చేయడానికి మాత్రమే కాదు, అనేక ఇతర ఆర్థిక కార్యకలాపాలకు కూడా ఉపయోగపడుతుంది.

మైనర్లకు పాన్ కార్డు (PAN card)తీసుకోవడం వెనుక ప్రధాన కారణాలు :

నిర్వహణ (Investment Management).. తల్లిదండ్రులు తమ పిల్లల పేరుపై ఫిక్స్‌డ్ డిపాజిట్లు (Fixed Deposits – FD), రికరింగ్ డిపాజిట్లు (Recurring Deposits – RD), మ్యూచువల్ ఫండ్స్ (Mutual Funds) లో సిప్ (Systematic Investment Plan – SIP) వంటి దీర్ఘకాలిక పెట్టుబడులు పెట్టడానికి పాన్ కార్డు అవసరం. దీనివల్ల ఆ పెట్టుబడులపై వచ్చే రాబడిని మైనర్ పేరుపై చట్టబద్ధంగా చూపొచ్చు.

18 ఏళ్ల లోపు పిల్లలకు బ్యాంక్ అకౌంట్ తెరవడానికి (జనరల్ లేదా సేవింగ్స్ అకౌంట్ అయినా సరే), ఆ ఖాతా ద్వారా పెద్ద మొత్తంలో లావాదేవీలు (పెద్ద మొత్తంలో నగదు డిపాజిట్లు లేదా విత్‌డ్రాలు) నిర్వహించడానికి పాన్ కార్డు తప్పనిసరి.

పిల్లలకు ఏదైనా ట్రస్ట్ (Trust) లేదా పెట్టుబడి ద్వారా ఆదాయం వస్తున్నప్పుడు, లేదా వారు బాల కళాకారులుగా (Child Artists), క్రీడాకారులుగా ఆదాయం (Income) పొందుతున్నప్పుడు, ఆ ఆదాయాన్ని చట్టబద్ధంగా చూపడానికి పాన్ కార్డు అవసరం.

మైనర్ పేరుపై చేసే ఆర్థిక వ్యవహారాల్లో (ఉదాహరణకు బీమా పాలసీలు) నామినేషన్ ప్రక్రియ సులభతరం అవుతుంది.చిన్న వయస్సులోనే ఆర్థిక వ్యవస్థ, లావాదేవీల గురించి అవగాహన కల్పించడానికి ఇది ఒక మొదటి అడుగు.

మైనర్లకు పాన్ కార్డు ఎలా తీసుకోవాలంటే..మైనర్లు (18 సంవత్సరాల లోపు వారు) నేరుగా పాన్ కార్డు కోసం దరఖాస్తు చేయడానికి అర్హులు కాదు. వారికి బదులుగా వారి తల్లిదండ్రులు (Parents) లేదా సంరక్షకులు (Guardians) ప్రతినిధి అసెస్సీ (Representative Assessee) హోదాలో దరఖాస్తు చేయాలి.

పాన్ కార్డు (PAN card)కోసం ఆన్‌లైన్ (Online) లేదా ఆఫ్‌లైన్ (Offline) విధానంలో దరఖాస్తు చేయవచ్చు. ఆన్‌లైన్‌లో దరఖాస్తు చేయడానికి, ఆదాయపు పన్ను శాఖ అధీకృత వెబ్‌సైట్లు అయిన ఎన్‌ఎస్‌డిఎల్ (NSDL) లేదా యుటిఐఐటిఎస్‌ఎల్ (UTIITSL) పోర్టల్స్‌ను ఉపయోగించాలి.

ఫారం 49ఏ నింపి, అందులో మైనర్ వివరాలు, అలాగే మైనర్‌కు ప్రతినిధిగా దరఖాస్తు చేస్తున్న తల్లిదండ్రులు/సంరక్షకుల వివరాలను అందించాలి. విదేశాల్లో ఉన్న చిన్నారులకు కూడా ఇదే ప్రక్రియ ద్వారా దరఖాస్తు చేసుకోవచ్చు. దరఖాస్తుతో పాటు అవసరమైన పత్రాలను సమర్పించాలి.

మైనర్ చిరునామా, గుర్తింపు (Address & ID Proof)కోసం మైనర్ జనన ధృవీకరణ పత్రం (Birth Certificate) లేదా ఆధార్ కార్డు కావాలి.

తల్లిదండ్రులు/సంరక్షకుల గుర్తింపు కోసం దరఖాస్తు చేస్తున్న ప్రతినిధి పాన్ కార్డు, చిరునామా మరియు ఫోటో గుర్తింపు పత్రాలు ఉండాలి.

ఆన్‌లైన్‌లో దరఖాస్తు ఫారం నింపిన తర్వాత, దాని ప్రింటవుట్ తీసుకుని, అవసరమైన డాక్యుమెంట్లు జత చేసి, నిర్దిష్ట పాన్ కార్డు కార్యాలయానికి పోస్ట్ (Post) ద్వారా పంపించాలి లేదా నేరుగా సమర్పించాలి.

మైనర్‌కు జారీ చేయబడిన పాన్ కార్డుపై సాధారణంగా చిన్నారి ఫోటో (Minor’s Photo) , సంతకం (Signature) ఉండవు. ఆ ప్లేసులో ‘మైనర్’ అని ఉంటుంది.

మైనర్‌కు 18 ఏళ్లు నిండిన తర్వాత, వారు తమ పాన్ కార్డులో తమ ఫోటో, సంతకం, ఇతర వివరాలను అప్‌డేట్ చేసుకోవడానికి (మార్చుకోవడానికి) దరఖాస్తు చేసుకోవాలి. ఇది ఆన్‌లైన్ విధానంలో చేసుకోవచ్చు.

మరిన్ని నేషనల్ న్యూస్అప్ డేట్ కోసం ఇక్కడ క్లిక్ చేయండి