Tirumala Darshan : శ్రీవారి భక్తులకు గుడ్ న్యూస్.. తిరుమల దర్శనం టికెట్ల విడుదల తేదీలివే

Tirumala Darshan

2026 ఫిబ్రవరి నెలకు సంబంధించిన తిరుమల శ్రీవారి దర్శన(Tirumala Darshan )టికెట్ల విడుదల షెడ్యూల్‌ను తిరుమల తిరుపతి దేవస్థానం ప్రకటించింది. భక్తులు ఆయా తేదీలలో టికెట్లను బుక్ చేసుకోవచ్చు.
ఆర్జిత సేవలు , ఎలక్ట్రానిక్ డిప్ నవంబర్ 18న ఉదయం 10:00 గంటలకు సుప్రభాతం, తోమాల, అర్చన,అష్టదళ పాదపద్మారాధన వంటి ముఖ్యమైన ఆర్జిత సేవల కోటాను టీటీడీ ఆన్‌లైన్‌లో విడుదల చేసింది.

ఎలక్ట్రానిక్ డిప్ కోసం దరఖాస్తు.. ఈ సేవా టికెట్ల కోసం నవంబర్ 20వ తేదీ ఉదయం 10 గంటల వరకు భక్తులు ఆన్‌లైన్‌లో ఎలక్ట్రానిక్ డిప్ ద్వారా తమ పేర్లను నమోదు చేసుకోవచ్చు. ఎంపికైన భక్తులు నవంబర్ 22వ తేదీ మధ్యాహ్నం 12 గంటలలోపు డబ్బు చెల్లించి టికెట్లను ఖరారు చేసుకోవాలి.

ఇతర సేవలు , ప్రత్యేక దర్శనాలు(Tirumala Darshan )..

• నవంబర్ 21న ఉదయం 10:00 గంటలకు: కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవ , శ్రీవారి సాలకట్ల తెప్పోత్సవం టికెట్లను టీటీడీ ఆన్‌లైన్‌లో విడుదల చేస్తుంది.
• అదే రోజు మధ్యాహ్నం 3:00 గంటలకు: వర్చువల్ సేవల కోటాతో పాటు వాటి దర్శన స్లాట్‌లను టీటీడీ విడుదల చేయనుంది.
• నవంబర్ 24న ఉదయం 10:00 గంటలకు: అంగ ప్రదక్షిణ టోకెన్ల కోటాను విడుదల చేయనున్నారు.
• నవంబర్ 24న ఉదయం 11:00 గంటలకు: శ్రీవాణి దర్శన కోటాను విడుదల చేయనున్నారు.
• నవంబర్ 24న మధ్యాహ్నం 3:00 గంటలకు: వయోవృద్ధులు, దివ్యాంగులు మరియు దీర్ఘకాలిక వ్యాధులు ఉన్నవారి కోసం ఉచిత ప్రత్యేక దర్శనం టోకెన్ల కోటాను విడుదల చేస్తారు.

  

• నవంబర్ 25న ఉదయం 10:00 గంటలకు: అత్యధికంగా డిమాండ్ ఉండే ప్రత్యేక ప్రవేశ దర్శన (రూ.300) టికెట్ల కోటాను ఆన్‌లైన్‌లో టీటీడీ విడుదల చేయనుంది.
• గదుల కోటానవంబర్ 25న మధ్యాహ్నం 3:00 గంటలకు… తిరుమల మరియు తిరుపతిలలో భక్తుల వసతి కోసం గదుల కోటాను టీటీడీ ఆన్‌లైన్‌లో విడుదల చేయనుంది.

భక్తులు అధికారిక వెబ్‌సైట్ (https://ttdevasthanams.ap.gov.in) మాత్రమే ఉపయోగించి, పై తేదీలను అనుసరించి తమ టికెట్లను బుక్ చేసుకోవాలని టీటీడీ సూచిస్తోంది.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి.