DY Patil Stadium: డీవై పాటిల్ స్టేడియంలో రొమాంటిక్ దృశ్యం ..ప్రపంచకప్ గెలిచిన చోటే సర్‌ప్రైజ్ ప్రపోజల్

DY Patil Stadium

భారత మహిళా క్రికెట్ జట్టు స్టార్ ఓపెనర్ స్మృతి మంధాన త్వరలోనే వైవాహిక జీవితంలోకి అడుగుపెట్టబోతున్నారన్న విషయం తెలిసిందే. ఆమె ప్రముఖ మ్యూజిక్ కంపోజర్, సింగర్ అయిన పలాష్ ముచ్చల్‌తో ఏడడుగులు వేయబోతున్నారు. వీరి వివాహం నవంబర్ 23న జరగనుండగా, ఇప్పటికే పెళ్లి ఏర్పాట్లు మొదలైనట్లు తెలుస్తోంది. ఈ శుభ సందర్భానికి ముందు, పలాష్ ముచ్చల్ తన కాబోయే భార్య స్మృతికి ఒక అద్భుతమైన, మధురమైన సర్‌ప్రైజ్ ప్రపోజల్‌ను ఇచ్చి వార్తల్లో నిలిచారు.

క్రికెట్ మైదానం(DY Patil Stadium )లో మధుర జ్ఞాపకం.. పలాష్ ముచ్చల్ తన ప్రేమను వ్యక్తం చేయడానికి ఎంచుకున్న ప్రదేశం అత్యంత ప్రత్యేకమైనది , స్మృతి మంధానకు జీవితంలో మరువలేని జ్ఞాపకాలను ఇచ్చింది.

ఇటీవలే భారత మహిళా క్రికెట్ జట్టు దక్షిణాఫ్రికాతో జరిగిన ఫైనల్ మ్యాచ్‌లో విజయం సాధించి, వన్డే ప్రపంచకప్‌ను కైవసం చేసుకుంది. ఈ చారిత్రక మ్యాచ్‌కు నవీ ముంబైలోని డీవై పాటిల్ స్టేడియం(DY Patil Stadium) ఆతిథ్యం ఇచ్చింది. స్మృతి మంధాన కెరీర్‌లో అత్యంత మధురమైన జ్ఞాపకాన్ని ఇచ్చిన ఈ విజయ మైదానంలోనే పలాష్ ఆమెకు ప్రపోజ్ చేశారు.

 

View this post on Instagram

 

A post shared by Palaash Muchhal (@palash_muchhal)

దీనికి సంబంధించిన వీడియోను పలాష్ ముచ్చల్ స్వయంగా సోషల్ మీడియాలో పోస్ట్ చేశారు, “ఆమె అంగీకరించింది” (She said yes) అంటూ క్యాప్షన్ ఇచ్చారు. వీడియోలో మొదటగా, పలాష్ స్మృతి మంధాన కళ్లకు గంతలు కట్టి, ఆమెను డీవై పాటిల్ స్టేడియం పిచ్ (Pitch-DY Patil Stadium) వద్దకు తీసుకువచ్చారు. గంతలు తీయగానే, ఆమె ముందు మోకాలిపై కూర్చొని తన ప్రేమను వ్యక్తం చేశారు. తర్వాత మంధాన అతడిని ఆలింగనం చేసుకోగా, ఇద్దరూ ఉంగరాలు మార్చుకున్నారు. ఆ తర్వాత వారి స్నేహితులు కూడా మైదానంలోకి వచ్చి ఆనందంలో పాలుపంచుకున్నారు.

స్మృతి మంధాన (28 సంవత్సరాలు) భారత మహిళా క్రికెట్‌లో అత్యంత ప్రతిభావంతులైన బ్యాటర్‌లలో ఒకరు. తన అద్భుతమైన ఆటతీరుతో ‘లేడీ కోహ్లీ’గా పేరు తెచ్చుకున్న ఆమె, ఐసీసీ అవార్డులను కూడా గెలుచుకున్నారు.

పలాష్ ముచ్చల్ (29 సంవత్సరాలు) బాలీవుడ్‌లో ప్రసిద్ధి చెందిన మ్యూజిక్ కంపోజర్, సింగర్. ఆయన సోదరి పాలక్ ముచ్చల్ కూడా బాలీవుడ్‌లో ప్రముఖ గాయని. పలాష్ చాలా చిన్న వయసులోనే సినీ పరిశ్రమలోకి అడుగుపెట్టి, తన సంగీత ప్రతిభతో గుర్తింపు పొందారు.

స్మృతి మంధాన ,పలాష్ ముచ్చల్ గత కొంతకాలంగా ప్రేమలో ఉన్నట్లు తెలుస్తోంది. వారు తరచుగా కలిసి బహిరంగ కార్యక్రమాలకు హాజరయ్యారు. సోషల్ మీడియాలో ఒకరి పోస్ట్‌లపై మరొకరు స్పందిస్తూ వచ్చారు. ఈ పరిచయం , ప్రపోజల్ విధానం బట్టి చూస్తే, ఇది కచ్చితంగా పెద్దలు ఏర్పాటు చేసిన అరేంజ్డ్ మ్యారేజ్ కాకుండా, వారిద్దరి మధ్య ఉన్న ప్రేమ బంధం ఫలితంగా ఏర్పడిన లవ్ మ్యారేజ్ అన్న కామెంట్లు వినిపిస్తున్నాయి.

మరిన్ని తాజా వార్తల కోసం ఇక్కడ క్లిక్ చేయండి