Danam Nagender: త్వరలో దానం రాజీనామా? కాంగ్రెస్ అధిష్టానంతో కీలక భేటీ

Danam Nagender

తెలంగాణ రాజకీయాల్లో మరో కీలక పరిణామానికి సమయం దగ్గర పడింది. పార్టీ ఫిరాయింపులకు పాల్పడని ఎమ్మెల్యేల భవిష్యత్తు త్వరలోనే తేలిపోనుంది. అనర్హత వేటు వేయాలని ఎప్పటి నుంచో విపక్ష బీఆర్ఎస్ కోరుతుండగా తెలంగాణ అసెంబ్లీ స్పీకర్ దాటవేస్తూ వచ్చాడు. చివరికి బీఆర్ఎస్ సుప్రీంను ఆశ్రయించడంతో కీలక ఆదేశాలు వచ్చాయి. వీలైనంత త్వరగా చర్యలు తీసుకోవాలని స్పీకర్ ను అత్యున్నత న్యాయస్థానం ఆదేశించింది. ఈ నేపథ్యంలో స్పీకర్ అనర్హత వేటు వేయకముందే ఖైరతాబాద్ ఎమ్మెల్యే దానం నాగేందర్(Danam Nagender) రాజీనామా చేసేందుకు సిద్ధమవుతున్నారు.

రాజీనామా చేసినా , స్పీకర్ అనర్హత వేటు వేసినా ఉపఎన్నికలు రావడం ఖాయమే. అయితే మిగిలిన ఎమ్మెల్యేలతో పోలిస్తే దానం (Danam Nagender)ప్రత్యేకంగా హైలైట్ అవడానికి కారణం ఎంపీగా పోటీ చేయడమే. ఎన్నికల్లో బీఆర్ఎస్ తరపున గెలిచి , తర్వాత కాంగ్రెస్ లో చేరి సికింద్రాబాద్ ఎంపీగానూ తన అదృష్టాన్ని పరీక్షించుకున్నారు. ఎంపీగా ఓడిపోవడంతో ఖైరతాబాద్ ఎమ్మెల్యేగా కొనసాగుతున్నారు.

సుప్రీంకోర్టు తాజా ఆదేశాల నేపథ్యంలో ఇప్పటికే స్పీకర్ ఫిరాయింపు ఎమ్మెల్యేలందరికీ నోటీసులు జారీ చేశారు. ఏ పార్టీలో ఉన్నారో, అధికార పార్టీలో చేరారా లేదా వంటి అంశాలకు వివరణ ఇవ్వాలని ఆదేశించారు. దీంతో ఈ వివరణ ఇవ్వడం కంటే ముందే రాజీనామా చేయడం మంచిదని దానం (Danam Nagender)భావిస్తున్నారు. ఎమ్మెల్యే పదవికి రాజీనామా చేసి…ఉప ఎన్నికలకు వెళ్లాలని నిర్ణయించినట్లు సమాచారం.

ఇదే విషయాన్ని కాంగ్రెస్ హైకమాండ్ కు వెల్లడించారు. హుటాహుటిన ఢిల్లీ వెళ్ళిన దానం రాజీనామా చేసిన తర్వాత ఖైరతాబాద్ టికెట్ తనకే వచ్చేలా పావులు కదుపుతున్నారు. టికెట్ పై హామీ లభిస్తే వెంటనే పదవికి రాజీనామా చేసి కాంగ్రెస్ లో చేరనున్నారు. దానం నాగేందర్‌ పాటు మరికొందరు ఫిరాయింపు ఎమ్మెల్యేలు కూడా ఇదే ప్లాన్ అమలు చేయాలని భావిస్తున్నారు.

కడియం శ్రీహారి, బండ్ల కృష్ణమోహన్ రెడ్డి, డాక్టర్​ సంజయ్, ప్రకాశ్​ గౌడ్ పోచారం శ్రీనివాస్​ రెడ్డి, అరికెపూడి గాంధీ , తెల్లం వెంకట్రావు, గూడెం మహిపాల్​ రెడ్డి , కాలే యాదయ్య, …బీఆర్​ఎస్​ తరపున గెలిచారు. 2023లో కాంగ్రెస్‌ పార్టీ అధికారంలోకి రావడంతో…ఆ పార్టీ కండువా కప్పుకున్నారు. కాగా స్పీకర్‌ గడ్డం ప్రసాద్‌ కుమార్‌ ఇచ్చిన నోటీసులకు 8 మంది ఎమ్మెల్యేలు సమాధానం ఇచ్చారు. స్టేషన్‌ ఘన్‌పూర్‌ ఎమ్మెల్యే కడియం శ్రీహరి, ఖైరతాబాద్‌ ఎమ్మెల్యే దానం నాగేందర్‌ (Danam Nagender)మాత్రం స్పీకర్‌ నోటీసులకు ఎలాంటి రిప్లై ఇవ్వలేదు.

మరిన్ని పొలిటికల్ వార్తల కోసం ఇక్కడ క్లిక్ చేయండి