Jewelry :ఆభరణాల నుంచి ఆర్థిక ఆస్తికి భారత బంగారం ..మార్కెట్ ధరలను నిర్ణయించే శక్తిగా పయనం
Jewelry :మనం ప్రపంచంలోనే అత్యధికంగా పసిడిని దిగుమతి చేసుకునే దేశంగా ఉన్నాం. మన దేశీయ అవసరాల కోసం ఎక్కువగా విదేశాలపై ఆధారపడుతున్నాం.
Jewelry
ప్రపంచంలోనే అత్యధికంగా బంగారాన్ని (Jewelry)దిగుమతి చేసుకునే దేశంగా భారత్ కొనసాగుతోంది. దేశీయంగా తయారీ, మైనింగ్ లేకపోవడం వల్ల దాదాపు 98% డిమాండ్‌ను దిగుమతుల ద్వారానే తీర్చుకోవాల్సి వస్తోంది. ఈ భారీ దిగుమతుల వలన డాలర్‌పై ఒత్తిడి పెరిగి, రూపాయి విలువ క్షీణిస్తుంది.
ప్రపంచ బంగారం మార్కెట్‌లో ధరలను నిర్ణయించే శక్తిగా భారతదేశం మారడానికి సిద్ధంగా ఉందని పరిశ్రమ వర్గాలు వెల్లడించాయి. ఈ మార్పు కేవలం ఆర్థికంగానే కాకుండా, దేశీయ మైనింగ్, ఉపాధి ,పెట్టుబడుల రంగాల్లో కూడా విప్లవాత్మకమైన ప్రభావం చూపనుంది.
ప్రస్తుతం, మనం ప్రపంచంలోనే అత్యధికంగా పసిడిని దిగుమతి చేసుకునే దేశంగా ఉన్నాం. మన దేశీయ అవసరాల కోసం ఎక్కువగా విదేశాలపై ఆధారపడుతున్నాం.
దేశీయ డిమాండ్.. రాబోయే దశాబ్ద కాలంలో దేశీయ మైనింగ్ ద్వారా వచ్చే బంగారం దేశీయ డిమాండ్‌లో దాదాపు 20 శాతం వరకు ఉంటుందని పరిశ్రమ వర్గాలు స్పష్టం చేశాయి.
వికసిత్ భారత్ 2047.. భారత చాంబర్ ఆఫ్ కామర్స్ (CCI) నిర్వహించిన రత్నాభరణాల సమావేశంలో వరల్డ్ గోల్డ్ కౌన్సిల్ (WGC) ఇండియా రీజనల్‌ సీఈఓ సచిన్ జైన్ మాట్లాడుతూ, దేశం వికసిత్ భారత్-2047 లక్ష్యాలను సాధించడంలో ఈ మైనింగ్ రంగం కీలకపాత్ర పోషిస్తుందని తెలిపారు.
మైనింగ్ పెరగడం వల్ల భారతీయ బంగారానికి ప్రత్యేక గుర్తింపు లభిస్తుందని, తద్వారా ఉపాధి మరియు పెట్టుబడులు పెరుగుతాయని సచిన్ జైన్ పేర్కొన్నారు.
ధర నిర్ణేతగా మారడానికి అడ్డంకులు , పరిష్కారం..
ప్రస్తుత ధర నిర్ణేత.. ప్రస్తుతం లండన్ బులియన్ మార్కెట్ బంగారం ధరలను నిర్ణయిస్తున్నది.
భారత్‌కు అడ్డంకులు.. మన వద్ద ఎక్కువ సంఖ్యలో గనులు లేకపోవడం, మరియు పటిష్టమైన గోల్డ్ బ్యాంకింగ్ వ్యవస్థ లేకపోవడం మూలంగా భారత్ ఇప్పటివరకు ధరలపై నిర్ణయాధికారాన్ని పొందలేదు.
భారతీయ రిజర్వ్ బ్యాంక్ (RBI) , బ్యాంకింగ్ వ్యవస్థలో జరుగుతున్న కీలక మార్పుల ద్వారా పసిడి ధరలను నిర్ణయించే అధికారం భారత్‌కు దక్కనుంది.
ఈ కొత్త వ్యవస్థ పారదర్శకత, బాధ్యతను మాత్రమే కాకుండా, పూర్తి పసిడి వ్యవస్థకు ఆధారం అవుతుందని జైన్ చెప్పారు.
ప్రపంచ ఆభరణాల(Jewelry) కేంద్రంగా భారత్.. భారత్ ఇప్పటికే ఆభరణాల (Jewelry)తయారీలో ప్రపంచ ప్రఖ్యాతి గాంచింది. మరో రెండు మూడేళ్లలో భారతదేశం ప్రపంచ ఆభరణాల తయారీకి మరియు వాణిజ్యానికి ప్రధాన కేంద్రంగా నిలుస్తుందని సచిన్ జైన్ ధీమా వ్యక్తం చేశారు.
బంగారం దిగుమతులపై ఆధారపడటాన్ని తగ్గించడం, దేశీయ మైనింగ్‌ను ప్రోత్సహించడం, RBI ఆధ్వర్యంలో బలమైన బులియన్ బ్యాంకింగ్ వ్యవస్థను ఏర్పాటు చేయడం ద్వారా భారతదేశం కేవలం వినియోగదారుగా కాకుండా, ప్రపంచ ధరలను శాసించే శక్తిగా ఎదగడానికి సిద్ధంగా ఉంది.
మరిన్ని బిజినెస్ న్యూస్ కోసం ఇక్కడ క్లిక్ చేయండి
