ibomma Ravi: ఐబొమ్మ రవి నోటి వెంట సంచలన విషయాలు ..ఇంతకీ ఆ ప్రహ్లాద్ ఎవరు?

ibomma Ravi

తెలుగు రాష్ట్రాల్లో సినీ పరిశ్రమకు భారీ నష్టం కలిగించిన పైరసీ రాకెట్‌ iBomma ప్రధాన సూత్రధారి రవి (iBomma Ravi) కేసులో సైబర్ క్రైమ్ పోలీసుల విచారణ కీలక దశకు చేరుకుంది. రెండో విడత కస్టడీ పూర్తయ్యే సమయానికి రవి నుంచి అధికారులు అనేక సంచలన వివరాలను రాబట్టగలిగారు. ఓటీటీ ప్లాట్‌ఫామ్‌లలో విడుదలైన సినిమాలను రికార్డ్ చేయడం దగ్గర నుంచి, అంతర్జాతీయ ఔట్‌సోర్సింగ్ పద్ధతులు, రహస్య క్వాలిటీ అప్‌గ్రేడేషన్ వరకు అతడు అనుసరించిన అధునాతన పైరసీ ఆపరేషన్లను రవి పోలీసులకు వివరించాడు. కస్టడీ ముగియడంతో అతడిని తిరిగి నాంపల్లి కోర్టుకు తరలించారు.

ఐబొమ్మ (ibomma Ravi)ఆపరేషన్ల గురించి పోలీస్ కస్టడీలో ఐబొమ్మ రవి అంగీకరించిన ప్రధాన అంశాలు:

ఓటీటీ రికార్డింగ్ అంగీకారం..రవి (ibomma Ravi)ఓటీటీలో (OTT) విడుదలయ్యే ప్రతి సినిమాను తాను రికార్డింగ్ చేసినట్లు అంగీకరించాడు.

నాణ్యత (Quality) మెరుగుదలకు విదేశీ సహకారం.. రికార్డింగ్ చేసిన ఆడియోలు, వీడియోల నాణ్యతను మరింత పెంచడానికి, వాటిని అప్‌గ్రేడ్ చేయడానికి అతడు కరేబియన్ దీవుల్లోని ఔట్‌సోర్సింగ్ (Outsourcing) సిబ్బందితో ఒప్పందం కుదుర్చుకున్నట్లు వెల్లడించాడు.

iBomma పూర్తి పేరు.. ఈ వెబ్‌సైట్ పూర్తి పేరు ‘ఇంటర్నల్ బొమ్మ’ అని రవి పోలీసులకు తెలిపాడు.

టెలిగ్రామ్ లింకు.. అప్‌లోడ్ చేసిన సినిమాలన్నీ ప్రధానంగా టెలిగ్రామ్ (Telegram) వంటి ఆన్‌లైన్ సోర్స్‌ల నుంచి సేకరించినట్లు రవి పేర్కొన్నాడు.

వెబ్‌సైట్లలో గుర్తింపు.. సైబర్ క్రైమ్ పోలీసులు రవి ఈమెయిల్ అకౌంట్స్‌ను రిట్రైవ్ చేయగా, ఐబొమ్మ, బప్పం వెబ్‌సైట్‌లలో 21,000 కు పైగా సినిమాలు ఉన్నట్లు గుర్తించారు. ఈ డేటా పైరసీ వెబ్‌సైట్స్ నుంచే రికార్డ్ చేయబడినట్లు నిర్ధారించారు.

రవి(ibomma Ravi) ఉపయోగించిన సాంకేతిక విధానాలు ఈ పైరసీ రాకెట్ వెనుక ఉన్న అధునాతన వ్యవస్థను (Advanced Mechanism) బట్టబయలు చేశాయి.

IP మాస్కింగ్, డార్క్ రౌటింగ్.. పైరసీ ఆపరేషన్ల కోసం అతడు ఐపీ మాస్కింగ్ (IP Masking) , డార్క్ రౌటింగ్ (Dark Routing) వంటి అధునాతన టెక్నాలజీలను ఉపయోగించాడు. దీని ద్వారా తన అసలు గుర్తింపు , కార్యకలాపాలు ఎవరికీ తెలియకుండా జాగ్రత్తపడ్డాడు.

విదేశీ సర్వర్ల వినియోగం.. తన డేటా, వెబ్‌సైట్లను దాచడానికి రవి విదేశాల్లోని హైడ్ సర్వర్లను (Hidden Servers) ఉపయోగించే పద్ధతులను పోలీసులకు వివరించాడు.

ఆన్‌లైన్ ట్రేస్ తొలగింపు (Revoke Mechanism.. ‘ప్రహ్లాద్’ అనే వ్యక్తి గురించి కీలక సమాచారం ఇచ్చిన సందర్భంగా, రవి చూపించిన NGEL అనే ఆన్‌లైన్ సోర్స్ లింకును పోలీసులు పరిశీలించగానే, అది వెంటనే ‘రివోక్’ అయింది. అంటే, ఆన్‌లైన్ ట్రేస్‌ను వెంటనే తొలగించేలా అతడి వ్యవస్థలో సాంకేతిక మెకానిజం పనిచేసినట్లు నిపుణులు గుర్తించారు. ఈ లింక్ మూలాలపై ప్రస్తుతం సైంటిఫిక్ పరిశోధన జరుగుతోంది.

విచారణలో ‘ప్రహ్లాద్’ అనే కొత్త వ్యక్తి పేరు తెరపైకి వచ్చింది.రవి తన పైరసీ కార్యకలాపాల కోసం ప్రహ్లాద్ పేరు మీద డ్రైవింగ్ లైసెన్స్, పాన్ కార్డ్ వంటి వ్యక్తిగత పత్రాలను సేకరించినట్లు పోలీసులు గుర్తించారు.

ప్రస్తుతం పోలీసులు ఈ ప్రహ్లాద్ అనే వ్యక్తి రవితో ఎలా కనెక్ట్ అయ్యాడు, ఈ పైరసీ రాకెట్‌లో అతడి పాత్ర ఏమై ఉంటుందన్న కోణంలో విచారణను మరింత ముమ్మరం చేశారు.

iBomma రవి నుంచి వచ్చిన సమాచారం పైరసీ రాకెట్ మూలాలను ఛేదించడంలో కీలక అడుగు (Crucial Step)గా భావిస్తున్నారు. ఐపీ మాస్క్ లింకులు, విదేశీ సర్వర్ల కనెక్షన్ల గురించి రవి ఇచ్చిన వివరణ ఆధారంగా, త్వరలోనే సైబర్ క్రైమ్ పోలీసులు ఈ పైరసీ రాకెట్‌ను పూర్తిగా బట్టబయలు చేస్తూ కీలక ప్రకటన చేసే అవకాశం ఉందని విశ్వసనీయ వర్గాలు చెబుతున్నాయి.

మరిన్ని తాజా వార్తల కోసం ఇక్కడ క్లిక్ చేయండి