Rain: తెలుగు రాష్ట్రాలకు వర్షాల ముప్పు: ఆగస్టు 16 వరకు హై అలర్ట్!

Rain

బంగాళాఖాతంలో ఏర్పడిన అల్పపీడనం ప్రభావంతో తెలుగు రాష్ట్రాలను భారీ వర్షాలు(Rain) ముంచెత్తుతున్నాయి. ఆగస్టు 13 నుంచి 16 వరకు ఈ వర్షాలు (Rain)తీవ్రంగా ఉంటాయని వాతావరణ శాఖ హెచ్చరించింది. ముఖ్యంగా తెలంగాణలోని హైదరాబాద్, మెడ్చల్, మల్కాజిగిరితో పాటు ఆంధ్రప్రదేశ్‌లోని కోస్తా, రాయలసీమ ప్రాంతాల్లో పరిస్థితి ఆందోళనకరంగా ఉంది.

ముఖ్యమంత్రి రేవంత్ రెడ్డి నేతృత్వంలోని తెలంగాణ ప్రభుత్వం పరిస్థితిని నిరంతరం పర్యవేక్షిస్తోంది. రాబోయే 72 గంటల పాటు అప్రమత్తంగా ఉండాలని అధికారులను ఆదేశించారు. హైదరాబాద్‌(Hyderabad)లోని కొన్ని ప్రాంతాల్లో 70 నుంచి 120 మిల్లీమీటర్ల వర్షపాతం నమోదయ్యే అవకాశం ఉందని, దీంతో ఫ్లాష్ ఫ్లడ్స్ (అకస్మాత్తుగా వచ్చే వరదలు), రోడ్లపై నీరు నిలిచిపోయే ప్రమాదం ఉందని అధికారులు హెచ్చరించారు.

దీనివల్ల ప్రజలు అనవసర ప్రయాణాలు మానుకోవాలని సూచించారు. స్కూళ్లకు ఆగస్టు 13, 14 తేదీలలో హాఫ్ డే సెలవు ప్రకటించారు. అలాగే, ఐటీ కంపెనీలు ఉద్యోగులకు వర్క్ ఫ్రమ్ హోమ్ ఇవ్వాలని కోరారు. ఇది ట్రాఫిక్‌ను తగ్గించడంలో సహాయపడుతుందని ప్రభుత్వం భావిస్తోంది. ఏవైనా అత్యవసర సేవలు కావాలంటే, హైద్రా (హైదరాబాద్ రైన్ అండ్ ఫ్లడ్ అలెర్ట్ అథారిటీ) హెల్ప్ లైన్‌లను సంప్రదించవచ్చు.

మరోవైపు ఆంధ్రప్రదేశ్‌లోని కోస్తా, రాయలసీమ ప్రాంతాల్లో కూడా ఆగస్టు 13, 14 తేదీలలో భారీ వర్షాలు(Heavy rains) పడే అవకాశం ఉందని వాతావరణ శాఖ తెలిపింది. ఈ వర్షాల వల్ల ప్రజలతో పాటు వ్యవసాయ రంగంపై కూడా ప్రభావం పడే అవకాశం ఉంది. ప్రభుత్వం ప్రజలను అప్రమత్తంగా ఉండాలని, నదులు, నదీ తీర ప్రాంతాల ప్రజలు సురక్షిత ప్రాంతాలకు తరలి వెళ్లాలని సూచించింది.

తీసుకోవాల్సిన జాగ్రత్తలు..అనవసర ప్రయాణాలు మానుకోండి.రోడ్లపై, నీరు నిలిచిన ప్రాంతాల్లో జాగ్రత్తగా ఉండండి. మీ ఇంటి చుట్టూ నీటి ప్రవాహం ఎక్కువగా ఉంటే, సురక్షిత ప్రాంతాలకు వెళ్లడానికి సిద్ధంగా ఉండండి.

పిల్లలు, వృద్ధులు, బలహీనుల పట్ల ప్రత్యేక శ్రద్ధ వహించండి. అప్‌డేట్‌ల కోసం ప్రభుత్వ ప్రకటనలను, హెల్ప్‌లైన్ (helpline)నంబర్‌లను గమనిస్తూ ఉండండి. ప్రస్తుతం ఉన్న పరిస్థితులను దృష్టిలో ఉంచుకుని ప్రజలందరూ అప్రమత్తంగా ఉండి, ప్రభుత్వ సూచనలను పాటిస్తే ఈ కష్ట కాలాన్ని సురక్షితంగా దాటవచ్చని అధికారులు సూచిస్తున్నారు.