Local Body Elections : ఎంపీటీసీ, జెడ్పీటీసీ ఎన్నికల నోటిఫికేషన్ విడుదల..ఏపీ స్థానిక పోరుకు కౌంట్‌డౌన్..
Local Body Elections : పోలింగ్ ప్రాసెస్ నవంబర్ 3వ తేదీ ఉదయం 7:00 గంటల నుంచి సాయంత్రం 5:00 గంటల వరకు సాగుతుంది. ఏదైనా అనివార్య కారణాల వల్ల పోలింగ్ ఆగిపోయిన చోట నవంబర్ 4వ తేదీన రీ-పోలింగ్ నిర్వహిస్తారు.
Local Body Elections
ఏపీ వ్యాప్తంగా స్థానిక సంస్థల సమరానికి ఆఫీషియల్‌గా తెర లేచింది. ఏపీలోని గ్రామీణ ప్రాంతాల్లో పట్టు నిరూపించుకోవడానికి ప్రధాన రాజకీయ పార్టీలు సిద్ధమవుతున్న సమయంలో రాష్ట్ర ఎన్నికల సంఘం (SEC)షెడ్యూల్‌ను రిలీజ్ చేసింది.
లోకల్ అడ్మినిస్ట్రేషన్‌లో(Local Body Elections) అత్యంత కీలకమైన మండల పరిషత్ ప్రాదేశిక నియోజకవర్గాలు (MPTC), జిల్లా పరిషత్ ప్రాదేశిక నియోజకవర్గాల (ZPTC) ఎన్నికల నిర్వహణకు సంబంధించి నోటిఫికేషన్ రిలీజ్ అయింది. ఎస్‌ఈసీ(SEC) అనిల్ చంద్ర పునేఠా ఈ వివరాలను వెల్లడించడంతో.. ఏపీ వ్యాప్తంగా వెంటనే ఎన్నికల ప్రవర్తనా నియమావళి (Election Code) అమల్లోకి వచ్చింది.
ఏపీలో పల్లె రాజకీయాల వైభవాన్ని నిర్దేశించే ఈ లోకల్ బాడీ ఎన్నికలలో మొత్తం 659 జెడ్పీటీసీ స్థానాలతో పాటు, 9,829 ఎంపీటీసీ స్థానాలకు పోలింగ్ జరగనుంది. నిజానికి రాష్ట్రవ్యాప్తంగా 663 జెడ్పీటీసీలు, 9,859 ఎంపీటీసీ స్థానాలు ఉన్నా కూడా, కొన్ని టెక్నికల్, అడ్మినిస్ట్రేషన్ రీజన్స్ వల్ల మిగిలిన స్థానాలకు తప్ప మొత్తం 10,488 స్థానాలకు ఈ ఎన్నికల ప్రాసెస్‌ను పూర్తి చేయాలని కమిషన్ నిర్ణయించింది.
ఓటర్లను ఆకట్టుకోవడానికి ఎన్నికల ఖర్చును అదుపులో ఉంచడానికి వీలుగా కేండిడేట్స్ స్పెండింగ్ లిమిట్‌పై కూడా ఎస్‌ఈసీ అనిల్ చంద్ర పునేఠా క్లియర్ గైడెన్స్ ఇచ్చారు. దీని ప్రకారం జెడ్పీటీసీ కేండిడేట్స్ తమ ప్రచారం కోసం గరిష్ఠంగా రూ.8 లక్షల వరకు, ఎంపీటీసీ కేండిడేట్స్ రూ.4 లక్షల వరకు ఖర్చు చేసుకోవడానికి పర్మిషన్ ఉంది. ఈ ప్రాసెస్‌ను పారదర్శకంగా, ఈజీగా నిర్వహించడం కోసం ఎంపీటీసీ స్థానాలకు 687 మందిని, జెడ్పీటీసీ స్థానాలకు 28 మందిని రిటర్నింగ్ ఆఫీసర్స్‌ (RO)ను నియమించినట్లు ఈసీ ప్రకటించింది.
పోటీలో నిలిచే కేండిడేట్స్, అధికారులకు స్పష్టమైన టైమ్‌లైన్‌తో కూడిన షెడ్యూల్‌ను నోటిఫికేషన్‌లో పొందుపరిచారు. ఈ నెల అక్టోబర్ 21వ తేదీన ఆయా నియోజకవర్గాల్లో రిటర్నింగ్ అధికారులు అధికారిక ఎన్నికల ప్రకటన విడుదల చేయడంతో పాటు తాజా ఓటర్ల జాబితాలను ప్రదర్శిస్తారు.
నామినేషన్ల స్వీకరణ రౌండ్ అక్టోబర్ 21వ తేదీ ఉదయం 10:30 గంటల నుంచి ప్రారంభమై, అక్టోబర్ 23వ తేదీ సాయంత్రం 5:00 గంటలతో ముగుస్తుంది. నామినేషన్ల దాఖలుకు కేవలం 3 రోజుల సమయం మాత్రమే ఉండటంతో ఆశావహులు ఇప్పటినుంచే పేపర్‌వర్క్ రెడీ చేసుకుంటున్నారు.
నామినేషన్ పత్రాల పరిశీలన (స్క్రూటినీ) అక్టోబర్ 24వ తేదీన జరగనుండగా.. ఒకవేళ ఏవైనా నామినేషన్లు తిరస్కరణకు గురైతే, అభ్యర్థులు అప్పీలు చేసుకోవడానికి అక్టోబర్ 25 వ తేదీ వరకు గడువు ఉంటుంది. దీనిలో ఎంపీటీసీ అభ్యర్థులు సంబంధిత ఆర్‌డీఓ (RDO) వద్ద, జెడ్పీటీసీ అభ్యర్థులు జిల్లా కలెక్టర్ల వద్ద అప్పీళ్లు చేసుకోవాల్సి ఉంటుంది. ఆ అప్పీళ్లపై అక్టోబర్ 26వ తేదీన అధికారులు ఫైనల్ డెసిషన్ వెల్లడిస్తారు.
పోటీ నుంచి తప్పుకోవాలనుకునే వారికి అక్టోబర్ 27వ తేదీ మధ్యాహ్నం 3:00 గంటల వరకు నామినేషన్ల విత్ డ్రాయల్‌కు అవకాశం కల్పించారు. అదే రోజు సాయంత్రానికల్లా బరిలో నిలిచే కేండిడేట్స్ ఫైనల్ లిస్ట్‌ను ఫిక్స్ చేసి గుర్తులు కేటాయిస్తారు.
అసలైన పోలింగ్ ప్రాసెస్ నవంబర్ 3వ తేదీ ఉదయం 7:00 గంటల నుంచి సాయంత్రం 5:00 గంటల వరకు సాగుతుంది. ఏదైనా అనివార్య కారణాల వల్ల పోలింగ్ ఆగిపోయిన చోట నవంబర్ 4వ తేదీన రీ-పోలింగ్ నిర్వహిస్తారు. ఇక ఓట్ల లెక్కింపు నవంబర్ 5 ఉదయం 8:00 గంటల నుంచి స్టార్టవుతుంది. లెక్కింపు పూర్తయిన వెంటనే రిజల్ట్‌ను ప్రకటించి విజేతలను అఫీషియల్‌గా వెల్లడిస్తారు.
ఈ షెడ్యూల్(Local Body Elections) రావడంతో గ్రామీణ ఏపీలో ఒక్కసారిగా పొలిటికల్ హీట్ పెరిగిపోయింది. గ్రామాల స్థాయిలో పట్టు సాధించడమే లక్ష్యంగా అధికార, ప్రతిపక్ష పార్టీలు తమ కేండిడేట్స్ ఎంపిక, మండల స్థాయి స్ట్రాటజీ రచనలో స్పీడ్ పెంచాయి.
