Tata Tiago
ఈ రోజుల్లో కారు అంటే కేవలం ఒక దగ్గర నుంచి ఇంకో దగ్గరకు వెళ్లడానికి మాత్రమే కాదు.. అది అందరి లైఫ్ స్టైల్ స్టేట్మెంట్లా మారిపోయింది. అయితే యూత్, ఫస్ట్ టైమ్ కారు కొనేవాళ్లు.. లుక్స్, టెక్నాలజీ, మైలేజ్తో పాటు జేబుకు చిల్లు పడకుండా ఉండే బెస్ట్ ప్యాకేజ్ కోసం చూస్తూ ఉంటారు. అలాంటి వారి కోసమే సరిగ్గా మే 28, 2026న న్యూ టాటా టియాగో(Tata Tiago) ఫేస్లిఫ్ట్ వెర్షన్ ఇండియన్ మార్కెట్లోకి ఎంట్రీ ఇచ్చింది.
లాంచ్ అయిన వెంటనే బుకింగ్స్, ప్రైస్ లిస్ట్, సరికొత్త వేరియంట్ల వివరాలన్నీ కూడా అఫీషియల్గా బయటకు వచ్చేశాయి. తక్కువ ధరలోనే క్రేజీ ఫీచర్లు, మోడ్రన్ డిజైన్, సేఫ్టీతో పాటు మంచి రేటింగ్ కోరుకునే వారికి ఈ కారు ఇప్పుడు ఒక అదిరిపోయే ఆప్షన్గా నిలుస్తోందన్న టాక్ను సొంతం చేసుకుంది. చిన్న కుటుంబాలకు, అలాగే సిటీ ట్రాఫిక్లో ఈజీగా డ్రైవ్ చేయాలనుకునే కాలేజ్ స్టూడెంట్స్ , యంగ్ ప్రొఫెషనల్స్కు, మహిళలకు ఈ కారు పక్కాగా సెట్ అవుతుంది.
ఇక ఈ కొత్త వెర్షన్ ధరలను ఒకసారి చూస్తే.. దీని ప్రారంభ ఎక్స్-షోరూమ్ ధరలు సుమారు రూ.4.69 లక్షల నుంచి స్టార్ట్ అవుతున్నాయి. మనం ఎంచుకునే టాప్ వేరియంట్లు, మెయిన్గా సీఎన్జీ లేదా ఆటోమేటిక్ (AMT) మోడల్స్ని బట్టి ప్రైస్ రేంజ్ మారుతుంది.
ఢిల్లీ మార్కెట్ తాజా లిస్టింగ్ ప్రకారం ఈ న్యూ టియాగో(Tata Tiago) బేస్ మోడల్ రూ.4.70 లక్షల నుంచి అందుబాటులో ఉంది. ప్రతిరోజూ ఆఫీసులకు వెళ్లడానికి రన్నింగ్ కాస్ట్ తక్కువగా ఉండాలని అనుకునే వారికి దీనిలోని సీఎన్జీ వేరియంట్లు బెస్ట్ ఛాయిస్. అలాగే సిటీల్లో ఉండే హెవీ ట్రాఫిక్లో క్లచ్, గేర్లతో తలనొప్పి లేకుండా హ్యాపీగా, కూల్గా డ్రైవ్ చేయాలనుకునే వారి కోసం ఆటోమేటిక్ వేరియంట్లు అయితే చాలా హెల్ప్ అవుతాయి.
టెక్నాలజీ విషయానికి వస్తే ఈసారి టాటా అసలు తగ్గడం లేదు. ఈ కార్ లోపల ఆండ్రాయిడ్ ఆటో, యాపిల్ కార్ ప్లే సపోర్ట్ చేసే ఒక పెద్ద స్మార్ట్ టచ్స్క్రీన్ ఇన్ఫోటైన్మెంట్ సిస్టమ్ను సెట్ చేశారు. రైడింగ్ను మరింత ఈజీ అండ్ ఫన్గా మార్చడానికి స్టీరింగ్ మౌంటెడ్ కంట్రోల్స్, పవర్ విండోస్, రియర్ పార్కింగ్ సెన్సార్లు , రివర్స్ కెమెరా వంటి క్రేజీ ఫీచర్లు ఇచ్చారు.
ఇక టాప్ ఎండ్ మోడల్స్లో అయితే ఏకంగా 360 డిగ్రీల కెమెరా, వైర్లెస్ మొబైల్ ఛార్జింగ్, కనెక్టెడ్ కార్ టెక్నాలజీ లాంటి నెక్స్ట్ లెవెల్ ఫీచర్లు కూడా ఉన్నాయి. వీటన్నింటితో పాటు సేఫ్టీకి ఇంపార్టెన్స్ ఇస్తూ.. ఏకంగా 6 ఎయిర్బ్యాగులు, స్ట్రాంగ్ బిల్డ్ క్వాలిటీ, మంచి క్రాష్ ప్రొటెక్షన్ సిస్టమ్ను దీనిలో అందించారు.
మైలేజ్ పరంగా కూడా టాటా టియాగో కారు నమ్మదగిన పర్ఫార్మెన్స్ ఇస్తుంది. పెట్రోల్ వేరియంట్లు రెగ్యులర్ సిటీలో వాడేవారికి స్మూత్ రైడింగ్ ఎక్స్పీరియన్స్ను ఇస్తాయి. ఎకనామికల్గా ఆలోచించే వారికి, ఇంధన ఖర్చులు తక్కువగా ఉండాలనుకునే వారికి మాత్రం సీఎన్జీ వెర్షన్లు సూపర్ మైలేజ్ అందిస్తూ జేబుకు భారం తగ్గిస్తాయి.
దీని స్మార్ట్ డిజైన్ వల్ల చిన్న చిన్న గల్లీలు, కాలనీ రోడ్లు , ఇరుకైన ఏరియాల్లో ఈ కారును చాలా ఈజీగా తిప్పొచ్చు, అలాగే పార్కింగ్ చేయడం కూడా చాలా ఈజీ అవుతుంది. ముఖ్యంగా సిటీ రోడ్లపై, ట్రాఫిక్ ఎక్కువగా ఉండే సిటీ ఏరియాల్లో దీని గ్రిప్ చాలా బాగుంటుంది.
లాంగ్ డ్రైవ్స్ లేదా వీకెండ్ ట్రిప్స్ కోసం హైవేలపై కూడా టాటా టియాగోను హ్యాపీగా తీసుకెళ్లొచ్చు. అయితే ఇది పక్కా ఆన్-రోడ్ కంఫర్ట్ కోసం డిజైన్ చేసిన కార్ కాబట్టి, మరీ దారుణంగా పాడైపోయిన రోడ్లు , బురద, గతుకులు, గుంతలు ఉన్న ఆఫ్-రోడ్ ట్రాక్లకు మాత్రం ఇది అంతగా సెట్ అవ్వదు.
తమ అవసరాలకు అనుగుణంగా కొనేవాళ్లు వేరియంట్లను సెలెక్ట్ చేసుకోవచ్చు. తక్కువ ప్రైస్లో కావాలనుకుంటే బేస్ పెట్రోల్ మోడల్, డైలీ రన్నింగ్ ఎక్కువగా ఉంటే మాత్రం సీఎన్జీ మోడల్, ట్రాఫిక్ ఫ్రీ డ్రైవింగ్ కోసం ఏఎంటీ మోడల్, అలాగే ఫుల్ ఫీచర్లు కావాలనుకుంటే మాత్రం టాప్ ఎండ్ వేరియంట్లను ఎంచుకోవడం బెస్ట్.
రీజనబుల్ ధరలోనే సేఫ్టీ, అడ్వాన్స్డ్ టెక్నాలజీ, స్టైలిష్ డిజైన్ , కంఫర్ట్ అన్నీ ఒకే ప్యాకేజీలో దొరకడమే ఈ కారు సక్సెస్కు మెయిన్ రీజన్. రోజూ ట్రావెల్ చేయడానికి తక్కువ ఖర్చుతో కూడిన, నమ్మకమైన కారు కోసం చూస్తున్న యంగ్ జనరేషన్కు, మహిళలకు.. ఈ సరికొత్త టాటా టియాగో(Tata Tiago) నిజంగానే ఒక పర్ఫెక్ట్ అండ్ ఇంటెలిజెంట్ ఛాయిస్ అవుతుంది.
Pawan Kalyan : పవన్ కళ్యాణ్ ఇంట్లోనే ప్రెస్ మీట్.. పవన్ ప్రశ్నలకు పోలీసుల దగ్గర సమాధానం ఉందా?
-
-
-
-
