Mana Shankara Varaprasad Garu
మెగాస్టార్ చిరంజీవి , విక్టరీ వెంకటేష్ అభిమానులకు పండుగ వాతావరణం నెలకొంది. వీరిద్దరూ కలిసి స్క్రీన్ షేర్ చేసుకోబోతున్న మోస్ట్ ఎవైటెడ్ ఫ్యామిలీ ఎంటర్‌టైనర్ ‘మన శంకర వరప్రసాద్ గారు’(Mana Shankara Varaprasad Garu) చిత్రం నుంచి తాజాగా ఒక క్రేజీ అప్‌డేట్ విడుదలైంది.
హిట్ చిత్రాల దర్శకుడు అనిల్ రావిపూడి రూపొందిస్తున్న మన శంకర వరప్రసాద్(Mana Shankara Varaprasad Garu) గారు మల్టీస్టారర్ చిత్రంలో నయనతార కథానాయికగా నటిస్తున్నారు. ఈ సినిమా నుంచి ఇప్పటికే విడుదలైన మొదటి సింగిల్ ‘మీసాల పిల్ల’ 72 మిలియన్లకు పైగా వ్యూస్‌తో చార్ట్‌బస్టర్‌గా నిలిచి, సినిమాపై అంచనాలను భారీగా పెంచింది.
Two legendary icons, #MegastarChiranjeevi and #VictoryVenkatesh, are joining forces to deliver an electrifying, high-octane dance sequence that promises to set the screen ablaze!
Currently being filmed for #ManaShankaraVaraPrasadGaru, this grand mass number is poised to be the… pic.twitter.com/rJwQBLjCxQ
— BA Raju's Team (@baraju_SuperHit) November 30, 2025
తాజా సమాచారం ప్రకారం, మేకర్స్ హైదరాబాద్‌లో ఏర్పాటు చేసిన భారీ సెట్‌లో చిరంజీవి , వెంకటేష్‌లపై ఒక స్టైలిష్ డ్యాన్స్ సాంగ్‌ను చిత్రీకరించడం ప్రారంభించారు.
తొలిసారిగా, మెగాస్టార్ చిరంజీవి , వెంకటేష్ ఒక గ్రాండ్ సెలబ్రేషన్ పాటలో కలిసి స్టెప్పులు వేయనున్నారు. ఈ పాట అభిమానులకు ఉత్సాహభరితమైన విందుగా నిలవనుంది.
ఈ పాట కోసం సంగీత దర్శకుడు భీమ్స్ సిసిరోలియో పర్ఫెక్ట్ డ్యాన్స్ నంబర్‌ను కంపోజ్ చేశారు.
ఈ పాట చిత్రీకరణలో 500 మందికి పైగా డ్యాన్సర్లు పాల్గొంటున్నారు, సెట్ మొత్తం రంగులు, లయ, వైబ్‌లతో కార్నివాల్‌ను తలపిస్తోంది.
ఈ ఇద్దరు స్టార్ హీరోల కెమిస్ట్రీ, ఎనర్జీ ప్రేక్షకులను, అభిమానులను అలరించడం ఖాయం. ‘మీసాల పిల్ల’ బ్లాక్‌బస్టర్‌కు కొరియోగ్రఫీ అందించిన పొలకి విజయ్ ఈ పాటకు కూడా కొరియోగ్రఫీ చేస్తున్నారు. ఈ సాంగ్ రాబోయే సంక్రాంతికి ఒక పర్ఫెక్ట్ ఫీస్ట్‌గా ఉండబోతోంది.
త్వరలో, చిరంజీవి , నయనతారలపై చిత్రీకరించిన ఒక మెలోడియస్ రొమాంటిక్ పాటను కూడా విడుదల చేయడానికి చిత్రబృందం సన్నాహాలు చేస్తోంది.
మన శంకర వరప్రసాద్ గారు(Mana Shankara Varaprasad Garu) చిత్రాన్ని షైన్ స్క్రీన్స్ ,గోల్డ్ బాక్స్ ఎంటర్‌టైన్‌మెంట్స్ బ్యానర్లపై నిర్మాతలు సాహు గారపాటి, సుష్మిత కొణిదెల భారీ స్థాయిలో నిర్మిస్తున్నారు. ఈ ప్రతిష్ఠాత్మక చిత్రాన్ని శ్రీమతి అర్చన సమర్పిస్తున్నారు. ఈ చిత్రానికి సమీర్ రెడ్డి కెమెరా పనితనం అందించగా, తమ్మిరాజు ఎడిటింగ్ బాధ్యతలు చూసుకుంటున్నారు.
భారీ సెట్స్‌కు పేరుగాంచిన ఎఎస్ ప్రకాష్ ఆర్ట్ డైరెక్టర్‌గా వ్యవహరిస్తున్నారు. కథనాన్ని మరింత బలంగా మలచడానికి ఎస్. కృష్ణ ,జి. ఆది నారాయణ సహ రచయితలుగా, ఎస్. కృష్ణ ఎగ్జిక్యూటివ్ నిర్మాతగా కూడా పని చేస్తున్నారు. ఈ టాప్ టెక్నికల్ టీమ్ సినిమా క్వాలిటీని ఉన్నత స్థాయిలో ఉంచుతుంది.
