Asian Medal: ఈ వయసులో అవసరమా అన్నారు..వారందరికీ నా ఆసియా మెడలే ఆన్సర్: ప్రగతి

Asian Medal

నటి ప్రగతి పవర్ లిఫ్టింగ్‌లో సాధించిన విజయం కేవలం క్రీడా ఘనత మాత్రమే కాదు, సమాజంలో మాట్లాడే ప్రతికూల వ్యాఖ్యలను (Negative Comments) ఎదుర్కొనేందుకు ఒక శక్తివంతమైన సందేశం. మాటలతో సమాధానం చెప్పడం కాదు, మన పనిని పట్టుదలతో చేసుకుంటూ పోతే చేతలతోనే సమాధానం చెప్పొచ్చు అనే జీవిత సత్యాన్ని ఆమె ఈ (Asian Medal)విజయంతో నిరూపించారు. ఆమె పంచుకున్న ఆసక్తికర విషయాలు ప్రతి ఒక్కరికీ ఆదర్శనీయం.

ప్రగతి తన పవర్ లిఫ్టింగ్ ప్రయాణం కేవలం సరదాగా, ఫిట్‌నెస్‌ కోసం మొదలుపెట్టానని చెబుతారు. కానీ, ఆ సరదా ఆసియన్ ఓపెన్ అండ్ మాస్టర్స్ పవర్ లిఫ్టింగ్ ఛాంపియన్‌షిప్‌లో నాలుగు పతకాలతో ముగిసింది. టర్కీలో జరిగిన ఈ పోటీల్లో ఆమె ఓవరాల్ సిల్వర్ మెడల్, డెడ్ లిఫ్ట్‌లో గోల్డ్ మెడల్, బెంచ్, స్క్వాట్ లిఫ్టింగ్‌లలో మరో రెండు సిల్వర్ మెడల్స్‌(Asian Meda)ను సాధించారు.

ప్రగతి పంచుకున్న అత్యంత కీలకమైన విషయం ఏమిటంటే, ఈ వయసులో జిమ్‌కి వెళ్లడం, పవర్ లిఫ్టింగ్ వంటివి అవసరమా అని చాలా మంది ప్రశ్నించడం. ముఖ్యంగా, జిమ్‌కి జిమ్ దుస్తుల్లో వెళ్లడం, ఎదిగిన కూతురు ఉన్నప్పుడు ఈ మాటలు అవసరమా అని తనను తాను ప్రశ్నించుకున్న సందర్భాలు కూడా ఉన్నాయి.

 

View this post on Instagram

 

A post shared by Pragathi Mahavadi (@pragstrong)

సమాజంలో తనపై వచ్చిన ఈ నెగిటివిటీ, విమర్శలే ఆమెకు మరింత శక్తిని ఇచ్చాయి. ఈ వయసులో అవసరమా అన్న ప్రతి ఒక్కరికీ ఇదే నా ఆన్సర్(Asian Meda)” అంటూ తన పతకాలతోనే సమాధానం చెప్పారు.

మాట్లాడే వాళ్ల గురించి పట్టించుకోకుండా, నిరంతరంగా తన లక్ష్యాన్ని అనుసరించడం వల్లనే ఈ విజయం సాధ్యమైంది. ఎవరైనా ఏమైనా అనవచ్చు, కానీ ఆ విమర్శలను మనం ఏ విధంగా స్వీకరించి, వాటిని మన శక్తిగా మార్చుకుంటామనేదే ముఖ్యం.

ప్రగతి తన విజయాన్ని మొత్తం సినీ పరిశ్రమలో ఉన్న మహిళలకు అంకితం చేస్తున్నట్లు ప్రకటించారు. “ఇండస్ట్రీలో మహిళలు ఎంత కష్టపడతారో నాకు తెలుసు” అని అన్నారు.

నటనకు కాస్త గ్యాప్ ఇచ్చినా, ఇండస్ట్రీని వదిలి వెళ్లలేదని, తన తుదిశ్వాస వరకూ నటిస్తూనే ఉంటానని స్పష్టం చేశారు. అద్దె కట్టే స్థాయి నుంచి సొంతింటి వరకు చేరుకున్నది సినిమా వల్లనే అని ఆమె కృతజ్ఞతలు తెలిపారు.

ఈ క్రీడా అనుభవం తనకు సినిమాల్లో ఉపయోగపడుతోందని, తమిళంలో విలన్ పాత్రలో నటిస్తున్నట్లు కూడా తెలియజేశారు.

మన లక్ష్యం పట్ల దృఢ నిశ్చయం, నిరంతర కృషి ఉంటే, విమర్శలు మనల్ని ఆపలేవని, బదులుగా మనల్ని మరింత ముందుకు నడిపిస్తాయని నిరూపించింది. ఈ స్ఫూర్తిదాయకమైన ప్రయాణం ప్రతి ఒక్కరిలోనూ ఆత్మవిశ్వాసాన్ని నింపుతుంది.

మరిన్ని ఎంటర్‌టైన్‌మెంట్ వార్తల కోసం ఇక్కడ క్లిక్ చేయండి