Plants
ఆధునిక జీవితంలో వేగం పెరిగే కొద్దీ, మనిషి ప్రకృతికి దూరం అవుతున్నాడు. అయితే,మన ఇంట్లోనే చిన్నపాటి పచ్చదనాన్ని సృష్టించుకోవడం ద్వారా, శారీరక, మానసిక ఆరోగ్యాన్ని మెరుగుపరుచుకోవచ్చని అనేక అధ్యయనాలు నిరూపిస్తున్నాయి. ముఖ్యంగా ఇంట్లో మొక్కల(Plants)ను పెంచడం కేవలం ఒక అభిరుచి మాత్రమే కాదు, మన శ్రేయస్సు (Well-being) కోసం మనం తీసుకునే ఒక ముఖ్యమైన నిర్ణయం. ఇంట్లో మొక్కలను పెంచడం వల్ల కలిగే ఆ ఏడు అద్భుతమైన ఆరోగ్య ప్రయోజనాలను వివరంగా తెలుసుకుందాం.
గాలి శుద్ధి – స్వచ్ఛమైన ఆక్సిజన్.. ఇంట్లో మొక్కలు(Plants) పెంచడం వల్ల కలిగే అతిపెద్ద , ముఖ్యమైన ప్రయోజనం గాలి శుద్ధి. ఇండోర్ ఎయిర్ పొల్యూషన్కు కారణమయ్యే ఫార్మాల్డిహైడ్, బెంజీన్, ట్రైక్లోరోఎథిలీన్ వంటి అనేక విష వాయువులను (Toxic Gases) మొక్కలు పీల్చుకుంటాయి. ఈ విషపూరిత వాయువులను పీల్చుకుని, బదులుగా మనకు శుభ్రమైన ఆక్సిజన్ను విడుదల చేస్తాయి. దీనివల్ల మనం ఎప్పుడూ స్వచ్ఛమైన గాలిని పీల్చుకోగలుగుతాము, ముఖ్యంగా రాత్రి వేళల్లో కొన్ని మొక్కలు (ఉదాహరణకు, స్నేక్ ప్లాంట్) ఆక్సిజన్ను విడుదల చేయడం వల్ల నిద్ర మెరుగవుతుంది.
ఒత్తిడి, ఆందోళనల నివారణ.. బిజీ షెడ్యూల్లో, ఒత్తిడి అనేది సర్వసాధారణం. నిపుణుల అభిప్రాయం ప్రకారం, ఇంట్లో పచ్చదనం ఉండటం మన మనసుకు ఉల్లాసాన్ని, శాంతాన్ని ఇస్తుంది. మొక్కలతో కాసేపు గడపడం, వాటిని చూడటం, వాటికి నీరు పోయడం వంటి చిన్న పనులు మన రోజువారీ ఒత్తిడిని (Stress) చాలా వరకు తగ్గిస్తాయి. మొక్కలు మనకు స్థిరమైన, ప్రశాంతమైన వాతావరణాన్ని అందిస్తాయి, ఇది ఆందోళన (Anxiety), నిరాశ వంటి మానసిక సమస్యల నుంచి మంచి ఉపశమనం కలిగిస్తుంది.
దృష్టి కేంద్రీకరణ (ఏకాగ్రత) మెరుగుదల.. విద్యార్థులు లేదా పని చేసే ప్రదేశంలో మొక్కలు ఉంటే, అది మీ దృష్టిని కేంద్రీకరించే శక్తిని పెంచుతుంది. మొక్కలతో నిండిన వాతావరణంలో పనిచేయడం వల్ల ఏకాగ్రత (Concentration) ,ఉత్పాదకత (Productivity) మెరుగుపడతాయని అధ్యయనాలు చెబుతున్నాయి. నిజమైన మొక్కలను సంరక్షించడానికి మనం చూపించే శ్రద్ధ, ఆటోమేటిక్గా మన ఏకాగ్రతను పెంచడానికి సహాయపడుతుంది.
సృజనాత్మకత (Creativity) పెంపు.. పచ్చదనం , సహజమైన వాతావరణం మన సృజనాత్మకతను పెంచుతాయి. ఇంట్లో లేదా ఆఫీస్లో మొక్కలు ఉండటం వల్ల మనస్సు రిఫ్రెష్ అవుతుంది, కొత్తగా, వినూత్నంగా ఆలోచించే శక్తిని పెంచుతుంది. ఇది సమస్యలను పరిష్కరించే సామర్థ్యాన్ని కూడా మెరుగుపరుస్తుంది.
అనారోగ్యం నుంచి త్వరగా కోలుకోవడం.. నిపుణుల అభిప్రాయం ప్రకారం, ఆసుపత్రులలో కూడా మొక్కలు ఉన్న గదులలో ఉన్న రోగులు లేనివారికంటే త్వరగా కోలుకున్నట్లు గమనించారు. మొక్కల వల్ల ఏర్పడే ప్రశాంతమైన వాతావరణం, వాటి నుంచి లభించే స్వచ్ఛమైన గాలి..శరీరం కోలుకునే ప్రక్రియను (Healing Process) వేగవంతం చేస్తాయి.
శబ్ద కాలుష్యం తగ్గింపు.. మొక్కలు శబ్ద కాలుష్యాన్ని తగ్గించడంలో సహాయపడతాయి. మొక్కల ఆకులు, కొమ్మలు శబ్దాన్ని శోషించుకునే (Absorb Sound) సామర్థ్యాన్ని కలిగి ఉంటాయి. ముఖ్యంగా పెద్ద ఆకులు, ఎక్కువ ఆకులు ఉన్న మొక్కలు ఇంటి లోపల , వెలుపల నుంచి వచ్చే శబ్దాన్ని తగ్గించి, మరింత ప్రశాంతమైన వాతావరణాన్ని సృష్టిస్తాయి.
సహజమైన తేమ (Humidity) పెంపు.. మొక్కలు(Plants) తమ ఆకుల ద్వారా తేమను (Moisture) విడుదల చేస్తాయి. ముఖ్యంగా పొడి వాతావరణం ఉండే ప్రాంతాల్లో, ఇంట్లో మొక్కలు పెంచడం వల్ల గాలిలో సహజమైన తేమ పెరుగుతుంది. ఇది శ్వాసకోశ సమస్యలు, పొడి చర్మం వంటి సమస్యలను తగ్గించి, మన ఆరోగ్యాన్ని మెరుగుపరుస్తుంది.
ఈ అద్భుతమైన ఏడు ప్రయోజనాలు చూస్తుంటే, ఇంట్లో మొక్కలు(Plants) పెంచడం కేవలం అలంకరణ కాదని, మన జీవితంలో ఒక భాగమని అర్థమవుతుంది కదూ! ఇంకెందుకు ఆలస్యం.. పచ్చని మొక్కలను పెంచి, మీ ఇంటిని కూడా ఆరోగ్య నిలయంగా మార్చుకోండి.
Herbs: ఆ అద్భుత మూలికలతో బోలెడు లాభాలున్నాయట..
-
-
-
-
