Habits
మన ఆధునిక జీవితంలో మనం ఎన్నో అలవాట్లను చేసుకుంటాం. అవి ఎంత చిన్నవైనా, దీర్ఘకాలంలో మన ఆరోగ్యంపై తీవ్ర ప్రభావం చూపుతాయి. అలాంటి అలవాట్లను “సైలెంట్ కిల్లర్స్” అని పిలుస్తారు.
నిరంతరం కూర్చోవడం.. చాలామంది ఉద్యోగాలు కూర్చొని చేసేవే. ఇలా గంటల తరబడి కూర్చోవడం వల్ల శరీరానికి కదలిక ఉండదు. ఇది ఊబకాయం, గుండె జబ్బులు, మధుమేహం వంటి వాటికి దారితీస్తుంది. దీనికి పరిష్కారం ప్రతి గంటకు ఒకసారి లేచి నడవడం, చిన్నపాటి స్ట్రెచింగ్ వ్యాయామాలు చేయడం.
సరిగా నిద్రపోకపోవడం.. నిద్రలేమి అనేది శరీరానికి, మనసుకు అతిపెద్ద శత్రువు. ఇది ఒత్తిడిని, రక్తపోటును పెంచుతుంది, రోగనిరోధక శక్తిని తగ్గిస్తుంది మరియు జ్ఞాపకశక్తిని దెబ్బతీస్తుంది. దీనికి పరిష్కారం రోజుకు 7-8 గంటలు నిద్రపోవడం, రాత్రిపూట మొబైల్ ఫోన్‌లకు దూరంగా ఉండటం.
ఒత్తిడిని నిర్లక్ష్యం చేయడం.. ఒత్తిడి అనేది మానసిక సమస్య మాత్రమే కాదు, ఇది శారీరకంగా కూడా మనకు హాని కలిగిస్తుంది. దీర్ఘకాల ఒత్తిడి గుండె సమస్యలు, జీర్ణ సమస్యలు, డిప్రెషన్‌కు దారితీస్తుంది. దీనికి పరిష్కారం..మెడిటేషన్, యోగా, లేదా మీకు ఇష్టమైన హాబీలను ఆచరించడం ద్వారా ఒత్తిడిని తగ్గించుకోండి.
చెడ్డ ఆహారపు అలవాట్లు.. ప్రాసెస్డ్ ఫుడ్, ఎక్కువగా చక్కెరతో కూడిన పానీయాలు, మరియు జంక్ ఫుడ్ తినడం వల్ల శరీరం అనారోగ్యాల బారిన పడుతుంది. పరిష్కారం: పండ్లు, కూరగాయలు, పోషకాలున్న ఆహారాన్ని మీ దినచర్యలో చేర్చుకోండి.
