No rain
భూమిపై ప్రతి చోటా ఏదో ఒక సమయంలో వర్షం కురుస్తుంది. కానీ, ఒక గ్రామం మాత్రం ఇప్పటివరకు వర్షం లేకుండానే ఉంది. అది యెమెన్ రాజధాని సనాకు పశ్చిమాన ఉన్న అల్-హుతైబ్ అనే గ్రామం. ఈ గ్రామం భూమికి 3,200 మీటర్ల ఎత్తులో, మేఘాలు ఉండే ప్రదేశం కంటే ఎత్తులో ఒక కొండపై ఉంది. అందుకే ఈ గ్రామంలో వర్షాలు పడవు.
ప్రత్యేకమైన వాతావరణం..ఈ గ్రామంలో వాతావరణం చాలా విచిత్రంగా ఉంటుంది. పగటిపూట ఎండ చాలా తీవ్రంగా ఉంటుంది, కానీ రాత్రి సమయంలో చలి విపరీతంగా ఉంటుంది. ఈ గ్రామం ఎత్తైన ప్రదేశంలో ఉన్నా కూడా, అక్కడ ప్రజలకు వ్యవసాయం చేసుకోవడానికి వీలుగా వాతావరణం ఉంటుంది. ఇక్కడ నివసించే ప్రజలు ఆ వాతావరణానికి అలవాటుపడ్డారు.
పర్యాటక ఆకర్షణ..వర్షం పడని(No rain) ప్రాంతంగా పేరు రావడంతో ఈ గ్రామం పర్యాటకులకు ఒక ఆకర్షణీయమైన గమ్యస్థానంగా మారింది. ఇక్కడికి వచ్చే పర్యాటకులు ఎత్తైన కొండపై నిలబడి, మేఘాల కింద భూమిపై వర్షం కురిసే అద్భుత దృశ్యాలను వీక్షిస్తారు.
ఈ గ్రామంలో అల్ బోహ్రా మరియు ముఖర్మ తెగలకు చెందిన ప్రజలు నివసిస్తున్నారు. వారి ప్రాచీన, ఆధునిక కట్టడాలు కూడా పర్యాటకులను ఆకర్షిస్తాయి. అల్-హుతైబ్ గ్రామం ప్రకృతిలో ఉన్న వింతలు, విశేషాలకు ఒక అద్భుతమైన ఉదాహరణ.
