Bihar Elections: అప్పుడు అంచనాలు రివర్స్..  బిహార్ ఎగ్జిట్ పోల్స్ పై పార్టీల్లో టెన్షన్

Bihar Elections

బిహార్ అసెంబ్లీ ఎన్నికల (Bihar Elections)పోలింగ్ ముగిసింది. ఎన్నడూ లేని విధంగా రికార్డు స్థాయిలో ఓటింగ్ శాతం నమోదైంది. ఎగ్జిట్ పోల్స్ కూడా వచ్చేశాయి. మెజార్టీ ఎగ్జిట్ పోల్స్ అధికార ఎన్డీఏ కూటమికే జై కొట్టాయి. అయితే ప్రతిపక్ష కూటమి మాత్రం తమదే విజయమన్న ధీమాతో హడావుడి చేస్తోంది. విపక్ష కూటమి సీఎం అభ్యర్థి తేజస్వి యాదవ్ అయితే ప్రమాణ స్వీకారానికి డేట్ కూడా ఫిక్స్ చేసుకున్నారు.

దీంతో బిహార్ ఎన్నికల(Bihar Elections) ఫలితాలపై ఉత్కంఠ తారాస్థాయికి పెరిగిపోయింది. ఇక్కడ మరో చర్చ కూడా మొదలైంది. ఎగ్జిట్ పోల్స్ ఎంతవరకూ నిజమవుతాయా అన్న టాపిక్ పై హాట్ హాట్ గా చర్చ నడుస్తోంది. వేరే రాష్ట్రాల సంగతి పక్కన పెడితే బిహార్ లో మాత్రం గత రెండు పర్యాయాలు ఎగ్జిట్ పోల్డ్ అంచనాలు తారుమారయ్యాయి. అందుకే ఇప్పుడు ప్రధాన పార్టీలకు టెన్షన్ పట్టుకుంది.

2015 అసెంబ్లీ ఎన్నికల్లో జేడీయూ ,ఆర్జేడీ, కాంగ్రెస్ పార్టీలు కలిసి మహాఘట్‌బంధన్‌గా ఏర్పడి పోటీ చేశాయి. ఇక బీజేపీ నేతృత్వంలోని ఎన్డీఏ కూటమి కూడా పోటీ చేసింది. దీంతో హోరాహోరీ తప్పదని ఎగ్జిట్ పోల్స్ అంచనా వేశాయి. పోటీ నువ్వా నేనా అన్నట్టు ఉంటుందని మహాఘట్‌బంధన్‌కు 123 సీట్లు.. ఎన్డీఏకు 114 సీట్లు వస్తాయని దాదాపు 6 ఎగ్జిట్ పోల్స్ అంచనా వేశాయి.

అయితే ఇక్కడ సీన్ మొత్తం రివర్సయింది. ఎగ్జిట్ పోల్స్ అంచనాలు తలకిందులయ్యాయి. మహాఘట్‌బంధన్‌ కూటమి ఏకంగా 178 సీట్లు సాధించింది. ఎన్డీఏ కూటమి కేవలం 58 సీట్లకే పరిమితమైంది. ఇక 202లోనూ బిహార్ ఎగ్జిట్ పోల్స్ (Bihar Elections)అంచనాలు మరోసారి తప్పాయి. మెజారిటీ ఎగ్జిట్ పోల్స్ ఆర్జేడీ నేతృత్వంలోని మహాఘట్‌బంధన్ గెలుస్తుందని చెప్పాయి. కానీ అసలు ఫలితాల్లో మాత్రం సీన్ రివర్సయింది.

125 సీట్లతో ఎన్టీఏ కూటమి గెలిచింది. ఎన్డీఏకు కేవలం 108 సీట్లు మాత్రమే వస్తాయని అంచనా వేస్తే ఈ సంఖ్య మహాఘట్ బంధన్ కూటమికి రావడం ఆశ్చర్యపరిచింది. దీంతో ఈ సారి ఎగ్జిట్ పోల్స్ అంచనాలు ఏమౌవుతాయో అన్న అనుమానాలు మొదలయ్యాయి. అటు ఎన్డీఏ కూటమికి టెన్షన్ గా ఉంటే… తేజస్వి యాదవ్ సారథ్యంలోని మహాఘట్ బంధన్ మాత్రం ఉత్సాహంగా ఉంది. ఎగ్జిట్ పోల్స్ తప్పి తామే గెలుస్తామంటూ ధీమాగా ఉంది.

మరిన్ని పొలిటికల్ వార్తల కోసం ఇక్కడ క్లిక్ చేయండి