Idols: గుడిలోని విగ్రహాల వెనుక దాగి ఉన్న రహస్యం తెలుసా?

Idols

మనం గుడికి వెళ్లినప్పుడు గర్భాలయంలోని విగ్రహాన్ని(Idols) భక్తితో చూస్తాం. కానీ ఆ విగ్రహాల (Idols)తయారీ వెనుక అద్భుతమైన సైన్స్ , మెటలర్జీ (లోహశాస్త్రం) దాగి ఉందని ఎంతమందికి తెలుసు? మన పూర్వీకులు కేవలం భక్తి కోసమే కాకుండా, మానవ శరీరంలోని శక్తి కేంద్రాలను ఉత్తేజితం చేయడానికి ఈ విగ్రహాలను కొన్ని ప్రత్యేక లోహాల మిశ్రమంతో తయారు చేసేవారు.

ముఖ్యంగా ‘పంచలోహ’ విగ్రహాల(Idols) ప్రాముఖ్యత ప్రపంచవ్యాప్తంగా శాస్త్రవేత్తలను సైతం ఆశ్చర్యపరుస్తోంది. బంగారం, వెండి, రాగి, సీసం , తుప్పు పట్టని ఇనుము (లేదా జింక్) వంటి ఐదు లోహాల మిశ్రమంతో వీటిని తయారు చేస్తారు. ఈ ఐదు లోహాలు విశ్వంలోని పంచభూతాలకు సంకేతం మాత్రమే కాదు, ఇవి ఒక ప్రత్యేకమైన విద్యుదయస్కాంత క్షేత్రాన్ని (Electromagnetic Field) సృష్టిస్తాయి.

గర్భాలయం అనేది చుట్టూ మూడు వైపులా మూసి ఉండి, కేవలం ఒక వైపు మాత్రమే తెరిచి ఉంటుంది. విగ్రహానికి అభిషేకం చేసినప్పుడు లేదా మంత్రోచ్ఛారణ చేసినప్పుడు, ఆ శబ్ద తరంగాలు , అభిషేక ద్రవ్యాలు (పాలు, పెరుగు, తేనె వంటివి) లోహ విగ్రహంతో చర్య జరిపి ఒక రకమైన పాజిటివ్ ఎనర్జీని విడుదల చేస్తాయి.

అందుకే అభిషేకం చేసిన తీర్థాన్ని స్వీకరించడం వల్ల మన శరీరంలోని ఖనిజాల లోపం తగ్గుతుందని ఆయుర్వేదం చెబుతోంది. ఉదాహరణకు, పళనిలోని మురుగన్ విగ్రహం తొమ్మిది రకాల విష పదార్థాల (నవపాషాణం) మిశ్రమంతో తయారైంది. ఆ విగ్రహానికి అభిషేకం చేసిన పాలు తాగడం వల్ల ఎన్నో మొండి వ్యాధులు నయమవుతాయని నమ్ముతారు. ఇది మూఢనమ్మకం కాదు, కెమిస్ట్రీ అని ఆధునిక పరిశోధనలు చెబుతున్నాయి.

అలాగే విగ్రహాల(Idols) రూపురేఖలు, ముద్రలు (ముఖ్యంగా అభయ ముద్ర, జ్ఞాన ముద్ర) మన మెదడుపై ఎలాంటి ప్రభావం చూపుతాయి అనేది ఒక ఆసక్తికరమైన అంశం. దేవాలయాల్లోని విగ్రహాలను ప్రతిష్టించేటప్పుడు వాటి కింద ఉంచే ‘యంత్రాలు’ చ ‘ధాన్యాలు’ కూడా ఒక నిర్దిష్టమైన పద్ధతిలో శక్తిని నిల్వ చేస్తాయి.

మనం విగ్రహం ముందు నిలబడి ధ్యానం చేసినప్పుడు, ఆ విగ్రహం నుంచి ప్రసరించే తరంగాలు మన ఆలోచనలను క్రమబద్ధం చేస్తాయి. అందుకే పురాతన విగ్రహాలు ఎంత పాతవైనా వాటి మెరుపు తగ్గదు, సకల శక్తుల నిలయంగా ఉంటాయి. ఈ విగ్రహాల తయారీలో వాడే శిల్ప శాస్త్రం కేవలం కళ మాత్రమే కాదు, అది ఒక పరమ పవిత్రమైన విజ్ఞానం.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి.