Ind vs Sa: చేతులెత్తేసిన భారత బ్యాటర్లు..  పట్టుబిగించిన సౌతాఫ్రికా

Ind vs Sa

సొంత పిచ్ లపై భారత బ్యాటింగ్ ఇంత చెత్తనా… సౌతాఫ్రికా(Ind vs Sa)తో రెండో టెస్టులో టీమిండియా బ్యాటర్ల ఆటతీరు చూసిన తర్వాత ఎవ్వరైనా సరే ఈ మాటే అనుకుంటారు. ప్రత్యర్థి జట్టు 489 పరుగులు స్కోర్ చేసిన పిచ్ పై… వాళ్ళ టెయిలెండర్లు సెంచరీ, హాఫ్ సెంచరీ చేసిన పిచ్ పై…బ్యాటింగ్ కు అనుకూలంగా ఉన్న పిచ్ పై మన జట్టు కనీసం వాళ్ల స్కోరులో సగం కూడా కొట్టలేకపోయింది.

కేవలం 201 పరుగులకే కుప్పకూలింది. ఫలితంగా సిరీస్(Ind vs Sa) ఓటమిని ఖాయం చేసుకుంది. అలాగే ఈ మ్యాచ్ లో కూడా ఓడిపోయే పరిస్థితి తెచ్చుకుంది. సొంత పిచ్ లపై టెస్టుల్లో ఎలా ఆడాలో కూడా తెలీదా అన్న కామెంట్లు వినిపించినా ఆశ్చర్యపోనవసరం లేదు. ఎందుకంటే భారత బ్యాటింగ్ లైనప్ అలాగే కుప్పకూలింది. 27 పరుగుల తేడాలో 6 వికెట్లు చేజార్చుకుని ఫాలో ఆన్ లో పడింది. సౌతాఫ్రికా కెప్టెన్ బవుమా మాత్రం తన బౌలర్లను రెస్ట్ ఇచ్చే ఉద్దేశంతో భారత్ కు ఫాలో ఆన్ ఇవ్వకుండా బ్యాటింగ్ కొనసాగించాడు.

నిజానికి మూడోరోజు ఆటలో భారత ఓపెనర్ల ఆరంభాన్ని చూసిన తర్వాత సౌతాఫ్రికా స్కోరుకు ధీటుగా స్పందిస్తుందని అంతా అనుకున్నారు. జైశ్వాల్ హాఫ్ సెంచరీ చేయడం.. రాహుల్ తో కలిసి తొలి వికెట్ కు 65 పరుగులు జోడించడంతో బాగానే ఆడుతున్నారని ఫ్యాన్స్ హ్యాపీ ఫీలయ్యారు. తీరా నిమిషాల వ్యవధిలో సీన్ మొత్తం రివర్సయింది. కేవలం 27 పరుగుల వ్యవధిలో ఒకటి కాదు రెండు కాదు ఏకంగా 6 వికెట్లు కోల్పోయింది. బాధ్యతగా ఆడాల్సిన బ్యాటర్లంతా ఇలా వచ్చి అలా వెళ్లారు.

సాయి సుదర్శన్ , జురెల్, పంజ్ , జడేజా, నితీశ్ కుమార్ రెడ్డి ఫ్లాప్ అయ్యారు. పంత్ ఔటైన విధానంపై తీవ్ర విమర్శలు వచ్చాయి. స్టుపిడ్ షాట్ కు ఔటైనట్టు స్పష్టంగా కనిపిస్తోంది. టెస్టుల్లో కాసేపు ఓపిక ప్రదర్శించకుంటే బ్యాటర్ల క్రీజులో నిలదొక్కుకోలేరు. మరోసారి అక్కడ అవసరం లేకున్నా భారీ షాట్ కు ట్రై చేశాడు. భారత్ ఇన్నింగ్స్ లో టెయిలెండర్లు బెటర్ అనిపించారు.

వాషింగ్టన్ సుందర్ , కుల్దీప్ యాదవ్ పార్టనర్ షిప్ అత్యధికంగా నిలిచింది. ఫాలో ఆన్ తప్పించేందుకు వీరిద్దరూ చాలా గట్టిగానే ప్రయత్నించారు. వాషింగ్టన్ సుందర్ 48 , కుల్దీప్ 19 పరుగులు చేశారు. ముఖ్యంగా కుల్దీప్ ఎంతో పట్టుదలగా 134 బంతులు ఎదుర్కొని టెస్టుల్లో ఎలా ఆడాలో ప్రధాన బ్యాటర్లకు చెప్పకనే చెప్పాడు. మొత్తం మీద బ్యాటర్ల వైఫల్యంతో భారత్ 201 పరుగులకే కుప్పకూలింది.

అంటే సఫారీల స్కోరులో కనీసం సగం కూడా చేయలేకపోయింది. సొంతగడ్డపై ఇంతకంటే అవమానం మరొకటి ఉండదనే చెప్పాలి. సఫారీ పేసర్ మార్కో జెన్సన్ 6 వికెట్లతో భారత్ ను దెబ్బకొట్టాడు. హార్మర్ 3 , కేశవ్ మహారాజ్ 1 వికెట్ తీశారు.

దీంతో సౌతాఫ్రికాకు(Ind vs Sa) 288 పరుగుల భారీ ఆధిక్యం దక్కింది. ఫాలో ఆన్ ఆడించే అవకాశమున్నప్పటకీ సఫారీ కెప్టెన్ బవుమా తెలివిగా ఆలోచించాడు. తన బౌలర్లకు రెస్ట్ ఇచ్చే ఉద్దేశంతో తామే రెండో ఇన్నింగ్స్ ప్రారంభించాడు. దీంతో మూడోరోజు ఆటముగిసే సమయానికి సౌతాఫ్రికా వికెట్ నష్టపోకుండా 26 రన్స్ చేసింది. ప్రస్తుతం దక్షిణాఫ్రికా 314 పరుగుల ఆధిక్యంలో కొనసాగుతోంది.

మరిన్ని స్పోర్ట్స్ న్యూస్ కోసం ఇక్కడ క్లిక్ చేయండి