Just SportsLatest News

NPL 2025: అరంగేట్రంలోనే అదుర్స్..  నేపాల్ లో భారత క్రికెటర్ విధ్వంసం

NPL 2025: చిట్వాన్‌ రైనోస్‌తో జరిగిన మ్యాచ్‌లో పంచల్ కేవలం 48 బంతుల్లోనే 7 ఫోర్లు, 6 సిక్సర్లతో 90 పరుగులు చేశాడు.

NPL 2025

ఐపీఎల్ వచ్చిన తర్వాత ప్రపంచ వ్యాప్తంగా ఎన్నో లీగ్స్ పుట్టుకొచ్చాయి. ఆస్ట్రేలియా, సౌతాఫ్రికా, బంగ్లాదేశ్, శ్రీలంక, ఇంగ్లాండ్ మాత్రమే కాదు చిన్న దేశాలైనా నేపాల్ వంటి చోట్లా లీగ్స్ వచ్చేశాయి. తాజాగా నేపాల్ ప్రీమియర్ లీగ్(NPL 2025) ఆసక్తికరంగా సాగుతోంది. ఈ లీగ్ కు మరింత క్రేజ్ తెచ్చేందుకు భారత క్రికెటర్లను కూడా ఆడిస్తున్నారు. బీసీసీఐ రూల్స్ ప్రకారం రిటైరయిన ఆటగాళ్ళు విదేశీ లీగ్స్ లో ఆడొచ్చు.

ఈ క్రమంలోనే భారత్ కు ఆడే అవకాశం రాకపోవడంతో ప్రియాంక్ పాంచల్ నేపాల్ ప్రీమియర్ లీగ్ (NPL 2025)ఎంట్రీ ఇచ్చాడు. అడుగుపెట్టడమే కాదు అరంగేట్రంలోనే దుమ్మురేపేశాడు. ఈ లీగ్‌లో కర్నాలీ యాక్స్ కు అతను ప్రాతినిధ్యం వ‌హిస్తున్నాడు. చిట్వాన్‌ రైనోస్‌తో జరిగిన మ్యాచ్‌లో పంచల్ కేవలం 48 బంతుల్లోనే 7 ఫోర్లు, 6 సిక్సర్లతో 90 పరుగులు చేశాడు.

నేపాల్‌ ప్రీమియర్‌ లీగ్‌ (NPL 2025)చరిత్రలో అరంగేట్రంలో ఓ ప్లేయ‌ర్ చేసిన అత్యధిక ప‌రుగులు ఇవే. దీంతో ఈ లీగ్ చ‌రిత్ర‌లో అరంగ్రేట మ్యాచ్‌లో అత్య‌ధిక ప‌రుగులు చేసిన ఆట‌గాడిగా చ‌రిత్ర సృష్టించాడు. ప్రియాంక్‌ పంచల్ విధ్వంసంతో యాక్స్‌ నిర్ణీత 20 ఓవర్లలో 3 వికెట్ల నష్టానికి 166 పరుగులు చేసింది. మిగిలిన బ్యాటర్లు అంతగా రాణించకపోవడంతో ఆ జట్టు భారీస్కోర్ చేయలేకపోయింది.

NPL 2025
NPL 2025

కాగా ప్రియాంక పంచల్ పేరు ప్రస్తుతం సోషల్ మీడియాలో వైరల్ గా మారింది. దీంతో అతని గురించి తెలుసుకునేందుకు ఫ్యాన్స్ ఆసక్తి చూపిస్తున్నారు. భారత్ కు ఆడకున్నా దేశవాళీ క్రికెట్ లో ఈ గుజరాత్ బ్యాటర్ కు అద్భుతమైన రికార్డుంది. డొమెస్టిక్ క్రికెట్ లో 9 వేలకు పైగా పరుగులు బాదాడు. 29 సెంచరీలు, 34 హాఫ్ సెంచరీలు బాదాడు. అద్భుతమైన ఫామ్ తో అదరగొడుతూనే ఉన్నా టీమిండియాకు ప్రాతినిథ్యం వహించే అవకాశం రాలేదు.

ఒకమాటలో చెప్పాలంటే మాజీ కెప్టెన్ రోహిత్ శర్మ స్థాయిలో ఉండాల్సిన వాడని పలువురు అభిప్రాయపడుతుంటారు. వయసు మీద పడుతుండడంతో ఈ 35 ఏళ్ళ గుజరాత్ క్రికెటర్ రిటైర్మెంట్ ప్రకటించాడు. అప్పటి నుంచి ఈ సంవత్సరం ఫ్రిబవరి వరకు లిస్ట్-ఏలో ఆడుతూ వచ్చాడు. 17 ఏళ్ల సుదీర్ఘ కెరీర్‌లో ముగించి ప్రస్తుతం విదేశీ లీగ్స్ లో ఆడడంపై ఫోకస్ పెట్టాడు. దీనిలో భాగంగానే బీసీసీఐతో సంబంధాలు తెంచుకుని నేపాల్ ప్రీమియర్ లీగ్ (NPL 2025)తో అరంగేట్రం చేశాడు.

మరిన్ని స్పోర్ట్స్ న్యూస్ కోసం ఇక్కడ క్లిక్ చేయండి

Related Articles

Leave a Reply

Your email address will not be published. Required fields are marked *

Back to top button