Komati Reddy counters: పవన్ కళ్యాణ్ దిష్టి వ్యాఖ్యలకు కోమటిరెడ్డి కౌంటర్..తెలంగాణలో పవన్ సినిమాలు ఆడవా?

Komati Reddy counters

ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కళ్యాణ్ ఇటీవల కోనసీమ ప్రాంతంలో చేసిన ఓ వ్యాఖ్య.. తెలంగాణ రాజకీయాల్లో తీవ్ర అలజడి సృష్టించింది. కోనసీమ ప్రాంతంలో కొబ్బరి తోటలు దెబ్బతినడంపై ఆవేదన వ్యక్తం చేస్తూ, ఈ ప్రాంతానికి దిష్టి తగిలిందని వ్యాఖ్యానించిన పవన్ కళ్యాణ్, రాష్ట్ర విభజనకు (తెలంగాణ ఏర్పాటుకు) గోదావరి జిల్లాల పచ్చదనం కూడా ఒక కారణమని పేర్కొనడం వివాదాస్పదమైంది.

పవన్ కల్యాణ్ వ్యాఖ్యలపై తెలంగాణ రోడ్లు భవనాల శాఖ మంత్రి, సీనియర్ కాంగ్రెస్ నాయకులు కోమటిరెడ్డి వెంకటరెడ్డి(Komati Reddy counters) తీవ్రంగా స్పందించారు. నల్గొండలో మీడియాతో మాట్లాడిన కోమటిరెడ్డి, పవన్ వ్యాఖ్యలను తప్పుబట్టారు. తెలంగాణ ఉద్యమానికి సంబంధించిన ప్రాథమిక అంశాలపై అవగాహన లేకుండా పవన్ కళ్యాణ్ మాట్లాడారని కౌంటర్ ఇచ్చారు.

మంత్రి కోమటిరెడ్డి వెంకటరెడ్డి మాట్లాడుతూ(Komati Reddy counters).. తెలంగాణ రాష్ట్రం ఏర్పడడానికి కోనసీమ పచ్చదనం ఎలా కారణమవుతుంది? రాష్ట్రం విడిపోవడానికి గోదావరి జిల్లాల పచ్చదనం కారణమంటూ పవన్ కళ్యాణ్ మాట్లాడడం హాస్యాస్పదం. తెలంగాణ ఉద్యమం కోనసీమ గురించి జరగలేదు. నీళ్లు, నిధులు, నియామకాలు అనే మూడు ప్రధాన అంశాల ఆధారంగా, దశాబ్దాల అన్యాయానికి వ్యతిరేకంగా తెలంగాణ ప్రజలు పోరాడారు. ఈ ఉద్యమం గురించి అవగాహన లేకుండా మాట్లాడడం సరికాదని ఘాటుగా విమర్శించారు.

విమర్శలతో పాటు, కోమటిరెడ్డి వెంకటరెడ్డి(Komati Reddy counters) ఒక కీలకమైన హెచ్చరిక కూడా చేశారు. పవన్ కళ్యాణ్ తన వ్యాఖ్యలకు బేషరతుగా తెలంగాణ ప్రజలకు క్షమాపణ చెప్పాలి. లేదంటే, భవిష్యత్తులో తెలంగాణ రాష్ట్రంలో పవన్ కళ్యాణ్ సినిమాలు ఆడవు, రిలీజ్ కావంటూ తేల్చి చెప్పారు.

ఈ సందర్భంగా కోమటిరెడ్డి వెంకటరెడ్డి (Komati Reddy counters)ఉమ్మడి ఆంధ్రప్రదేశ్ రాష్ట్రంలో జరిగిన ప్రాంతీయ అసమానతలను కూడా గుర్తు చేశారు. “నాడు ఉమ్మడి రాష్ట్రంలో హైదరాబాద్ నగరం ద్వారా వచ్చే ఆదాయంతోనే ఆంధ్ర ప్రాంతాన్ని అభివృద్ధి చేసుకున్నారు. తెలంగాణలోని వరంగల్, నిజామాబాద్ వంటి పట్టణాలలో కనీస సౌకర్యాలు కూడా కల్పించకుండా, కేవలం ఆంధ్రా ప్రాంతానికే నిధులను తరలించారు. అంతేకాకుండా, నీటి వాటాల విషయంలో కూడా తెలంగాణకు తీవ్ర అన్యాయం జరిగిందని ఆయన గత పరిస్థితులను వివరించారు. ఈ వ్యాఖ్యలు రెండు ప్రాంతాల మధ్య ఆర్థిక విభజనపై గతంలో జరిగిన చర్చను మరోసారి తెరపైకి తీసుకువచ్చాయి.

పవన్ కళ్యాణ్ చేసిన ఈ ‘పచ్చదనం’ వ్యాఖ్యలపై తెలంగాణలో అధికార కాంగ్రెస్ నుంచే కాకుండా, ప్రతిపక్ష భారత్ రాష్ట్ర సమితి (BRS) నుంచి కూడా వెంటనే ప్రతిస్పందన వచ్చింది. మాజీ మంత్రి జగదీష్ రెడ్డి సహా పలువురు నేతలు ఈ వ్యాఖ్యలను ఖండించారు.

అంతేకాకుండా, ఆంధ్రప్రదేశ్‌లో మిత్రపక్షంగా ఉన్నా, వైఎస్సార్ కాంగ్రెస్ పార్టీ (YCP) నేతలు కూడా పవన్ కళ్యాణ్ వ్యాఖ్యలను తప్పుపట్టారు. వైసీపీ సీనియర్ నేత అంబటి రాంబాబు కౌంటర్ ఇస్తూ, విభజనకు గోదావరి జిల్లాల పచ్చదనం కారణమని అనడం కరెక్ట్ కాదని పేర్కొన్నారు. ఈ విధంగా, పవన్ వ్యాఖ్యలు రెండు రాష్ట్రాల్లోనూ రాజకీయ వేడిని రాజేసి, ముఖ్యంగా తెలంగాణ ఉద్యమ మూల సిద్ధాంతాలపై మరోసారి చర్చను ప్రేరేపించాయి.

మరిన్ని తాజా వార్తల కోసం ఇక్కడ క్లిక్ చేయండి