Deeksha Diwas:తెలంగాణ రణభేరి దీక్షా దివస్‌కు 16 ఏళ్లు..

Deeksha Diwas

2009 నవంబర్‌ 29… తెలంగాణ చరిత్రలో ఓ దిశ, దశను మార్చిన అపురూప ఘట్టం మొదలై సరిగ్గా నేటికి 16 ఏళ్లు పూర్తయ్యింది. ఆరోజు బీఆర్ఎస్ అధినేత, మాజీ ముఖ్యమంత్రి కల్వకుంట్ల చంద్రశేఖర్‌రావు (కేసీఆర్) ప్రకటించిన ‘తెలంగాణ వచ్చుడో.. కేసీఆర్‌ సచ్చుడో’ అనే ఉగ్ర నినాదం అప్పటివరకు నివురుగప్పిన నిప్పులా ఉన్న ఉద్యమానికి అగ్నిజ్వాలను అంటించింది. ఆమరణ నిరాహారదీక్ష కోసం కేసీఆర్ సిద్దిపేటకు బయలుదేరిన రోజునే దీక్షా దివస్‌గా బీఆర్ఎస్ వర్గాలు రాష్ట్రవ్యాప్తంగా ఘనంగా నిర్వహిస్తున్నాయి. నవంబర్‌ 29 నుంచి డిసెంబర్‌ 9 వరకు 11 రోజులు సాగిన ఈ మహాదీక్ష, తెలంగాణ ఉద్యమాన్ని విజయతీరాలకు చేర్చడంలో కీలక మైలురాయిగా నిలిచింది.

దీక్షా దివస్(Deeksha Diwas) సందర్భంగా తెలంగాణ జాగృతి అధ్యక్షురాలు కల్వకుంట్ల కవిత చేసిన ట్వీట్, ఈ పోరాట స్ఫూర్తిని మరోసారి గుర్తుచేసింది. ఒక యోధుని దీక్ష , అమరుల త్యాగం కలిసి యావత్ తెలంగాణ జాతికి మేలుకొలుపునిచ్చాయని ఆమె అన్నారు. ఇది కేవలం ఉద్యమ స్ఫూర్తిని నింపడమే కాదు, రాష్ట్ర సాధనకు దారిదీపమైందని కవిత పేర్కొన్నారు. “భౌగోళిక తెలంగాణ సాధించాం.. ఇక సామాజిక తెలంగాణ సాధిస్తాం” అంటూ ఆమె భవిష్యత్తు లక్ష్యాన్ని కూడా స్పష్టంగా ప్రకటించారు, జై తెలంగాణ నినాదంతో తన పోస్ట్‌ను ముగించారు. అయితే ఇందులో ఎక్కడా కూడా తన తండ్రి కేసీఆర్ పేరు ఎత్తలేదు. యోధుడిగానే తండ్రిని పొగిడింది తప్ప కేసీఆర్ తనయగా చెప్పుకోలేదు.

ఒక యోధుని దీక్ష

అమరుల త్యాగం

యావత్ తెలంగాణ
..జాతికి మేలుకొలుపైంది
..ఐక్యతా గీతమైంది
..ఉద్యమ స్ఫూర్తిని నింపింది

తెలంగాణ ఉద్యమాన్ని  విజయపథం వైపు నడిపింది !!!

రాష్ట్ర సాధనకు దారి దీపమైంది !!!

భౌగోళిక తెలంగాణ సాధించాం !!
సామాజిక తెలంగాణ సాధిస్తాం !!

జై…

— Kavitha Kalvakuntla (@RaoKavitha) November 29, 2025

అలాగే మాజీ మంత్రి, సీనియర్ బీఆర్ఎస్ నేత హరీశ్‌రావు ఈ సందర్భంగా నాటి ఉద్యమ జ్ఞాపకాలను నెమరువేసుకున్నారు. కేసీఆర్ చేపట్టిన దీక్ష ఉద్యమ గతిని మలుపు తిప్పి, సరికొత్త చరిత్రకు నాంది పలికిందని ఉద్ఘాటించారు. ‘రానే రాదు, కానే కాదు’ అన్న ప్రత్యేక రాష్ట్ర ఏర్పాటును సబ్బండ వర్గాలను ఏకం చేసి కేసీఆర్ సుసాధ్యం చేశారని కొనియాడారు. నాలుగు కోట్ల ప్రజల ఆకాంక్ష కోసం పదవులనే కాదు, ప్రాణాలు సైతం త్యాగం చేయడానికి సిద్ధపడ్డ ధీరత్వం ఆయనదని ప్రశంసించారు. నవంబర్‌ 29న కేసీఆర్‌ దీక్ష లేకుండా డిసెంబర్‌ 9 ప్రకటన లేదన్నది అక్షర సత్యం అని, ఆ దీక్షా కాలం నాటి జ్ఞాపకాలు తన గుండెల్లో పదిలంగా ఉన్నాయని, అవి నిత్యం తెలంగాణ స్ఫూర్తిని రగిలిస్తున్నాయని హరీశ్‌రావు భావోద్వేగంగా పేర్కొన్నారు.

'తెలంగాణ వచ్చుడో.. కేసీఆర్‌ సచ్చుడో’ నినాదంతో 2009 నవంబర్‌ 29న ప్రారంభించిన ఆమరణ దీక్ష, ఉద్యమ గతిని మలుపు తిప్పింది. సరికొత్త చరిత్రకు నాంది పలికింది. తెలంగాణ ఏర్పాటుకు బాటలు వేసింది.

'రానే రాదు, కానే కాదు' అన్న ప్రత్యేక రాష్ట్ర ఏర్పాటును సబ్బండ వర్గాలను ఏకం చేసి సుసాధ్యం చేసి… pic.twitter.com/54iyDJy7nI

— Harish Rao Thanneeru (@BRSHarish) November 29, 2025

ఇటు బీఆర్ఎస్ వర్కింగ్ ప్రెసిడెంట్ కేటీఆర్ కూడా దీక్షా దివస్(Deeksha Diwas) నాటి పరిస్థితులను గుర్తుచేసుకున్నారు. ముఖ్యంగా కరీంనగర్‌లో కేసీఆర్‌ను అరెస్టు చేసిన సమయంలో ప్రజల్లో నుంచి వచ్చిన ఆగ్రహ జ్వాలలు తెలంగాణ ఉద్యమానికి కొత్త ఊపు ఇచ్చాయని అన్నారు. అప్పటి కీలక వీడియోను తన సోషల్ మీడియా ఖాతాలో పంచుకోవడం ద్వారా నాటి ఉద్రిక్తతను, ప్రజల ఐక్యతను ఆయన మరోసారి సర్మించుకున్నారు.

This was the day that changed Telangana’s destiny and led to statehood 16 years ago

29th November, 2009 will be etched in history

Sharing a video of that day from Karimnagar when KCR Garu was arrested and emotions were running high #DeekshaDivas #KCR#Telangana pic.twitter.com/5QnrYaDzam

— KTR (@KTRBRS) November 29, 2025

దీక్షా దివస్(Deeksha Diwas) అనేది కేవలం ఒక చారిత్రక తేదీ కాదు, తెలంగాణ ప్రజల ఆత్మగౌరవ పోరాటంలో కేసీఆర్ యొక్క సంకల్పానికి, నాయకత్వానికి నిలువెత్తు నిదర్శనం. నేటికి 16 ఏళ్లు పూర్తవుతున్న సందర్భంగా, బీఆర్ఎస్ నాయకులు కవిత, హరీశ్ రావు, కేటీఆర్ ఆనాటి వీరోచిత ఘట్టాన్ని స్మరించుకుంటూ, తెలంగాణ సాధనలో కేసీఆర్ పాత్రను, ప్రజల త్యాగాలను కీర్తిస్తున్నారు. ఈ ఘట్టం భౌగోళిక రాష్ట్ర సాధనకు బాటలు వేయగా, ఇప్పుడు సామాజిక న్యాయ సాధనే తదుపరి లక్ష్యంగా నాయకత్వం ప్రజలకు సందేశమిస్తోంది.

మరిన్ని తెలంగాణ వార్తల కోసం ఇక్కడ క్లిక్ చేయండి