WhatsApp and Telegram :అక్కడ వాట్సాప్,టెలిగ్రామ్‌లపై ఆంక్షలు.. బ్లాక్ చేసే యోచనలో ప్రభుత్వం

WhatsApp and Telegram

రష్యా (Russia)లో ప్రముఖ మెసేజింగ్ ప్లాట్‌ఫామ్ వాట్సాప్‌పై (WhatsApp and Telegram) త్వరలోనే అక్కడి ప్రభుత్వం నిషేధం విధించబోతోందనే సంకేతాలు బలంగా వినిపిస్తున్నాయి. దీనిపై రష్యా కమ్యూనికేషన్స్ రెగ్యులేటర్ రోస్‌కామ్‌నాడ్జోర్ (Roskomnadzor) తాజాగా కీలక ప్రకటన చేసింది. వాట్సాప్ స్థానిక నేర నిరోధక చట్టాల ఉల్లంఘనలను సరిదిద్దకపోతే దేశంలో దాని సేవలను పూర్తిగా నిలిపివేస్తామని (Block) హెచ్చరించింది.

ఈ ప్లాట్‌ఫామ్‌పై వచ్చిన ప్రధాన ఆరోపణ ఏంటంటే, వాట్సాప్‌ను ఉగ్రవాద దాడులు నిర్వహించడానికి, నేరస్థులను రిక్రూట్ చేయడానికి ఉపయోగిస్తున్నారని. ఈ ఆరోపణలను దృష్టిలో ఉంచుకుని, ఉల్లంఘనలను సరిదిద్దాలని రోస్‌కామ్‌నాడ్జోర్ డిమాండ్ చేస్తోంది. గతంలో కూడా వాట్సాప్‌పై ఆంక్షలు విధించడం జరిగింది.

ఉదాహరణకు, గత ఆగస్టులో వాట్సాప్‌(WhatsApp and Telegram)లోని వాయిస్, వీడియో కాల్స్ సేవలను పరిమితం చేశారు. అలాగే, అక్టోబర్‌లో వాట్సాప్ రిజిస్ట్రేషన్, లాగిన్ కోసం ఎస్‌ఎంఎస్ (SMS) వెరిఫికేషన్ కోడ్‌లను పంపకుండా మొబైల్ ఆపరేటర్లకు నిషేధాజ్ఞలు జారీ చేశారు. ఈ ఆంక్షలకు ప్రత్యామ్నాయంగా, వాట్సాప్ తన వినియోగదారుల కోసం పాస్‌కీ లాగిన్ ఆప్షన్ (Passkey Login Option)ను అందుబాటులోకి తీసుకువచ్చారు.

ఇక మరో సోషల్ మీడియా ప్లాట్‌ఫామ్ అయిన టెలిగ్రామ్‌ (WhatsApp and Telegram)పై కూడా ప్రభుత్వ ఆంక్షలు కొనసాగుతూనే ఉన్నాయి. రాయిటర్స్ నివేదిక ప్రకారం, ఇంటర్‌ఫాక్స్ ద్వారా రోస్‌కామ్‌నాడ్జోర్.. టెలిగ్రామ్‌కు కూడా ‘రష్యన్ చట్టాల డిమాండ్లను నెరవేర్చకపోతే పూర్తిగా బ్లాక్ చేస్తాం’ అని స్పష్టం చేసింది. అయితే, వాట్సాప్‌పై ఈ నిషేధాన్ని ఎప్పుడు అమలు చేస్తారనే సమయ పరిమితి లేదా అమలు తేదీపై మాత్రం ఎలాంటి అధికారిక ప్రకటన ఇప్పటివరకు వెలువడలేదు.

ఈ పరిస్థితులలో రష్యా కమ్యూనికేషన్స్ రెగ్యులేటర్ ప్రజలను దేశీయ యాప్‌లను మాత్రమే ఉపయోగించాలని సూచించింది. 2022లో రష్యా-ఉక్రెయిన్ దాడి జరిగిన తర్వాత పాశ్చాత్య టెక్ కంపెనీలపై ఆంక్షలు పెరగడంతో ఈ పరిణామాలు తలెత్తాయి. రష్యా ప్రభుత్వం తమ దేశ చట్టాలకు కట్టుబడి ఉండని, ముఖ్యంగా దేశ భద్రతకు సంబంధించిన అంశాల్లో, ఎటువంటి విదేశీ టెక్నాలజీ కంపెనీనైనా ఉపేక్షించబోమని ఈ చర్యల ద్వారా గట్టి సందేశాన్ని పంపుతోంది.

మరిన్ని బిజినెస్ న్యూస్ కోసం ఇక్కడ క్లిక్ చేయండి